நாமக்கல் கிழக்கு மாவட்ட தி.மு.க. சார்பில் முத்தமிழ் அறிஞர் கலைஞர் அவர்களின் 102 வது பிறந்தநாளை முன்னிட்டு கட்சியின் மூத்த நிர்வாகிகள் 120 பேருக்கு பொற்கிழி உள்ளிட்ட நல உதவிகள் வழங்கும் நிகழ்ச்சி மாவட்டக் கழக அலுவலகம் கலைஞர் அறிவாலயம் இனமான பேராசிரியர் அரங்கில் மாவட்ட செயலாளரும், மாநிலங்களவை உறுப்பினரும், நாமக்கல் மாவட்ட மத்திய கூட்டுறவு வங்கி தலைவருமான கே.ஆர்.என்.இராஜேஸ்குமார் தலைமையில் நடைபெற்றது. இதில் கழக துணைப் பொதுச் செயலாளரும், பாராளுமன்ற குழு தலைவருமான திருச்சி சிவா எம்.பி. கலந்து கொண்டு.கட்சியின் மூத்த நிர்வாகிகள் 120 பேருக்கு பொற்கிழி உள்ளிட்ட நல உதவிகளை வழங்கினர். இந்நிகழ்ச்சியில் ஆதிதிராவிடர் நலக்குழு மாநிலத் துணைத் தலைவரும், ஆதிதிராவிடர் நலத்துறை அமைச்சர் மா.மதிவேந்தன், சட்டமன்ற உறுப்பினர் பெ. இராமலிங்கம் மற்றும் கழக நிர்வாகிகள், சார்பு அணி நிர்வாகிகள் உள்ளிட்ட பலர் கலந்து கொண்டனர்.