சென்னை, ஜூலை, 7–
இந்துக்களுக்கும் இஸ்லாமியர்களுக்கும் இடையிலான சமூக நல்லிக்கணத்தை பேணி காத்து வருபவர் தகைசால் தமிழர் விருது பெறும் பேராசிரியர் காதர் மொய்தீன் என்று அரசியல் கட்சித் தலைவர்கள் புகழாரம் சூட்டியுள்ளனர்.
இக்கட்சித் தலைவர்களின் பேட்டி சன் நியூஸ் தொலைக்காட்சியில் ஒளி பரப்பாகியுள்ளது.அதனை இங்கே தொகுத்து அளித்துள்ளோம்
தொல் திருமாவளவன்
இந்துக்களுக்கும் இஸ்லாமியர்களுக்குமான சமூக நல்லிணக்கத்தை பேணி காத்து, முத்தமிழறி ஞர் கலைஞர் அவர்களுக்கு உற்றத் துணையாக இருந்து சமூக நீதிக்கு அரணாக இருந்து பாதுகாத்து வருபவர். மிகஉயர்ந்த பண்புகளுக்கு சொந்தக்காரர்,எளியவர்களையும் மதிப்பவர். மாண்புகளைப் பெற்றவர். முத்தமிழறிஞர் கலைஞர் அவர்களுக்கு எப்படி உற்றத் துணையாக இருந்தாரோ, அதே போல இன்றைய முதலமைச்சர் மு.க.ஸ்டாலின் அவர்களுக்கு பெரும் துணையாகதோளோடு தோள் கொடுத்து இருக்கிறார்.
அத்தகைய தகுதி வாய்ந்த தமிழரான பேராசிரியர் காதர் மொய்தீன் அவர்களை தேர்வு செய்து சிறப்பித்திருக்கின்ற முதலமைச்சர் அவர்களுக்கு எனது நெஞ்சார்ந்த பாராட்டுக்களையும் நன்றியையும் தெரிவித்துக் கொள்கிறேன்.
பீட்டர் அல்போன்ஸ்
பட்டியலின மக்கள், அடித்தட்டு மக்கள் பிற்படுத்தப்பட்ட மக்கள், சிறுபான்மையின மக்கள், இந்தச் சமூகங்களைச் சார்ந்த சாதனையாளர்களை அங்கீகரிப்பதற்கு யாரும் இல்லை என்ற சூழ்நிலை வந்த போது தான் நம்முடைய முதலமைச்சர் அவர்கள் சாதனைத் தமிழர்களை அடையாளம் கண்டு சாதனைத் தமிழர்களாக மட்டுமல்ல வாழ்க்கை முழுவதையும் தமிழ்ச் சமுதாயத்திற்கு அர்பணித்த அற்புதமான மனிதர்களை அடையாளங் கண்டு, ஒவ்வொருவருக்கும் தகைசால் விருது வழங்கி வருகிறார்.
நம்முடைய நூற்றாண்டு காலம் வாழ்ந்து பெருமை சேர்த்த சங்கரய்யா, அன்புக்குரிய அண்ணன் நல்ல கண்ணு அவர்கள், இலக்கிய செல்வர் குமரி அனந்தன் அவர்கள், விடுதலை ஆசிரியர் அய்யா வீரமணி அவர்கள், இன்று இந்த ஆண்டு, கண்ணியத்துக்குரிய காயிதே மில்லத் பரம்பரையில் வந்து, பொது வாழ்க்கையிலே புனிதமாகக் கருதி தன்னலமற்ற பேராசிரியர் காதர் மொய்தீன் அவர்கள் இந்த விருதுக்கு சக தகுதி உள்ளவர்கள், கல்லூரி பேராசிரியராக இருந்து ஒப்பற்ற அறிஞராக இருந்து, சிறுபான்மை மக்களுக்காக தன்னுடைய வாழ்க்கை முழுவதையும் ஒப்படைத்து, பதவி இல்லாமல் பொது சேவை செய்வதை மட்டுமே தனது வாழ்க்கையின் நோக்கமாக வாழ்கின்றவர், காட்சிக்கு எளியவர், கடுஞ்சொல் அற்றவர், அற்புதமான மனிதநேய பண்பாளர், அவருக்கு நம்முடைய முதலமைச்சர் அவர்கள் தகைசால் விருது வழங்கி இருப்பது சாலப் பொருத்தம், பாராட்டுதலுக்குரிய ஒன்று. இதனால் நம் முடைய பேராசிரியர் காதர்
மொய்தீன் அவர்கள் பெருமைப்படுகிறார்கள்.
