சென்னை, ஜூலை 7–
‘ஓரணியில் தமிழ்நாடு’ தொடர்பாக தொகுதி நிலவரங்கள் குறித்து கழகத் தலைவர் முதல்வர் மு.க.ஸ்டாலின் அவர்கள், கழக நிர்வாகிகளுடன் தொலைபேசியில் உரையாடி தொகுதி நிலவரம் குறித்து கேட்டு வருகிறார். நேற்று தென்காசி தெற்கு மாவட்ட கழகத் தோழர்களுடன் கலந்துரையாடினார்.
தமிழ்நாடு முதலமைச்சர் மு.க. ஸ்டாலின் அவர்கள் “ஓரணியில் தமிழ்நாடு” எனும் பிரச்சாரஇயக்கத்தை ஜுலை முதல் நாளன்று தொடங்கிவைத்தார்கள். மக்களின் பேராதரவுடன் “ஓரணியில் தமிழ்நாடு இயக்கம்” மிகப்பெரிய வரவேற்பைப் பெற்றுள்ளது.
(3.7.2025) அன்று காலை சென்னை ஆழ்வார்ப்பேட்டை பகுதியில் முதலமைச்சர்மு.க.ஸ்டாலின் அவர்கள் வீடு வீடாகச் சென்றுபொதுமக்களைச் சந்தித்து ஓரணியில் தமிழ்நாடு இயக்கம் குறித்து எடுத்துரைத்தார்.இதுகுறித்து முதலமைச்சர் அவர்கள் சமூக வலைதளப் பதிவில் குறிப்பிட்டுள்ளதாவது:–
‘‘தமிழ்நாட்டின் மண் - மொழி - மானம் காக்க, சாதி - மதம் - அரசியல் கடந்து ஓரணியில் தமிழ்நாடு வெல்லட்டும்!
அனைவரையும் ஒன்றிணைக்க
45 நாட்கள் மாநிலம் முழுதும் நிர்வாகிகள் பரப்புரை!
இதற்காக அடுத்த 45 நாட்கள், கழக மாவட்டச் செயலாளர்கள், - சட்டமன்ற உறுப்பினர்கள், -நாடாளுமன்ற உறுப்பினர்கள்,மூத்த முன்னோடிகள் என அனைவரும் பரப்புரையில் ஈடுபட்டு, தமிழ்நாட்டிலுள்ள அனைவரையும் ஒன்றிணைக்க வேண்டும்!”என்று கேட்டுக் கொண்டுள்ளார்.
‘ஓரணியில் தமிழ்நாடு’ இயக்கம் குறித்து ஆழ்வார்ப்பேட்டையில் பொதுமக்களிடம் சில கேள்விகள்அடங்கிய படிவங்களை முதலமைச்சர் அவர்கள் வழங்கி ‘ஓரணியில் தமிழ்நாடு’ இயக்கத்தின் முக்கியத்துவத்தை மக்கள் எப்படி எதிர்கொள்கிறார்கள் என்பதைக் கண்கூடாகக் கண்டு மகிழ்ந்தார்.
எந்த நெருக்கடியான சூழலிலும் தமிழ்நாட்டின் மண், மொழி, மானம் காப்பாற்றப்பட வேண்டுமென்று நினைக்கிறீர்களா?என்று பொதுமக்களிடம் முதலமைச்சர் அவர்கள் ஒரு கேள்வியை முன்வைத் தார். அப்பொழுது“தமிழ்நாடும் தமிழ்மொழியும் வளமாக இருந்தால்தானே நாம் நலமாக வாழ முடியும்.
எனவே, தமிழ்நாடும், மொழியும்,நமது சுயமரியாதையும் காப்பாற்றப்பட வேண்டியது மிக, மிக முக்கியம் என்று அவர்கள் பதிலளித்தார்கள். அதனைக் கேட்டதும் முதலமைச்சர் அவர்கள் மிகுந்த மகிழ்ச்சியோடு “அதற்காகத்தான் திராவிட முன்னேற்றக் கழகமும் இந்த அரசும் பாடுபடுகிறது” என்று தெரிவித்தார்கள்.
