பாட்னா, ஜூலை 7–
முதலமைச்சர் நிதிஷ்குமாரும், பா.ஜ.கவும் இணைந்து பீகாரை இந்தியாவின் குற்றத்தின் தலைநகராக மாற்றிவிட்டதாக, எதிர்க்கட்சித்தலைவர் ராகுல்காந்தி விமர்சித்துள்ளார்.
பீகார் மாநில பா.ஜ.க.தலைவர்களில் ஒருவரும், தொழிலதிபருமான கோபல் கேம்கா, தலைநகர் பாட்னாவில் உள்ள தனது வீட்டில் அருகே மர்மநபர் துப்பாக்கியால் சுட்டத்தில் சம்பவ இடத்திலேயே உயிரிழந்தார். இந்நிலையில், இது தொடர்பாக எதிர்க்கட்சித்தலைவர் ராகுல்காந்தி சமூக வலைதளப்பதிவில் கண்டனம் தெரிவித்துள்ளார்.
(அதில், பாட்னாவில் தொழிலதிபர் பொது இடத்தில் சுட்டுக் கொல்லப்பட்ட சம்பவம், பா.ஜ.க. மற்றும் முதலமைச்சர் நிதிஷ்
குமாரும் இணைந்து பீகாரை இந்தியாவின் குற்றத்தின் தலைநகரமாக மாற்றியுள்ளனர் என்பதை மீண்டும் நிரூபித்துள்ளதாக விமர்சித்துள்ளார். பீகார்மாநிலம் கொள்ளை, துப்பாக்கிச்சூடு மற்றும் கொலையின் நிழலில் வாழ்வதாகவும், குற்றம் நடைபெறுவது என்பது பீகாரில் புதிய வழக்கமாகிவிட்டதாகவும்,
பீகார் அரசு முற்றிலும் தோல்வியடைந்துள்ளதையே இது எடுத்துக்காட்டு வதாகவும் ராகுல்காந்தி குற்றம் சாட்டியுள்ளார்.
பீகாரின் சகோதர, சகோதரிகளே, இந்த அநீதியை இனியும் பொறுத்துக்கொள்ள முடியாது. உங்கள் குழந்தைகளைப் பாதுகாக்க முடியாத அரசு, உங்கள் எதிர்காலத்திற்கும் பொறுப்பேற்க முடியாது என்று கூறி
யுள்ளார். பீகாரில் அரங்கேறும் ஒவ்வொரு கொலையும், ஒவ்வொரு கொள்ளையும் ஒவ்வொரு தோட்டாவும், மாற்றத்திற்கான குரல், இது ஒரு புதிய பீகாருக்கானநேரம் என்று குறிப்பிட்டுள்ள ராகுல்காந்தி, அந்த பீகாரில் வளர்ச்சி மட்டுமே இருக்கும், அச்சம் இருக்காது என்றும் கூறியுள்ளார்.
இந்த முறை மக்களின் வாக்கு அரசாங்கத்தை மாற்றுவதற்கு மட்டுமல்ல... பீகாரை காப்பாற்றுவதற்குமான தேர்தல் என்றும் எதிர்க்கட்சித்தலைவர் ராகுல்காந்தி வெளியிட்டுள்ள சமூக வலைதளப்பதிவில் தெரிவித்துள்ளார்.