கோவை, ஜூலை 7–
தமிழ்நாடு முதலமைச்சர், கழகத் தலைவர் அவர்களின் “ஓரணியில் தமிழ்நாடு” முன்னெடுப்பை வீடு வீடாகக் கொண்டு செல்லும் வகையில் கோவை தெற்கு மாவட்டத்திற்குட்பட்ட சூலூரில் புதிய உறுப்பினர் சேர்க்கையில் மேற்கு மண்டல பொறுப்பாளர், முன்னாள் அமைச்சர் வி.செந்தில்பாலாஜி ஈடுபட்டார்.
அப்போது அவர் தமிழ்நாடு முதலமைச்சர் அவர்கள் முன்னெடுத்துள்ள “ஓரணியில் தமிழ்நாடு” முன்னெ டுப்பு பயணம் நிச்சயமாக வெற்றிப் பயணமாக அமையும், கருத்துக் கணிப்புகளை பொய்யாக்கி 10 தொகுதிகளையும் கோவை மாவட்டத்தில் கைப்பற்றுவோம் என்று செய்தியாளர்களிடம் தெரிவித்தார்!
அவர் தெரிவித்ததாவது :-தமிழ்நாட்டின் மண், மொழி,மானம் காக்க “ஓரணியில் தமிழ்நாடு” என்ற முன்னெடுப்பை கழகத் தலைவர், தமிழ்நாடு முதலமைச்சர் தளபதி அவர்கள் கடந்த 01.07.2025 அன்று தொடங்கிவைத்தார்கள். அதன் தொடர்ச்சியாக நேற்று அனைத்து மாவட்ட கழகங்களின் சார்பிலும் மிக எழுச்சியோடு பொதுக்கூட்டம் சிறப்பாக நடைபெற்று முடிந்தது. 03.07.2025 காலை தொடங்கி தமிழ்நாட்டில் இருக்கக்கூடிய 234 சட்டமன்ற தொகுதிகளிலும் குறிப்பாக கோவைமாவட்டத்திற்குட்பட்ட 10 சட்டமன்ற தொகுதிகளிலும் 3,117 வாக்குச்சாவடிகளிலும் மிக எழுச்சியோடு “ஓரணியில் தமிழ்நாடு” என்ற இந்த முன்னெடுப்புதொடங்கி இருக்கின்றோம்.குறிப்பாக ஒன்றிய அரசு தமிழ்நாட்டுக்கு செய்து வருகின்ற துரோகங்களை மக்களிடத்தில் எடுத்துச் சொல்லி 4 ஆண்டுகளில் தமிழ்நாடு முதலமைச்சர் தளபதி அவர்களின் பொற்கால ஆட்சியில் கோவை மாவட்ட மக்களுக்கும், தமிழ்நாட்டு மக்களுக்கும் வழங்கி இருக்கக்கூடிய சாதனைத் திட்டங்களை துண்டுப் பிரசகங்களாக மக்களிடத்திலே கொடுத்து ஒவ்வொரு வீடு வீடாக சென்று மக்களை சந்தித்து அரசினுடைய திட்டங்களை சொல்லி முதலமைச்சரின் சாதனைத் திட்டங்களை சொல்லி “ஓரணியில் தமிழ்நாடு” என்ற முன்னெடுப்பில்அவர்களை இணைப்பதற்கான முயற்சிகளை மிக சிறப்பாக செய்து வருகின்றோம். உறுப்பினர் சேர்க்கை அதனைத் தொடர்ந்து மிக எழுச்சியோடு நடைபெற்றுக் கொண்டிருக்கின்றன. எனவே ஒட்டுமொத்தமாக கோவை மாவட்டத்தில் இருக்கக்கூடிய வாக்காளர்கள் 30 விழுக்காட்டிற்கும் மேல் உறுப்பினர்களாக சேர்க்கக்கூடிய பணிகளை தொடங்கி இருக்கின்றோம். நிச்சயமாக இந்த பயணம் வெற்றிப் பயணமாக அமையும்.
கோவை மாவட்டத்துல 10 சீட்டு வெற்றி பெறுவோம்னு சொன்னிங்க, நீங்க பொறுப்பாளரா இருக்கிற மண்டலத்துல எத்தனை சீட் வெற்றி பெறுவீங்க?
