திருச்சி, ஜூன் 6–

இந்­தி­யா­வின் தனிப் பெரும் பெரு­மையை ஒரே சொற்­றொ­ட­ரில் ‘வேற்­று­மை­யில் ஒற்­றுமை’ என்று கூறி வர­லாற்­றில் இடம்­பெற்­றுள்­ளார் கனி­மொழி கருணாநிதி என்று இந்­திய யூனி­யன் முஸ்­லிம் லீக் தேசிய தலை­வர் பேரா­சி­ரி­யர் கே.எம். காதர் மொகி­தீன் தெரி­வித்­துள்­ளார்.

இது­கு­றித்து பேரா­சி­ரி­யர் கே.எம். காதர் மொகி­தீன் விடுத்­துள்ள அறிக்கை வரு­மாறு:–

முத்­த­மி­ழ­றி­ஞர் கலை­ஞர் அவர்­க­ளின் 102–வது பிறந்த நாளான ஜூன் 3 அன்று, தமி­ழக அரசு முத­ல­மைச்­சர் முக.ஸ்டாலின் தலை­மை­யில் கலை­ஞர் பிறந்த நாள் – செம்­மொழி தினம் என்று அறி­வித்து தமி­ழ­கம் முழு­வ­தும் விழா நடந்­தது.

செம்­மொழி தினத்­தில் கலை­ஞ­ரின் மகள் கனி­மொழி தனது வெளி­நாட்­டுச் சுற்­றுப் பய­ணத்தை நிறைவு செய்து, கலை­ஞர் அவர்­க­ளின் நினை­வி­டம் வந்து மலர் வளை­யம் சாற்­றித் தனது வேட்­டலை நிறை­வேற்­றி­யி­ருக்­கி­றார்.

2025 ஏப்­ரல் 22இல் ஜம்மு – காஷ்­மீர் மாநி­லம் பஹல்­காம் சுற்­று­லாத் தளத்­தில் அப்­பாவி சுற்­று­லாப் பய­ணி­கள் 26 பேர் தீவி­ர­வா­தி­க­ளின் துப்­பாக்­கிக் குண்­டு­க­ளுக்கு இரை­யாக்­கப்­பட்ட செய்தி, காட்­டுத்தீ போல உல­கம் எங்­கும் பரவி, மனித உள்­ளங்­க­ளில் கொதிக்­கும் தீச் செய்­தி­யாக வலம் வந்­தது என்­பது எல்­லோ­ரும் அறிந்­ததே.

உலக சரித்­தி­ரத்­தில் புதிது!

இந்­திய ஒன்­றிய அரசு இதற்­குப் பதி­ல­டியை உட­ன­டி­யா­கக் கொடுப்­ப­தற்கு ‘ஆப­ரே­ஷன்சிந்­தூர்’ நடத்­தி­யது. மக­ளின் குங்­கு­மப் பொட்­டுக்­களை அழித்த தீவி­ர­வா­தி­ க­ளுக்கு மக­ளிர் இரா­ணு­வத்­தைக் கொண்டே இந்­திய இரா­ணு­வம் இர­வோடு இர­வா­கத் தக்க பதி­லடி கொடுத்து பழி­தீர்த்த சரித்­தி­ரம் உலக சரித்­தி­ரத்­தில் புதி­யது; புது­மை­யா­னது; பொன்­னெ­ழுத்­துக்­க­ளால் பொறிக்­கப்­பட வேண்­டி­யது என்­ப­தில் எவ்­வித ஐய­மும் இருக்க முடி­யாது.

பதி­லடி கொடுத்த இந்­திய ஒன்­றிய அரசு, பாகிஸ்­தா­னின் இரா­ணு­வத் தலங்­களை அடித்து நொறுக்­கி­யதை உல­கின் மற்ற நாடு­கள் இந்­திய போர் தொடங்­கி­விட்­டது என்று பரப்­பு­ரை­யைத் தொடங்­கு­வ­தற்கு முன்­னரே போர் நிறுத்­தத்தை அறி­வித்­தது; உல­கம் இதை உற்­றுப் பார்த்­தது.

அதே சம­யத்­தில் இந்­திய அரசு, ஏழு பாரா­ளு­மன்­றக்­கு­ழுக்­களை அமைத்து, உலக நாடு­கள் முழு­வ­தற்­கும் சென்று, இந்­தி­யா­வின் நட­வ­டிக்­கை­கள் எது­வும் மனித நேயத்­திற்கு மாறு­பட்­டது இல்லை; இந்­தி­யா­வுக்கு நேர்ந்த திடீர் தாக்­கு­த­லுக்கு திடீ­ரென பதி­லடி கொடுத்து இந்­திய மக்­க­ளின் மான உணர்ச்­சி­யைக் காப்­பாற்றி இருக்­கி­றோம் என்­பது உலக நாடு­கள் புரிந்து கொள்­ளச் செய்­வ­தற்­காக அனுப்பி வைக்­கப்­பட்­டன. சரி­யான முடி­வைச் சரி­யான நேரத்­தில் இந்­திய அரசு மேற்­கொண்­டுள்­ளது என்று எல்­லோ­ருமே வர­வேற்­புக் கூறி­னர்.

கனி­மொழி கரு­ணா­நிதி எம்.பி. தலை­மை­யில் குழு!

உலக நாடு­க­ளுக்­குச் சென்ற ஏழு நாடா­ளு­மன்ற குழுக்­க­ளில் ஒரு குழு­வுக்கு தமிழ்­நாட்டு நாடா­ளு­மன்ற உறுப்­பி­னர் முத்­த­மி­ழ­ றி­ஞர் கலை­ஞர் அவர்­க­ளின் அன்பு மகள் – தமிழ் நாட்டு முத­ல­மைச்­சர் மு.க.ஸ்டாலின் அவர்­க­ளின் அரு­மைத் தங்கை கனி­மொழி எம்.பி அவர்­கள் தலைமை ஏற்­றுச் சென்­றார்.