இந்த விருது அவருக்கு வழங்கப் படுகிறது. இந்த விருது வழங்கிய முதலமைச்சர் அவர்களும் வாழ்த்தப்படக் கூடியவர். பாராட்டப்படக் கூடியவர். தமிழ்நாடு காங்கிரஸ் கட்சியின்
சார்பில் மனதாரப் பாராட்டுகிறேன்.
கே.பாலகிருஷ்ணன்
காதர்மொய்தீன் அவர்கள் இந்தியன் யூனியன் முஸ்லீம் லீக்கின் அகில இந்தியத் தலைவராக இருப்பது, இந்தியாவில் மதச்சார்பற்ற கொள்கையில் மக்கள் ஒற்றுமைக்காக அயராது பணியாற்றிக் கொண்டிருப்பது தன்னுடைய மூத்த வயதில் கூட இந்தியா முழுவதும் பயணம் செய்து, சிறுபான்மை மக்களை திரட்டுவது மட்டுமல்ல, சிறுபான்மை மக்களுக்கும், பெரும்பான்மை மக்களுக்கும் ஒரு பாலமாகத் திகழ்ந்து வருபவர்பேராசிரியர் காதர் மொய்தீன் அவர்கள்!
அதுமட்டுமல்ல; கல்லூரியில் வரலாற்றுப் பேராசிரியராகப் பணியாற்றியவர். தமிழ், ஆங்கிலம், உருது, இந்தி மொழிகளில் புலமைப் பெற்றவர்.
அப்படிப்பட்ட மக்களுக்காகப் பணியாற்றக் கூடிய அருமையாகத் திகழக் கூடிய காதர் மொய்தீன் அவர்களைத் தேர்வு செய்து, தகைசால் தமிழர் விருது வழங்கி இருப்பது உண்மையிலேயே பெருமைக்குரியதாக நான் கருதுகிறேன். இந்த விருதினைப் பெற்றிருக்கின்ற பேராசிரியர் காதர் மொய்தீன் அவர்களுக்கு என்னுடைய வாழ்த்துகளையும், பாராட்டுக்களையும் மார்க்சிஸ்ட் கம்யூனிஸ்ட் கட்சி சார்பில் தெரிவித்துக் கொள்கிறேன்.
பேராசிரியர்
ஜவாஹிருல்லா!
பேராசிரியர் காதர் மொய்தீன்அவர்கள், கல்வியாளர், கல்வியாளர் மட்டுமின்றி பலரும் கல்வி பயில உதவியவர். திருச்சி மாநகரில் மிகவும் குறைந்த கட்டணத்தில் மாணவர் களுக்கான விடுதியை, நடத்தி வரு
கிறார்.
85 வயதைக் கடந்தும் கூட இன்றும் தமிழ்நாட்டின் பட்டிதொட்டிகளுக்கெல்லாம் சென்று, சிறப்பான நல்லிணக்கப் பணிகளை மேற்கொண்டு வருகிறார்.
தமிழ்நாட்டின் நலனில் சிறந்த அக்கறை கொண்டு செயல்பட்டு வருகின்ற பேராசிரியர் காதர் மொய்தீன் அவர்களுக்கு “தகைசால் தமிழர்” விருது வழங்கப்பட்டு இருப்பது மிகவும் பொறுத்தமானது,
அதிலும் குறிப்பாக உள்ளாட்சி முதல் நாடாளுமன்றம் வரை இஸ்லாமியர்களுக்கு அரசியலில் முக்கியத்து வம் சரியான முறையில் தர வேண்டும் என்ற ஒரு கோரிக்கையை முன்வைத்து மனித நேய மக்கள் கட்சி மதுரையில் மாநாடு நடத்தக் கூடிய இந்தத் தருவாயில் நம்முடைய முதலமைச்சர் அவர்கள் பேராசிரியர் காதர் மொய்தீன் அவர்களுக்கு “தகைசால் தமிழர்” விருது வழங்கி இருப்பது மிகவும் பொறுத்தமானது.
மீண்டும் முதலமைச்சர் அவர்களுக்கு என்னுடைய நெஞ்சார்ந்த நன்றியைத் தெரிவித்துக் கொண்டு பேராசிரியர் காதர்மொய்தீன் அவர்களுக்கு என்னுடைய வாழ்த்துகளையும் பாராட்டுக்களையும் தெரிவித்துக் கொள்கிறேன்.
இவ்வாறு அரசியல் கட்சித் தலைவர்கள் பேட்டியளித்தனர்.