மாவட்டத்தில் 10 சீட் ஜெயிப்போம்னு சொல்லியிருக்கிறோம். ரிசல்ட் வரும்போது பார்ப்போம். மண்டலமும் பொறுத்திருந்து பாருங்க, 2026 சட்டமன்ற தேர்தலினுடைய வெற்றிப் பயணம் என்பது தமிழ்நாடு முதலமைச்சர் தளபதி அவர்கள் என்பதை உறுதி செய்து வாக்காளர் பெருமக்கள் எழுச்சியோடு இருக்காங்க. இப்ப கூட பார்க்கிறீங்க,“ஓரணியில் தமிழ்நாடு” முன்னெடுப்பில் மக்கள் எவ்வளவு எழுச்சியோடு இருக்காங்கன்னு, இது தான் தமிழ்நாட்டினுடைய ஒட்டுமொத்தமக்களுடைய இயல்பு நிலை. அதனாலே முதலமைச்ச ருக்கு தான் முழு ஆதரவு.
பிரபல யூடியூப் சேனல்ல கருத்துக் கணிப்பு அதிமுக வுக்கு ஆதரவா சொல்றாங்க, சாணக்கியாவில் இருந்து எல்லாமே,
சாணக்கியா எந்த சேனல் சார்? இல்ல இது யூடியூப் சேனல்தான்.
அவர் யாரு சேர்ந்தவர் சார்?
நான் 2006ல் இருந்து தேர்தல்லே நிக்குறேன். 2006ல் இருந்து ஒரு தேர்தல்ல கூட நான் ஜெயிப்பேன்னு சொன்னதே இல்லை. எந்த கருத்துக்கணிப்பும் ஒரு தேர்தல்ல கூட நான் ஜெயிப்பேன்னு சொன்னது இல்லை. கடைசிக்கு முடியாத கட்டத்துல இழுபறின்னு சொல்லிப் போடுவாங்க அது அவங்களுடைய மனநிலையை பொறுத்திருக்கு. ஒவ்வொருத்தரும் ஒரு கட்சியை சார்ந்து இருப்பாங்க. அந்த கட்சிக்கு ஆதரவான மனநிலையிலே சில கருத்துக்களை சொல்லுவாங்க.
தமிழ்நாட்டு மக்களுடைய கருத்து!
முதலமைச்சர் அவர்கள் இன்றைக்கு காலையிலேஅரசு திட்டங்களை தொடங்கிவைப்பதற்காக சென்னையிலே மருத்துவம் மற்றும் மக்கள் நல்வாழ்வுத்துறை சார்பில் நடைபெற்ற நிகழ்ச்சியில் கலந்து கொள்ள வந்தாங்க. வழி நெடுகிலும் வந்து எந்த அளவுக்கு ரோடு ஷோ இருந்தது, மக்களுடைய உற்சாகமான வரவேற்பு இருந்ததுன்னு நீங்க லைவ்ல பார்த்திருப்பீங்க. அதனாலே முதலமைச்சர் தளபதி அவர்கள் எங்கு சென்றாலும் ஒட்டுமொத்த மக்களுடைய ஆதரவை முழுமையாக வழங்கி வருகின்றார்கள். கருத்துக் கணிப்புகளை பொய்யாக்கி கோவை மாவட்டத்தில் 10 தொகுதிகளிலும் நிச்சயம் திராவிட முன்னேற்ற கழகம் தலைமையில் வெற்றியை பெறுவோம், கோவை மண்டலத்தில் எத்தனை தொகுதிகள் என்பதை தேர்தல் முடிவு வரும் போது தெரிந்து கொள்வீர்கள் என்றுகூறினார்.
