திருச்சி, ஜூலை.7–
திருச்சிராப்பள்ளி தேசியக் கல்லூரி மேல்நிலைப்பள்ளி மைதானத்தில் பள்ளிக் கல்வித்துறையின் சார்பில் நேற்று (06.07.2025) நடைபெற்ற முப்பெரும் விழாவில் அறிஞர் அண்ணா தலைமைத்துவ விருது மற்றும் ரூபாய் 10 இலட்சம் ஊக்கத்தொகையுடன் தலைமையாசிரியர்களுக்கான விருதுகளையும்,பேராசிரியர் அன்பழகன் விருது மற்றும் கற்றல் அடைவுக்கான 100 நாள் சவாலில் பங்கேற்ற பள்ளி தலைமையாசிரியர்களுக்கு கேடயம் மற்றும் பாராட்டுச் சான்றிதழ்களை நகராட்சி நிருவாகத்துறை அமைச்சர் கே.என்.நேரு அவர்கள், பள்ளிக் கல்வித்துறை அமைச்சர்அன்பில் மகேஸ் பொய்யாமொழி அவர்கள் ஆகியோர் வழங்கினார்கள்.
தமிழ்நாடு அரசின் வழி நின்று அரசுப் பள்ளிகளில் கல்வி, விளையாட்டு, மாணவர் மேம்பாடு, பள்ளி உட்கட்டமைப்பு, பள்ளி மேலாண்மை குழுவின் செயல்பாடு, இல்லம் தேடிக் கல்வி திட்டம் என பல்வேறு அரசின் முதன்மையான திட்டங்களைச் சிறப்பாக செயல்படுத்திய தொடக்க, நடுநிலை, உயர்நிலை மற்றும் மேல்நிலை பள்ளிகளைச் சார்ந்த 100 பள்ளி தலைமை ஆசிரியர்களுக்கு அறிஞர் அண்ணா தலைமைத்துவ விருதுடன் தலா ரூபாய் 10 இலட்சம் வீதம் ரூபாய் 10 கோடி ஊக்கத்தொகையும்மேலும் கற்றல் கற்பித்தல் ஆசிரியர் திறன் மேம்பாடு தலைமைத்துவம் மாணவர் வளர்ச்சி என பன்முக வளர்ச்சியினை வெளிப்படுத்தும் தொடக்க, நடுநிலை, உயர்நிலை மற்றும் மேல்நிலைப் பள்ளிகளைச் சார்ந்த சிறந்த 76 பள்ளிகளுக்கு,பேராசிரியர் அன்பழகனார் விருது களும் மற்றும் 38 உயர்நிலை மற்றும் மேல்நிலைப்பள்ளிகளுக்கு தலா ரூபாய் 10 இலட்சம் வீதம் உட்கட்டமைப்பு பராமரிப்பு நிதியும் அமைச்சர் பெருமக்கள் வழங்கினார்கள்.
தொடர்ந்து, மொழி அறிவில் எப்போதும் சிறந்த விளங்கும் தமிழ்நாடு அரசுத் தொடக்கப் பள்ளிகளில் 100 நாட்களில் 100 விழுக்காடு தமிழ் மற்றும் ஆங்கிலத்தை மாணவர்கள் வாசிக்கவும் கணக்கு பாடத்தில் அடிப்படை திறனை முன்னேற்றம் அடையச் செய்யவும் இலக்கு நிர்ணயிக்கப்பட்டு அவ்வாறே செய்து முடித்த 4552 தொடக்கப் பள்ளிகளைச் சார்ந்த ஆசிரியர்கள் மற்றும் தலைமை ஆசிரியர்களுக்குப் பாராட்டுச் சான்றிதழ்களையும்மேலும் பல்லுயிர், நீர் மேலாண்மை கழிவு மேலாண்மை உணவு மற்றும் ஆற்றல் போன்றவற்றை அடிப்படையாகக் கொண்டு பள்ளி வளாகங்களில் பசுமை நடவடிக்கைகளை மேற்கொண்ட சிறந்த பள்ளிக்கு மிஷன் இயற்கை விருதுகளை யும் நகராட்சி நிருவாகத்துறை அமைச்சர் கே.என்.நேரு, பள்ளிக் கல்வித்துறை அமைச்சர் அன்பில் மகேஸ் பொய்யாமொழி ஆகியோர் வழங்கி பாராட்டினார்கள்.
அமைச்சர் கே.என்.நேரு பேச்சு!
இதில் அமைச்சர் கே.என்.நேரு தெரிவித்ததாவது :–
ஆசிரியர்கள் என்னகற்பித்தார்களோஅதைமனதில் வைத்துதேர்வுஎழுதிதான் நான் தேர்வில் வெற்றி பெற்றுள்ளேன். புத்தகங்களை தொட்டதே கிடையாது. விவசாயத்தை பார்க்க வேண்டும் என தந்தை அழைத்ததால் கல்லூரி படிப்பை முடிக்காமல் நான் சென்று விட்டேன். ஆனால் கல்லூரி படிப்பு படித்திருந்தால் ஆங்கில அறிவு கிடைத்திருக்கும் என பலமுறை நினைத்தி ருக்கிறேன். ஆனால் எங்களுக்கு முத்தமிழறிஞர் கலைஞர் அதைத் தாண்டியும் பயிற்சி அளித்துள்ளார். அதிகாரிகளோடு எப்படி பேச வேண்டும் மற்றவர்களோடு எப்படி பேச வேண்டும் என எங்களுக்கு பயிற்சி அளித்துள்ளார். ஆசிரியர்களை எப்போது மேகலைஞர் அவர்கள் இன்முகத்துடன் பார்த்துவரவேற்பார். அவர்களுக்கு தேவையான அனைத்தையும் செய்துகொடுப்பார். ஆசிரியர்களுக்கு அதிக முக்கியத்து வம் அளித்தவர் கலைஞர் அவர்களை சீராட்டி
பாராட்டி வளர்த்தவர் கலைஞர்.