திருப்பூர் நிர்வாகிகளுடன்
கலந்துரையாடினார்!
‘’ஓரணியில் தமிழ்நாடு’’ குறித்து முதல்வர் அவர்கள் திருப்பூர் நிர்வாகிகளுடன் கடந்த 3ஆம் தேதி அன்று கலந்துரையாடினார்.
இதுகுறித்து முதலமைச்சர் கழகத் தலைவர் மு.க.ஸ்டாலின் அவர்கள் அப்போது சமூக வலைதளப் பதிவில் குறிப்பிட்டதாவது:–
தமிழ்நாட்டு மக்களின் உள்ளங்களையும் எண்ணங்களையும் ஒருங்கிணைத்திட ஓரணியில் தமிழ்நாடு முன்னெடுப்பில் ஈடுபட்டுள்ள மாவட்டக் கழகச் செயலாளர்களைத் தொடர்புகொண்டு பேசினேன்.
அவினாசி ஒன்றியத்தில் மக்களுடன் இருந்த திருப்பூர் வடக்கு மாவட்டக் கழகச் செயலாளர் ந.தினேஷ்குமார், அங்கிருந்த மக்களிடம் அலைபேசியை வழங்க, “தமிழ்நாடு தொடர்ந்து தலைநிமிர்ந்து நடைபோட, திராவிட மாடல் ஆட்சி தொடர்ந்திட வேண்டும்” என்றதங்களது விருப்பத்தை உற்சாகத்தோடு என்னிடம் வெளிப்படுத்தினர்!
இவ்வாறு முதல்வர் மு.க.ஸ்டாலின் அவர்கள் பதிவிட்டுள்ளார்.
‘ஓரணியில் தமிழ்நாடு’ என்னும் ஒரே சிந்தனையில் நாங்கள் அனைவரும் உள்ளோம்என்று அந்தப் பகுதியில் வாழும் மக்கள்அனைவரும் ஒரே
குரலில் முதலமைச்சர் மு.க.ஸ்டாலின் அவர்களிடம் கூறியது தமிழ்நாடு முழுவதும் இந்த இயக்கம் பெறப்போகும் வெற்றிக்குக் கட்டியம் கூறுவதாக அமைந்தது.
‘ஓரணியில் தமிழ்நாடு’ உறுப்பினர் சேர்க்கை!
அதேபோன்று முதல்வர் அவர்கள், நேற்று (6.7.2025) தென்காசி தெற்கு மாவட்டம் கீழப்பாவூர் தெற்கு ஒன்றியம் ஆவுடையானூர் ஊராட்சி சின்னதம்பி நாடானூரில் ஓரணியில் தமிழ்நாடு உறுப்பினர் சேர்க்கை நடைபெற்றது.
தென்காசி தெற்கு மாவட்ட பொறுப்பாளர் வே. ஜெயபாலன், ஒன்றிய பொறுப்பாளர்கள் ரமேஷ், பொன்செல்வன் உள்ளிட்ட நிர்வாகிகள், வீடுவீடாகச் சென்று உறுப்பினர் சேர்க்கையில் ஈடுபட்டனர். அப்போது அவர்களை தொலைபேசி மூலம் தொடர்புகொண்ட தி.மு.க. தலைவரும், முதலமைச்சருமான மு.க. ஸ்டாலின், ஓரணியில் தமிழ்நாடு உறுப்பினர் சேர்க்கை குறித்த விவரங்களை கேட்டறிந்தார்.
அவரது கேள்விகளுக்கு பதிலளித்த நிர்வாகிகள், மக்களிடம் நல்ல ஆதரவும், வரவேற்பும் இருப்பதாகவும், எழுச்சியுடன் உறுப்பினர் சேர்க்கை நடைபெற்று
வருவதாகவும் தெரிவித்தனர்.