திருவள்ளூர், ஜூலை 7–
திருவள்ளூர் மேற்கு மாவட்ட திமுக சார்பில் திருவள்ளூர் மற்றும் திருத்தணி தொகுதிக்குட்பட்ட பிஎல்ஏ 2 பாக முகவர்கள் ஆலோசனை கூட்டம் மாவட்ட நடைபெற்றது. மாவட்ட செயலாளர் திருத்தணி எஸ்.சந்திரன் எம்.எல்.ஏ தலைமை தாங்கினார். திருவள்ளூர் சட்ட மன்ற உறுப்பினர் வி.ஜி.இராஜேந்திரன் முன்னிலை வகித்தார்.
இதில் கழகத் துணை பொதுச்செயலாளர் ஆ.இராசா எம்.பி, சிறுபான்மை மற்றும் வெளிநாடு வாழ் தமிழர் நலத்துறை அமைச்சர் ஆவடி சா.மு.நாசர் ஆகியோர் கலந்து கொண்டு சட்டமன்ற தேர்தல் பணிகள் குறித்து பல்வேறு ஆலோசனைகள் வழங்கினார்கள்.
அப்போது ஆ.ராசா எம்.பி. பேசும்போது,
தந்தை பெரியார் காலத்தில் பிஜேபிக்கும் ஆர்.எஸ்.எஸ்.க்கோ ஒரு எம்.பி. கூட கிடையாது. அண்ணா முதலமைச்ச ராக இருந்தபோது இரண்டு எம்பிக்கள் மட்டுமே இருந்தனர். ஆனால் கலைஞர் முதலமைச்சராக இருந்தபோது கணிசமாக எம்பிக்கள் இருந்தனர்.
திமுக கூட்டணியில் பிஜேபி இருந்த போது மூன்று நிபந்தனைகள் விதிக்கப்ப ட்டன அதாவது அயோத்தியில் ராமர் கோயில் கட்டக்கூடாது, இஸ்லாமியர்களுக்கு கிறிஸ்தவர்களுக்கு இந்துக்களுக்கு தனி சட்டம் உள்ளது. இந்த ஒரே சீரான சிவில் சட்டத்தைக் கொண்டு வரக்கூடாது. காஷ்மீரில் கொண்டு வந்ததைப் போல் சிறப்பு அதிகாரத்தை கொண்டுவரக் கூடாது என்ற நிபந்தனைகளு டன் பாஜகவுடன் கூட்டணி அமைத்தோம். ஆர்.எஸ்.எஸ். என்ற பயங்கரவாதம் பெரியார் காலத்தில் இல்லை. அண்ணா காலத்தில் இலேசாகத் தெரிந்தது. கலைஞர் காலத்தில் உருவம் கொண்டது. நம்முடைய முதல்வர் இதனை எதிர்கொண்டு செயலாற்றி வருகிறார்.
தமிழ்நாடு முதல்வராக உள்ள மு.க. ஸ்டாலின் போன்ற தலைவர்கள் உலகத்தில் எங்கும் இல்லை. கட்சியில் அடிப்படை உறுப்பினர் பதவியில் இருந்து படிப்படியாக உயர்ந்து கட்சிக்கு தலைவராய் இருக்கிறார். அதேபோல் ஆட்சி நிர்வாகத்திலும் சட்டமன்ற உறுப்பினர், மாநகர மேயர், அமைச்சர், துணை முதலமைச்சர் என படிப்படியாக உயர்ந்து தற்போது முதலமைச்சர் ஆகியிருக்கிறார்.
கட்சியிலும் ஆட்சியிலும் படிப்படியாகமுன்னேறி தன்னையும் வளர்த்துக்கொண்டு சமூகத்திற்காகவும் தொண்டாற்றி ஒரே நேரத்தில் கட்சியை ஆட்சியையும் ஒரு பரிபூரணமான இடத்திற்குகொண்டுவந்து தமிழகத்தில் அல்ல இந்தியாவிற்கு ஒட்டுமொத்த தலைவராக திகழ்பவர் மு.க. ஸ்டாலின் என அவர்கள்.