இந்நிகழ்ச்சியில் கோவை தெற்கு மாவட்டச் செயலாளர் தளபதி முருகேசன், கழக மாணவர் அணி செயலாளர், வழக்கறிஞர் இரா.ராஜீவ்காந்தி, கழக மாணவர் அணி துணைச் செயலாளர் கோகுல், சூலூர் நகர செயலாளர் கெளதமன், ஒன்றிய செயலாளர் மன்னவன், மாவட்ட மாணவர் அணி அமைப்பாளர் பிரபு, மாவட்ட சுற்றுச் சூழல் அணி அமைப்பாளர் பசுமை நிழல் விஜயகுமார், பேரூராட்சி தலைவர் தேவி மன்னவன், துணைத்தலை வர் கணேசன், அவைத்தலைவர் பன்னீர்செல்வம், துணைச் செயலாளர்கள் ஆசு.மணி, கற்பகம், மகளிரணி தங்கமணி, வார்டு செயலாளர் இராமச்சந்திரன், வார்டு கவுன்சிலர்
சன்மதி சுரேஷ், தகவல் தொழில்நுட்ப அணி சுபாஷ், ரமேஷ் பாலன், மாவட்ட பிரதிநிதி சுரா.பொன்னுசாமி, முன்னாள் கவுன்சிலர் சண்முகசாமி உள்ளிட்ட பலர் கலந்து கொண்டனர்.
கழகத் தலைவர், தமிழ்நாடு முதலமைச்சர் அவர்களின் வழிகாட்டுதலின்படி, புதுக்கோட்டை மாவட்டம் ஆலங்குடி சட்டமன்ற தொகுதி திருவரங்குளம் ஊராட்சி ஒன்றியம்,அரசடிப்பட்டி பகுதியில் நடைபெற்ற, ‘ஓரணியில் தமிழ்நாடு’ முன்னெடுப்பினை பிற்படுத்தப்பட்டோர் நலத்துறை அமைச்சர் சிவ.வீ.மெய்யநாதன் தொடங்கிவைத்தார். ‘ஓரணியில் தமிழ்நாடு’ முன்னெடுப்பின் மூலம் கழக அரசின் சாதனை திட்டங்களை மக்களிடையே வீடு வீடாக சென்று பிரச்சாரம் மேற்கொண்டு, ஒவ்வொரு வாக்குச்சாவடியிலும் மொத்த வாக்காளர்களில் 30 சதவீதத்திற்கு மேற்பட்ட வாக்காளர்களை திமுகவின் உறுப்பினராக சேர்க்கும் பணியினை பாக முகவர்களும்,பூத் டிஜிட்டல் ஏஜேண்ட்கள், இளைஞரணி, மகளிரணி மற்றும் பாகநிலை உறுப்பினர்கள்,கழக நிர்வாகிகள் மற்றும் உள்ளாட்சி பிரதிநிதிகளுடன் இணைந்து பணியினை மேற்கொண்டனர். இந்நிகழ்வில் திருவரங்குளம் மேற்கு ஒன்றிய செயலாளர் கே.பி.கே.டி.தங்கமணி, கே.வி.எஸ்.ஏ.மோகன் மற்றும் கழுக நிர்வாகிகள் உள்ளனர்.
பெரம்பலூர் மாவட்டத்தில் கலைஞர் அவர்களின் பிறந்த நாளை முன்னிட்டு, மாவட்ட மீனவரணி சார்பில் வென்பாவூர் ஊராட்சியில் உள்ள தூய்மை பணியாளர்கள் மற்றும் பள்ளி மாணவர்களுக்கு நோட்டு பேனா பென்சில் மற்றும் 200 மகளிருக்கு சேலைகள் வழங்கும் நிகழ்ச்சிக்கு மாவட்ட மீனவரணி அமைப்பாளர் வெள்ளுவாடி சி.ரவி வரவேற்புரையில் மாவட்டக் கழகப் பொறுப்பாளர் வீ.ஜெகதீசன், பெரம்பலூர் சட்டமன்ற உறுப்பினர் எம்.பிரபாகரன் கலந்து கொண்டு நலத்திட்ட உதவிகள் வழங்கி சிறப்புரையாற்றினார்கள். மாவட்டப் பொருளாளர் செ.ரவிச்சந்திரன், ந.ஜெகதீஸ்வரன், செ.நல்லதம்பி, மகாதேவி ஜெயபால்,
அம்பேத்கர். கோபாலபுரம் செல்வராஜ், வெங்கடாசாலம் வேல்முருகன், மெய்யன்துரை, சின்னசாமி, ரவிக்குமார், மகேந்திரன், சரவணன் உள்ளிட்டோர் கலந்து கொண்டனர்.