சென்னை, ஜூன் 6–
நடைவெறவிருக்கும் சட்டமன்றத் தேர்தலில் 234 தொகுதிகளிலும் வெற்றி பெற அயராது பாடுபடுவோம் என்று திருச்சி சிவா எம்.பி. தலைமையில் நடைபெற்ற அணிகளின் நிர்வாகிகள் கூட்டத்தில் தீர்மானம் நிறைவேற்றப்பட்டது.
தி.மு.க. பொறியாளர் அணி, வர்த்தகர் அணி, நெசவாளர் அணி, அயலக அணி ஆகிய அணிகளின் மாநில நிர்வாகிகளின் ஆலோசனைக் கூட்டம் 04.06.2025 மாலை 4.00 மணியளவில் சென்னை அண்ணா அறிவாலயம் கழக அலுவலகத்தில் கழக துணைப் பொதுச் செயலாளர் திருச்சி சிவா, எம்.பி. தலைமையில் நடைபெற்றது.
இக்கூட்டத்தில் கழக பொறியாளர் அணிச் செயலாளர் கு.கருணாநிதி, தலைவர் துரை கி.சரவணன், கழக வர்த்தகர் அணிச் செயலாளர் காசி முத்துமாணிக்கம், கழக நெசவாளர் அணி துணைத் தலைவர் ஓ.ஏ. நாகலிங்கம், கழக நெசவாளர் அணி செயலாளர் சிந்து ரவிச்சந்திரன், கழக அயலக அணிச் செயலாளர் எம்.எம். அப்துல்லா எம்.பி., ஆகியோர் முன்னிலையில் நடைபெற்றது.
நடைபெற்ற ஆலோசனைக் கூட்டத்தில் 4 அணிகளின் மாநில நிர்வாகிகள் கலந்து கொண்டனர்.
கூட்டத்தில் நிறை வேற்றப்பட்ட தீர்மானங்கள் வருமாறு:
முத்தமிழறிஞர் கலைஞர்
102வது பிறந்த நாள் விழா
கழகத் தலைவர் அவர்கள் கழகப் பொதுக்குழுவில் அறிவித்தப்படி முத்தமிழ றிஞர் கலைஞர் அவர்களின் 102 வது பிறந்த நாள் விழாவினை தமிழ்நாடு முழுவதும் சிறப்பாக கொண்டாடுவது என்றும், பள்ளி மாணவ – மாணவிகளுக்கு நோட்டுப் புத்தகங்கள் வழங்கியும், ஆதரவற்றோர் இல்லங்களில் அறுசுவை உணவுகள் வழங்கியும் சிறப்பாக கொண்டாடுவதென இக்கூட்டம் தீர்மானிக்கி றது.
பொறியாளர் அணி, வர்த்தகர் அணி, நெசவாளர் அணி, அயலக அணி ஆகிய அணிகளின் செயல்பாடுகளை கண்காணிக்கவும், தமிழ்நாடு முழுவதும் அணிகளின் செயல்பாடுகளை விரைவுப்படுத்தவும், ஆலோசனை வழங்கிடவும், கழக துணைப் பொதுச் செயலாளர் திருச்சி சிவா, எம்.பி. அவர்களை மேற்கூறிய அணிகளுக்கு ஆலோசகராக நியமனம் செய்த தமிழ்நாடு முதலமைச்சர், கழகத் தலைவர் அவர்களுக்கும், கழகப் பொதுச் செயலாளர், துணை முதல்வர் ஆகியோருக்கு இக்கூட்டம் நெஞ்சார்ந்த நன்றியினைத் தெரிவித்துக் கொள்கிறது.
கழக துணைப் பொதுச் செயலாளர் திருச்சி சிவா, எம்.பி. அவர்கள் தலைமையில் நடைபெற்ற கூட்ட த்தில் மாநில நிர்வாகிகள் அறிமுகம், அணியின் செயல்பாடுகள், அடுத்தக்கட்ட செயல்பாடுகள் குறித்து விவாதிக்கப்ப ட்டது. அணிகளின் மாநில நிர்வாகிகள் அணிகளின்யவளர்ச்சிக்கு தங்களது கருத்துக்களை தெரிவித்தனர். கழக துணைப் பொதுச் செயலாளர் அவர்கள் அக்கருத்துக்களை மாண்புமிகு கழகத் தலைவரிடம் எடுத்துக் கூறி, தலைவரின் மேலான ஆலோசனைகளை பெற்று, அணிகளின் வளர்ச்சிக்கு உறுதுணையாக இருப்பதாக உறுதியளித்தார்.
கழக அணிகளின் ஒன்றிய, நகர, பகுதி, பேரூர் அமைப்பாளர் – துணை அமைப்பாளர்கள் நியமிக்கப்படாமல் உள்ள மாவட்டங்களில் மூன்று மாத இலக்கு நிர்ணயித்து, கழக முப்பெரும் விழாவிற்கு முன்பாக மாவட்டச் செயலாளர் ஒப்புதலோடு அமை ப்பாளர் – துணை அமைப்பாளர்களை நியமிக்க வேண்டுமென இக்கூட்டம் அணிச் செயலாளர்களை கேட்டுக் கொள்கிறது.
கழகத் தலைவர் அவர்களின் ஆணைப்படி, வெல்வோம் 200 – படைப்போம் வரலாறு என்ற தாரக மந்திரத்தை மனதில் வைத்து அணி நிர்வாகிகள், மாவட்ட அமைப்பாளர் – துணை அமைப்பாளர்கள் தமிழ்நாடு முழுவதும் சென்று மக்களிடம் தமிழ்நாடு அரசின் சாதனைகளை விளக்கிக் கூறி, வருகிற 2026 சட்டமன்ற பொதுத் தேர்தலில் நமது திராவிட மாடல் அரசு 234 தொகுதிகளிலும் வெற்றி வாகை சூடிட அயராது பாடுபடுவோம் என்று உறுதியளிக்கிறது.
இவ்வாறு தீர்மானங்கள் நிறைவேற்றப்பட்டன.