சென்னை, ஜூலை 7–
கவிஞர் ரவிபாரதி விடுத்து ள்ள அறிக்கை வருமாறு :–
எழுத்தாலும் பேச்சாலும் ஆட்சி மாற்றத்தையே நிகழ்த்திவிடலாம் என்பதை தமிழகத்தில் நிகழ்த்திக் காட்டிய பெருமைக்குரியவர்கள் அறிஞர் அண்ணாவும், முத்தமிழறிஞர் கலைஞர் அவர்களுமே.
ஆட்சிக் கட்டிலில் அமர்ந்த உடனேயே, உலகத் தமிழ் மாநாட்டை சென்னையில் நடத்திக் காட்டி, மெரினா கடற்கரையில் தமிழ்வளர்த்த அறிஞர்களுக்கும், கவிஞர்களுக்கும் சிலை வைத்து அழகு பார்த்தவர்தான் பேரறிஞர் அண்ணா.
அண்ணாவின் அடியொற்றியே, எழுத்தாளர்களை கவிஞர்களை ஏற்றிப் போற்றிய பெருமைக்குரியவர் கலைஞர் அவர்கள். செம்மொழி மாநாட்டினையே உலகமே வியக்கும் வண்ணம் கோவையிலே நடத்திக் காட்டி, தமிழன்னைக்கும், தமிழறிஞர்களுக்கும் சிறப்புச் சேர்த்த பெருமை கலைஞருக்கே உரியது.
கலைஞர்களை, எழுத்தாளர்களை கைதூக்கி விடுவதில் கலைஞருக்கு நிகர் கலைஞரே... இன்று நமது மதிப்பிற்குரிய முதல்வர் மு.க. ஸ்டாலின் அவர்களும், கலைஞர் வழியில் பயணித்து, எழுத்தாளர்களுக்கும். கவிஞர்களுக்கும் ஏற்றம் கொடுத்து அவர்க ளை கௌரவித்து வருகிறார்...
அந்த வகையில், வாழ்நாள் முழுவதும் தமிழுக்கே தன்னை ஒப்படைத்துக் கொண்டு வாழ்ந்து மறைந்திட்ட பெருங்கவிக்கோ மறைவுச் செய்திகேட்டு, துடிதுடித்து விரைந்து சென்று முதல் ஆளாக அஞ்சலி செலுத்தியவர்தான் நமதுமுதல்வர் மு.க. ஸ்டாலின் அவர்கள். அதுமட்டுமின்றி பெருங்கவிக்கோ வா.மு. சேதுராமன் உடல் அரசு மரியாதையுடன் அடக்கம் செய்யப்படும் என்று அறிவித்து படர்ந்திருந்த சோகத்திலும் நற்செய்தி நல்கி கவிஞர்கள் உலகிற்கே பெருமை சேர்த்துள்ளார்...
வாமுசே குடும்பத்திற்கு மட்டுமல்ல, ஒட்டுமொத்த கவிஞர்களுக்கும் இந்த திராவிட மாடல் அரசு எப்போதும் துணைநிற்கும் என்பதை இவ்வறிவிப்பின் மூலம் மெய்ப்பித்துக் காட்டியுள்ளார் மேன்மைக்குரிய நமது முதல் அவர்கள்.
உலக முழுதும் ஓய்வின்றி சுற்றி சுற்றி வந்து ஒயாது தமிழ்ப்பணி ஆற்றிய ஒப்பரிய கவிஞர் பெருந்தகை பெருங்கவிக்கோவுக்கு அளிக்கும் கௌரவமாக மட்டுமே இதை நினைக்காமல், ஒட்டுமொத்த கவிஞர்கள் உலகிற்கே கிடைத்திட்ட மாபெரும் மரியாதை என்பதை எண்ணி கவிஞர் உலகமே இறும்பூது எய்துகிறது...
எழுத்தாளர்களையும், கவிஞர்களையும் ஏந்திப் பிடிக்கும் எமது முதல்வர் அவர்களைப் பாராட்ட வார்த்தைகளே இல்லை.... கவிஞர்கள் உலகிற்கு கைகொடுக்க ஒருவர் இருக்கிறார் அவர்தான் நமது மு.க. ஸ்டாலின் அவர்கள் என்ற நம்பிக்கை நெஞ்சிலே நிரம்பி வழிகிறது. தமிழ்ப்பணி ஆற்றுவோர் யாராக இருப்பினும் அவர்களைத் தாங்கிப் பிடிக்கின்ற அருங்குணம் வாய்க்கப்பெற்றவர்தான் நமது பெருங்கவிக்கோ.
நான்கு நாட்களுக்கு முன்புதான் நான் தயாரித்துள்ள காமராஜர் நூல் வெளியீட்டுவிழா அழைப்பிதழைக் கொடுப்பதற்காக திராவிடக் கழகத் தலைவர் கி. வீரமணி ஐயாவைச் சந்திப்பதற்காக நான் சென்றபோது, என்னுடனே வருகை தந்து எனக்கு ஒவ்வொரு சந்தர்ப்பத்திலும் துணை நின்று தோள் கொடுத்தவர் பெருங்கவிக்கோ என்பதை பெருமையுடன் இவ்வேளையில் குறிப்பிட விரும்புகிறேன். தமிழையும், தமிழறிஞர்களையும் எப்போதும் உயர்த்திப் பிடிப்பவர்கள், உயர்ந்து கொண்டே இருப்பார்கள் என்பதற்கு நமது முதல்வர் அவர்கள் சரியான சான்றாகத் திகழ்ந்து வருகிறார் என்பதை பெருமையுடன் நன்றியோடு குறிப்பிட்டு ஒட்டுமொத்த கவிஞர்கள் உலகின் பாராட்டுகளையும் உவகையுடன் தெரிவித்துக் கொள்கிறேன்.
இவ்வாறு கவிஞர் இரவி
பாரதி தனது அறிக்கையில் தெரிவித்துள்ளார்.
பல்லாவரம் சட்டமன்ற தொகுதியில் ஓரணியில் தமிழ்நாடு உறுப்பினர் சேர்த்தல் பணி ஒவ்வொரு பாகத்திலும் சிறப்பாக நடைபெற்று வருகின்றன மாவட்டக் கழகத் துணைச் செயலாளர் இ. கருணாநிதி எம்.எல்.ஏ ஒவ்வொரு பகுதியாக சென்று பணிகள் எவ்வாறு நடைபெறுகின்றன என்பதை பார்வையிட்டார்/ அதன் தொடர்ச்சியாக செம்பாக்கம் வடக்கு பகுதி 36-வது வார்டில் ஒரு பாகத்தில் பாக முகவர் பூத் டிஜிட்டல் ஏஜென்ட் தேர்தல் பணி குழு உறுப்பினர்கள் ஆகியோர்களுடன் இணைந்து இல்லங்கள் தோறும் சென்று உறுப்பினர் சேர்க்கும் பணியை மேற்கொண்டார் அப்பொழுது பகுதி கழகச் செயலாளர் ஏ. கே. கருணாகரன் மாமன்ற உறுப்பினர் சரஸ்வதி சந்திரசேகர் வட்டக் கழகச் செயலாளர் ஜே. வி. சந்திரசேகர் வட்டக் கழக நிர்வாகிகள் ஆகியோர் உடன் இருந்தனர்