சென்னை, ஜூலை 7 –
“சமூக நல்லிணக்கத்திற்குஅரும்பாடுபட்டவர் பெருங்கவிக்கோ வா.மு.சேதுராமன் அவர்கள்” என்று அவரது மறைவு குறித்து மனித நேய மக்கள் கட்சியின் தலைவர் பேராசிரியர் எம்.எச்.ஜவாஹிருல்லா விடுத்துள்ள இரங்கல் செய்தியில் கூறியுள்ளார்.
பெருங்கவிக்கோ வா.மு. சேதுராமன் மறைவுக்கு மனிதநேய மக்கள் கட்சியின் தலைவர் பேராசிரியர் எம். எச்.ஜவாஹிருல்லா வெளியிட்டுள்ள இரங்கல் அறிக்கை வருமாறு:
பன்னாட்டுத் தமிழுறவு மன்றத்தின் நிறுவனா் பெருங்கவிக்கோ வா.மு.சேதுராமன் உடல்நலக்குறைவினால் மறைந்தார் என்ற செய்தியறிந்து மிகுந்த துயரம் அடைந்தேன்.
சென்னை பல்கலைக்கழகத்தில் முனைவா் பட்டம் பெற்றவர். திருவல்லிக் கேணி முஸ்லிம் மேல்நிலைப் பள்ளியில் தமிழ் ஆசிரியராகப் பணியாற்றியவர். தனிப்பட்ட முறையில்என்னிடம் நெருங்கிய நட்பு பாராட்டியவர்.
ஒரு லட்சத்துக்கும் மேற்பட்ட கவிதைகளையும் ஏராளமான நூல்களையும் எழுதியவர். தமிழ்நாடு அரசின் திருவள்ளுவர் விருது தினத்தந்தி சி.பா. ஆதித்தனார் விருது உள்ளிட்ட ஏராளமான விருதுகளைப் பெற்றவர்.
ஈழத் தமிழர்கள் பிரச்சினைக்காகவும் தமிழர்களின் உரிமைகளுக்காகவும் தொடர்ந்து குரல் கொடுத்து வந்தவர். முத்தமிழ் அறிஞர் கலைஞரின் நேசத்தைப் பெற்றவர்.
சமூக நல்லிணக்கம் நிலைத்து நிற்க வேண்டும் என்பதற்கு அரும்பாடு
பட்டவர்.
அவரதுமறைவு ஈடு செய்ய முடியாதது. அவரைப் பிரிந்து வாடும்
அவரது குடும்பத்தினருக்கும் உறவினர்களுக்கும் தமிழ் ஆர்வலர்களுக்கும் ஆழ்ந்த இரங்கலைத் தெரிவித்துக் கொள்கிறேன்.
இவ்வாறு அவர் தமது அறிக்கையில் கூறியுள்ளார்.