#Title

‘உங்களுடன் ஸ்டாலின்’ முகாம்: ஜூலை 14 மற்றும் 15 ந் தேதிகளில் முதல்வர் மு.க.ஸ்டாலின் கடலூர் மாவட்டத்திற்கு வருகை! முன்னேற்பாடு பணிகள் குறித்து – அமைச்சர் எம்.ஆர்.கே.பன்னீர் செல்வம் ஆய்வு!

கடலூர், ஜூலை 7–

தமிழ்நாடு முதலமைச்சர் அவர்கள் 14.07.2025 மற்றும் 15.07.2025 ஆகிய தினங்களில் கடலூர் மாவட்டத்திற்கு வருகைபுரிவதை முன்னிட்டு முன்னேற்பாடு பணிகள் குறித்து வேளாண்மை உழவர் நலத்துறை அமைச்சர் எம்.ஆர்.கே.பன்னீர்செல்வம் மாவட்ட ஆட்சித்தலைவர் சிபி ஆதித்யா செந்தில்குமார், முன்னிலையில் ஐயா எல்.இளையபெருமாள் நூற்றாண்டு அரங்கம் மற்றும் உங்களுடன் ஸ்டாலின் திட்டம் துவக்க விழா நடைபெறும் இடங்களை 02.07.2025 அன்று பார்வையிட்டு ஆய்வு செய்தார்.

வேளாண்மை உழவர் நலத்துறை அமைச்சர் எம்.ஆர்.கே.பன்னீர்செல்வம் தெரிவித்ததாவது:–

தமிழ்நாடு முதலமைச்சர் அவர்கள் ஆட்சிப்பொறுப்பேற்றது முதல் பொதுமக்கள் பொருளாதாரத்தில் முன்னேற்றமடையும் வகையிலும், மாநிலத்தின் உட்கட்டமைப்புவசதிகளை மேம்படுத்தும் வகையில் பல்வேறு துறைகளின் வாயிலாக வளர்ச்சித் திட்டப் பணிகள் மற்றும் பல்வேறு சிறப்பு திட்டங்களை மாவட்டந்தோறும் செயல்படுத்தி வருகிறார்கள். அந்த வகையில் தமிழ்நாடு முதலமைச்சர் அவர்கள் 14.07.2025 அன்று கடலூர் மாவட்டத்திற்கு வருகைபுரிந்து, 15.07.2025 அன்று ஐயா எல்.இளையபெருமாள் அவர்களின் நூற்றாண்டு அரங்கத்தினைதிறந்து வைத்து,பொதுமக்களின் தேவைகளை பூர்த்தி செய்திடும் வகையில் உங்களுடன் ஸ்டாலின் என்ற புதிய திட்டத்தினை தொடங்கி வைக்க உள்ளார்கள்.

ஐயா எல்.இளையபெருமாள்அவர்கள் சமூகத்திற்கு ஆற்றிய பங்களிப்பிற்காகவும், சமூக நீதிக்காக போராடியதற்காகவும் அவர்கள் ஆற்றிய தொண்டினை பெரு மைப்படுத்தும் வகையில் சிதம்பரத்தில் பெரியவர் இளையபெருமாள்அவர்களை சிறப்பிக்கும் வகையில் தமிழ்நாடு சட்டமன்ற பேரவையில் விதி 110–இன் கீழ் தமிழ்நாடுமுதலமைச்சர் அவர்களால் அறிவிப்பு வெளியிட்டதன் அடிப்படையில் ரூ.6.39 கோடி மதிப்பீட்டில் பணிகள் நிறைவுற்று திறக்கப்பட உள்ளது.

தமிழ்நாடு முதலமைச்சர் அவர்கள் பொதுமக்களின் வசிப்பிடம் அருகாமையிலே அனைத்து துறை அலுவலர்களும் முகாம்கள் அமைத்து பொதுமக்களிடமிருந்து மனுக்களை பெற்று தீர்வு காணப்பட்டு வருகிறது. அவ்வகையில் மக்களுடன் முதல்வர் திட்டமுகாமினை தொடர்ந்து பொது மக்களின் தேவைகளை பூர்த்தி செய்திடும் வகையில், தற்போது உங்களுடன் ஸ்டாலின் என்றபுதிய திட்டத்தினை தொடங்கிவைக்க உள்ளார்கள்.

தமிழ்நாடு முதலமைச்சர் அவர்களின் வருகையினை முன்னிட்டு துறை சார்ந்த அலுவலர்கள் தங்களுக்கு ஒதுக்கீடு செய்யப்பட்ட பணிகளை துரிதமாக மேற்கொள்ள அறிவுறுத்தப்பட்டுள்ளது என வேளாண்மை உழவர் நலத்துறை அமைச்சர் எம்.ஆர்.கே.பன்னீர்செல்வம் தெரிவித்தார்.

கூட்டத்தின் போது மாவட்ட காவல் கண்காணிப்பாளர் எஸ்.ஜெயக்குமார், மாவட்ட வருவாய் அலுவலர் ம.இராஜசேகரன், சிதம்பரம் சார் ஆட்சியர் கிஷன்குமார் உட்பட பலர் கலந்து கொண்டனர்.

காஞ்சிபுரம் வடக்கு மாவட்டம், மறைமலைநகர் தெற்கு நகர தி.மு.க. சார்பில் நகர பொறுப்பாளர் த.வினோத்குமார் தலைமையில் நடைபெற்ற பொது உறுப்பினர்கள் கூட்டத்தில் மாவட்டச் செயலாளர் - குறு, சிறு மற்றும் நடுத்தரத் தொழில் நிறுவனங்கள் துறை அமைச்சர் தா.மோ.அன்பரசன் கலந்து கொண்டு உரையாற்றினார். அருகில் செங்கல்பட்டு சட்டமன்ற உறுப்பினர் வரலட்சுமி மதுசூதனன், வடக்கு நகரச் செயலாளர் மற்றும் கழக நிர்வாகிகள் உள்ளனர்.