கனி­மொழி கரு­ணா­நிதி எம்.பி. தலைமை வகித்­துச் சென்ற எம்.பி குழு­வில் சமாஜ்­வாதி கட்சி ராஜ்­கு­மார் ராய், பார­தீய ஜனதா கட்சி பிரி­ஜேஷ் சவுதா, ஆம் ஆத்மி கட்சி அசோக் மிட்­டல், ராஷ்ட்­டீ­ரீய ஜனதா தளம் கட்சி பிரேம்­சந்த் குப்தா ஆகி­யோர் பங்­கேற்­றி­ருந்­த­னர்.

இந்­தக் குழு ரஷியா, கிரீஸ், சுலோ­வே­னியா, லாத்­வியா, ஸ்பெயின் ஆகிய நாடு­க­ளுக்­குச் சென்று 2025 ஜன­வரி 3–ல் நாடு திரும்­பி­யது. கனி­மொழி தலை மையிலான இந்­திய நாடா­ளு­மன்­றக் குழு­வி­னர், ஸ்பெயின் நாட்­டுப் பிர­தி­நி­தி­க­ளைச் சந்­தித்து இந்­தி­யத் தூதுக்­கு­ழு­வின் விவ­ரங்­களை விளக்­கிக்­கூ­றி­னர்.

எதிர்­பா­ராத கேள்­வி­யும்

அதே வேகத்­தில் வந்த பதி­லும்!

அந்­தக் கூட்­டத்­தில் ஸ்பெயின் நாட்­டுப் பிர­தி­நி­தி­கள் பல வினாக்­களை எழுப்­பி­னர். அவை­க­ளுக்­கு­ரிய தெளி­வான விளக்­கங்­கள் அளித்து வரும் போது, திடீ­ரென ஒரு கேள்வி பிறந்­தது? எதிர்­பா­ராத இந்­தக் கேள்வி வந்த அதே வேகத்­தில் அதற்­கான பதி­லும் வந்­தது! அவை­யி­னர் அனை­வ­ரும் கர­வொலி எழுப்­பி­யது அடங்­கு­வ­தற்கு அதிக நேர­மாகி விட்­டது!

திடீ­ரென எழுந்­து­வந்த கேள்வி எது? ‘‘இந்­தி­யா­வின் தேசிய மொழி’’ எது?

பதி­ல­டி­யா­கத் திடீ­ரென உத்­வே­கத்­து­டன் கனி­மொ­ழி­யி­டம் எழுந்­தோடி வந்த பதில்;

இந்­தி­யா­வின் தேசிய மொழி எது என்றா கேட்­கி­றீர்­கள்; இந்­தி­யா­வின் தேசிய மொழி ‘‘வேற்­று­மை­யில் ஒற்­றுமை’’ தான்! என்­றார் கனி­மொழி!

இந்­திய மக்­க­ளின்

பாராட்­டுக்­கு­ரி­ய­வர்!

பாருக்­குள்ளே நல்ல நாடு – நமது பாரத மணித்­தி­ரு­நாடு. ‘‘ஸாரே ஜஹான்ஸேஅச்சா ஹிந்­துஸ்­தான் ஹமாரா!’’ 1985 அக்­டோ­பர் 2–ல் இருந்து 1992 மார்ச்சு 31 வரை இந்­தியா முழு­வ­தி­லும் எடுக்­கப்­பட்ட புள்­ளி­வி­வர கணக்­குப்­படி இந்­திய திரு­நாட்­டில் 4,694 சமு­தா­யங்­கள் வாழ்­கின்­றன. இவர்­க­ளின் கலாச்­சா­ரம், நம்­பிக்கை, வழி­பாடு, மொழி, பழக்­க­வ­ழக்­கம், சடங்கு சம்­பி­ர­தா­யம், இன முறை வழி­வாறு அனைத்­தை­யும் ஒன்று திரட்­டிய ‘ஆந்த்ர பால­ஜிக்­கல் சர்வே இந்­தியா’ வெளி­யிட்ட புள்­ளி­வி­வ­ரம் இது! இந்­திய நாடு, ‘யூனிடி இன் டைவர்­ஸிடி’ – ‘வேற்­று­மை­யில் ஒன்­று­மைக்கு’ உதா­ர­ண­மா­கத் திக­ழும் பூமி! அத­னால்­தான் இது புண்­ணிய பூமி! அத­னால் இது விஸ்­வ­குரு! அத­னால்­தான் இது உல­கிற்­குக் கூறும் முழக்­கம்; ஒன்றே குல­மும்ஒரு­வனே தேவ­னும்! யாதும் ஊரே யாவ­ரும் கேளிர்!.

கனி­மொ­ழி­யின் பேச்சு

கலை­ஞ­ரின் சொல் வீச்சு!

இந்­தி­யா­வின் தனிப் பெரும் பெரு­மையை ஒரு சொற்­றொ­ட­ரில் – வேற்­று­மை­யில் ஒற்­றுமை என்று கூறி வர­லாறு படைத்து வர­லாற்­றில் இடம்­பெற்ற கனி­மொழி வாழ்த்­துக்­கும் இந்­திய மக்­க­ளின் பாராட்­டுக்­கும் உரி­ய­வர்! உண்­மை­யில் கனி­மொ­ழி­யின் பேச்சுகலை­ஞ­ரின் சொல் வீச்­சு­தான்!

இவ்­வாறு பேரா­சி­ரி­யர் கே.எம்.காதர்மொகி­தீன் அவர்­கள் தமது அறிக்­கை­யில் தெரி­வித்­துள்­ளார்.