பெரம்பலூர், ஜூன் 6 –-
பெரம்பலூர் மாவட்டத்தில் ஊரக பகுதிகளுக்கான மூன்றாம் கட்ட மக்களுடன் முதல்வர் திட்ட சிறப்பு முகாம்களை தொழிலாளர் நலன் மற்றும் திறன் மேம்பாட்டுத்துறை அமைச்சர் சி.வெ.கணேசன் தொடங்கி வைத்து, பொதுமக்களிடமிருந்து கோரிக்கை மனுக்களைப் பெற்றுக் கொண்டு, 1,897 பயனாளிகளுக்கு ரூ.16.41 கோடி மதிப்பிலான பல்வேறு அரசு நலத்திட்ட உதவிகளை வழங்கினார். பெரம்பலூர் ஊராட்சி ஒன்றியத்து க்குட்பட்ட எளம்பலூர், செஞ்சேரி, எசனை, லாடபுரம் மற்றும் ஆலத்தூர் ஊராட்சி ஒன்றியத்துக்குட்பட்ட டி.களத்தூர் ஆகிய கிராமங்களில் பல்வேறு அரசு நலத்திட்ட உதவிகளை வழங்கினார்.
இந்த நிகழ்ச்சிகளில் ஆட்சியர் கிரேஸ் பச்சாவ்,பெரம்பலூர் சட்டமன்ற உறுப்பினர் ம.பிரபாகரன், மாவட்ட கழக பொறுப்பாளர்- அட்மா தலைவர் வீ.ஜெகதீசன் முன்னிலை வகித்தனர்.
இதில் தொழிலாளர் நலன் மற்றும் திறன் மேம்பாட்டுத்துறை அமைச்சர் தெரிவித்ததாவது:
முதலமைச்சர் அவர்கள் மக்களுடன் முதல்வர் முகாம்களில் கலந்து கொண்டு பொதுமக்களின் குறைகளை கேட்டறிந்து அவற்றை நிவர்த்தி செய்ய அறிவுறுத்தியுள்ளார்கள். அதற்காக எந்தெந்த ஊராட்சிகளில் கலந்துகொள்ள வேண்டும் என்ற விபரத்தினையும் தெரிவித்துள்ளார்கள். அந்த வகையில் எளம்ப லூர், செஞ்சேரி, எசனை, லாடபுரம், டி.களத்தூர் ஆகிய ஊராட்சிகளில் நடைபெறும் மக்களுடன் முதல்வர் முகாமில் இன்று கலந்து கொண்டு 1,897 பயனாளிகளுக்கு ரூ.16.41 கோடி மதிப்பிலான பல்வேறு அரசு நலத்திட்ட உதவிகளை இன்று வழங்கியுள்ளோம்.
முதலமைச்சர் அவர்கள் விவசாயிகள், கூலித் தொழிலாளர்கள், கடைக்கோடி ஏழை எளியமக்கள், வறுமை நிலையில் விளிம்பு நிலையில் உள்ள மக்கள் என அனைத்து நிலை மக்களின் கோரிக்கைகளையும் கேட்டறிந்து அவற்றிற்கு 30 நாட்க ளுக்குள் தீர்வு காணேம் வகையில் மக்களுடன் முதல்வர் திட்டத்தை செயல்படுத்தியுள்ளார். பல்வேறு காரணங்களினால் நீண்ட நாட்களாக பட்டா மாறுதல் செய்ய முடியாமல் இருப்பது, தனி பட்டாவாக மாறாமல் இருப்பது, முதியோர் உதவித்தொகை பெற முடியாமல் இருப்பது, புதிய தொழில் தொடங்க கடனுதவி, மின் இணைப்பு கோருதல் உள்ளிட்ட பல்வேறு கோரிக்கைகள் தொடர்பாக வட்டாட்சியர் அலுவலகம் உள்ளிட்ட அரசு அலுவலகங்களுக்கு மக்கள் நேரில் சென்று அலைந்து சிரமப்படு வதை தவிர்க்கும் வகையில் மாவட்ட நிர்வாகமே மக்களைத் தேடி வந்து குறைகளை கேட்டறிந்து அவற்றை நிவர்த்தி செய்திடும் வகையில் மக்களுடன் முதல்வர் முகாம் திட்டம் செயல்படுத்தப்படுகின்றது.