தமிழ்நாட்டில் நீங்கள் கொண்டு வந்த திட்டம் ஒவ்வொரு வீட்டிலும்போய் சேர்ந்திருப்பதால் உங்களை அரசியல்வாதியாக தனக்கு பிடிக்கும் என நீலகிரிரில் ஒரு பெண்மணி கூறியுள்ளார். ஒரே நாடு, ஒரே தேர்தல், ஒரே பண்பாடு எப்படி சாத்தியமாகும்.
நூறாண்டுகளுக்கு முன்னர் இந்த அரங்கத்திற்குள் அனைவரும் சமமாக அமர முடியுமா என்றால் முடியாது. ஆனால் தற்போது அது முடிகிறது என்றால் அதற்கு காரணம் இந்தியஅரசியலமைப்புச் சட்டம் தான்.
டெல்லி, மகாராஷ்டிரா, அரியானாவிலும் பிஜேபி ஆட்சியைப் பிடித்திருக்கலாம். அதேபோல் தமிழ்நாட்டில் பிஜேபி ஆட்சி அமைக்கும் என அமித்ஷா பேசியிருக்கிறார். டெல்லியில் ஒரு தனி மனிதரை வீழ்த்தி, ஒரு அரசியல் கட்சியை வீழ்த்தி உள்ளீர்கள். அதேபோல் மகாராஷ்டிராவிலும் தனிமனிதர், ஒரு அரசியல் கட்சி, அரியானாவிலும் இதே நிலைதான். ஆனால் தமிழகத்தில் இருக்கிற தலைவர் தனி மனிதர் அல்ல. அவருக்கு பின்னால் பெரியார், அண்ணா, கலைஞர் போன்ற தத்துவங்கள் இருப்பதால் ஒன்னும் செய்ய முடியாமல் உள்ளது. ஓரணியில் தமிழ்நாடு என்ற திட்டத்தைநமது தலைவர் அறிவித்திருப்பதற்கு காரணம் இந்த தேர்தலில் அரசியல் பார்க்க வேண்டாம்... எங்களோடு வா.. சாதி, மதம் வேண்டாம்.. மானம், மண், மொழி என்ற இந்த மூன்றுக்காகவும் அரசியலில் கடந்து வா என்பது தான். எனவே 2026-ல் நடைபெறும் தேர்தல் தமிழகத்திற்கான தேர்தல் மட்டுமல்ல இது ஒட்டு மொத்த இந்தியாவிற்குமான தேர்தல்.
இவ்வாறு ஆ.இராசா பேசினார்.
இதில் தலைமை செயற்குழு உறுப்பினர் திருத்தணி எம்.பூபதி, தொகுதி பார்வையாளர்கள் பெ.சேகர், சண்முகநாதன், நிர்வாகிகள் கே.திராவிடப க்தன், ஒ.ஏ.நாகலிங்கம், குருதாஸ், உதயமலர் பாண்டியன், சி.ஜெயபாரதி, ப.சிட்டிபாபு, கே.என்.சுப்பிரமணி, ஒன்றிய செயலாளர்கள் டி.கிறிஸ்டி (எ)அன்பரசு, ஆர்த்திரவி, கூளூர் எம்.ராஜேந்திரன், சி.சு.ரவிச்சந்திரன், க.அரிகிருஷ்ணன், மோ.ரமேஷ், எஸ்.மகாலிங்கம் ஜி.ரவிந்திரா, சி.என்.சண்முகம், பெ.பழனி, வி.வினோத்குமார், சி.ஜெ.சீனிவாசன், என்.கிருஷ்ணன், பி.டி.சந்திரன், கே.இராஜேந்திரன், மா.இரகு, ஏ.எல்.விஜயகுமார் மற்றும் பிஎல்ஏ 2 பாக முகவர்கள் கலந்து கொண்டனர்.