இதற்காக மாவட்ட ஆட்சித்தலைவர் மாவட்ட வருவாய் அலுவலர் உள்ளிட்ட அனைத்து முதல் நிலை அலுவலர்களும் முகாம் நடைபெறும் ஊராட்சிகளில் பொதுமக்களை தேடி பொதுமக்களின் குறைகளை கேட்டறிந்து, தீர்வு காண்பதற்காக வருகை தந்துள்ளார்கள். பொதுமக்கள் தங்களது கோரிக்கைகளுக்காக அரசு அலுவலகங்களுக்கு சென்று அலைந்து திரிந்த காலம் மாறி தற்போது அரசு அலுவலர்களே அனைத்து பகுதி கிராமங்களுக்கும் சென்று பொதுமக்களின் கோரிக்கைகளை தீர்க்க வழிவகை செய்யப்பட்டுள்ளது. கலைஞர் மகளிர் உரிமை தொகை திட்டத்தின் கீழ் பயன்பெறாதவர்களில் தகுதியுடையோரை கண்டறியும் வகையில் சிறப்பு முகாம்கள் விரைவில் நடத்தப்படும்.
பொதுமக்கள் மற்றும் விவசாயிகள் அதிகம் பயன்பெறும் வகையில் வேளாண்மைத்துறை, ஆதிதிராவிடர் நலத்துறை, தாட்கோ, தொழிலாளர் நலத்துறை, சுகாதாரத்துறை, கூட்டுறவுத்துறை உள்ளிட்ட பல்வேறு அரசு துறைகளில் சார்பில் பொதுமக்களுக்கு பல்வேறு வகையான அரசு நலத்திட்டங்கள் செயல்படுத்தப்பட்டு வரு
கிறது. இந்தத் திட்டங்களின் கீழ் பயன்பெற முடியாமல் இருக்கும் பயனாளிகள் தங்களது கோரிக்கையை மனுவாக வழங்கினால் முறையாக விசாரித்து அரசின் விதிமுறைகளுக்கு உட் பட்டு நலத்திட்டங்கள் கிடைத்திட வழிவகை செய்யப்படும்.
முதலமைச்சர் அவர்கள், குடும்பத்தலைவிகளுக்கு மாதம் ரூ.1000 வழங்கும் கலைஞர் மகளிர் உரிமைத் திட்டம், புதுமைப் பெண் மற்றும் தமிழ் புதல்வன் திட்டத்தின் கீழ் அரசு பள்ளியில் 6ஆம் வகுப்பு முதல் 12 ஆம் வகுப்பு வரை பயின்று உயர்கல்வி பயிலும் மாணவ மாணவிகளுக்கு மாதந்தோறும் ரூ.1,000 உள்ளிட்ட பல்வேறு சிறப்பு வாய்ந்த திட்டங் களை அறிவித்து செயல்படுத்தி வருகிறார்கள். இத்திட்டங்களை மாணவ,மாணவியர் பயன்படுத்திக் கொள்ள வேண்டும். பொதுமக்கள் அனைவரும் தங்கள் பகுதிக்கு உட்பட்ட இடங்களில் நடைபெறும் மக்களுடன் முதல்வர் திட்ட முகாமில் கலந்துகொண்டு தங்களது கோரிக்கைகள் தொடர்பாக மனு கொடுத்து இந்த முகாமினை முறையாக பயன்படுத்திக் கொள்ள வேண்டும்.
எல்லோருக்கும் எல்லாம் என்ற அடிப்படையில் மாண்புமிகு தமிழ்நாடு முதலமைச்சர் அவர்கள் தலைமையிலான அரசு இதுபோன்ற முகாம்களை நடத்தி சிறப்பாக செயல்படுத்தி வருகிறது. எனவே பொதுமக்கள் அனைவரும் இந்த முகாம்களை பயன்படுத்தி பயன்பெற வேண்டும்.
இவ்வாறு தெரிவித்தார்.
நேற்று பெரம்பலூர் சட்டமன்ற தொகுதிக்குட்பட்ட எளம்பலூர், இந்திரா நகர் ரோவர் மேல்நிலைப்பள்ளி வளாகத்தில் நடைபெற்ற முகாமில் 463 நபர்களுக்கு ரூ.3,29,90,551 மதிப்பிலான நலத்திட்ட உதவிகளையும், செஞ்சேரி ஊராட்சி ஒன்றிய நடுநிலைப்பள்ளி வளாகத்தில் நடைபெற்ற முகாமில் 331 நபர்களுக்கு ரூ.3,23,23,779 மதிப்பிலான நலத்திட்ட உதவிகளையும், எசனை அரசு மேல்நிலைப் பள்ளி வளாகத்தில் நடைபெற்ற முகாமில் 270 நபர்களுக்கு ரூ.2,65,77,564 மதிப்பிலான நலத்திட்ட உதவிகளும், லாடபுரம் அரசு உயர்நிலைப்பள்ளி வளாகத்தில் நடைபெற்ற முகாமில் 394 நபர்களுக்கு ரூ.3,49,41,502 மதிப்பிலான நலத்திட்ட உதவிகளும், டி.களத்தூர் அரசு உயர்நிலைப்பள்ளி வளாகத்தில் நடைபெற்ற முகாமில் 439 நபர்களுக்கு ரூ.3,72,50,566 மதிப்பிலான நலத்திட்ட உதவிகளும் என மொத்தம் 1,897 பயனாளிகளுக்கு இலவச வீட்டுமனை ப்பட்டா, மாற்றுத்திறனாளிகளுக்கு இணைப்பு சக்கரம் பொருத்தப்பட்ட பெட்ரோல் ஸ்கூட்டர், தாலிக்கு தங்கம், தையல் இயந்திரம், வெங்காயக் கொட்டகை அமைக்க ஆணைகள், வேளாண் இடுபொருட்கள் மற்றும் வேளாண் இயந்திரங்கள் என பல்வேறு திட்டங்களின் கீழ் ரூ.16,40,83,962 மதிப்பிலான பல்வேறு அரசு நலத்திட்ட உதவிகளை தொழிலாளர் நலன் மற்றும் திறன் மேம்பாட்டுத்துறை அமைச்சர் வழங்கினார்கள்.
இந்நிகழ்வுகளில் அரசு உயரதிகாரிகள், அலுவலர்கள் மற்றும் பலர் கலந்து கொண்டனர்.
செம்மொழி நாள் முத்தமிழறிஞர் தலைவர் கலைஞர் பிறந்தநாளையொட்டி பொம்மிடி ஊராட்சி இந்திரா நகர் திமுக கிளைக்கழகம் சார்பில் நடைபெற்ற விழாவில் பாப்பிரெட்டிப்பட்டி மேற்கு ஒன்றிய கழக செயலாளர் பி.எஸ்.சரவணன் கலந்துகொண்டு கலைஞரின் திருவுருவப் படத்திற்க்கு மாலை அணிவித்து மரியாதை செலுத்தி, பொதுமக்களுக்கு நலத்திட்ட உதவிகள், அன்னதானம் வழங்கினார். இந்நிகழ்ச்சியில் ஒன்றிய கழக துணை ஜாகிதாசெரீப், ஒன்றிய இளைஞரணி செயலாளர் சானவாஷ்,மயில், நியாமத்,தினேஷ்,செல்வராஜ், ஹாபிஸ்,சரண்யா,தாரணி, ரஜினி,தயாளன் மற்றும் கழகத்தினர் கலந்து கொண்டனர்.