தமிழ்நாட்டில் அதிகமான நிதி ஒதுக்கப்பட்டுள்ளது பள்ளிக் கல்வித் துறைக்குதான். ரூபாய் 45 ஆயிரம் கோடி நிதி ஒதுக்கப்பட்டுள்ளது. சென்னை மாநகராட்சி பள்ளிகளில் ஒரு இலட்சத்து 10 ஆயிரம் மாணவர்கள் சேர்ந்துள்ளார்கள். அரசு பள்ளி வறுமையின் அடையாளம் அல்ல, பெருமையின் அடையாளம் என அமைச்சர் கூறுவர். அதற்கு ஏற்ப அரசு பள்ளிகளில் மாணவர் சேர்க்கை அதிகமாக நடந்துள்ளது. ஒருவர் எந்த உயரத்திற்கு சென்றாலும் அதற்கு அடித்தளம் இடுவது ஆரம்பகல்வியே. ஆரம்பப் பள்ளியில் நன்றாக கற்றுத் தருவதுதான் ஒரு மாணவன் அடையும் அனைத்து வெற்றிக்கும் காரணமாகும். தனியார் பள்ளியில் கல்வி பயின்றவர்களைவிட அரசு பள்ளியில் கல்வி பயின்ற பலர் உயர்ந்த நிலையை அடைந்துள்ளார்கள்.
இவ்விருதுகள் வழங்குவதன் மூலம் சிறந்த பள்ளிகள், தலைமை ஆசிரியர்கள் மற்றும் ஆசிரியர் பெருமைகளை ஊக்குவிப்பதன் மூலம் ஒட்டுமொத்த அரசுப் பள்ளிகளின் கற்றல் சார்ந்த நடவடிக்கைகளுக்கான அங்கீகாரத்தை தமிழ்நாடு அரசு இந்த நேரத்தில் முழுமையாக அளித்து அவர்களை ஊக்கப்டுத்துகிறது. இதனால் இன்றைய மாணவ சமுதாயம் நாளைய உலகை ஆள்வார்கள் என்பதில் எவ்வித ஐயமும் இல்லை.
இவ்வாறு அவர் தெரிவித்தார்.
அமைச்சர்
அன்பில் மகேஸ் பொய்யாமொழி பேச்சு!
பள்ளிக் கல்வித்துறை அமைச்சர் அன்பில் மகேஸ் பொய்யாமொழி தெரிவித்ததாவது :–
தமிழ்நாடு முதலமைச்சர் அவர்களின் தலைமையிலான அரசின் திட்டங்களை பள்ளிகள் எவ்வாறு செயல்படுத்துகிறது என்பதை கண்காணித்து அதில் சிறப்பாக செயலாற்றிய 100 அரசுபள்ளிகளுக்கு அண்ணா தலைமைத்துவ விருதும் வழங்கப்படுகிறது. அதேபோல கற்றல், கற்பித்தல், செயல்பாடு உள்ளிட்டவற்றில் சிறப்பாக பங்களித்த 76 பள்ளிகளுக்கு பேராசிரியர் அன்பழகன் விருது வழங்கப்படுகிறது. கற்றல் அடைவுக்கான நூறு நாள் சவாலில் பங்கேற் றுசிறப்பாக பங்களிப்பு செய்த 4552 பள்ளிகளுக்கு பாராட்டு சான்றிதழ் வழங்கப்படுகிறது. ஏற்கனவே 4552 பேர் சிறப்பாக பங்களித்த நிலையில் அதன் தொடர்ச்சியாக இன்று 12685 தலைமையாசிரியர்கள் சவாலுக்கு நாங்கள் இன்றுதயாராக இருக்கிறோம் என வெளிப்படையாகவே தெரிவித்துள்ளார்கள்.
பல ஆய்வுகள் பள்ளி கல்வித்து றையில் செய்கிறார்கள். அதுகுறித்தெல்லாம் நாம் கவலைப்பட வேண்டாம். ஏற்கனவே ஒன்றிய அரசு ஏசர் என்கிறஅமைப்பு ஆய்வறிக்கையை தாக்கல் செய்தது அது குறித்து எல்லாம் நம்ப வேண்டாம் எனநான் ஏற்கனவே கூறியு ள்ளேன். தமிழ்நாடு அரசு மாநில திட்டக்குழுகற்றல் அடைவு அறிக்கைதான் சரியான ஆய்வறிக்கையாக உள்ளது. ஒவ்வொரு மாவட்டத்திற்கும் சென்று தலைமை ஆசிரியர்களையும், ஆசிரியர்களையும் ஊக்கப்படுத்தும் விதமாக பல்வேறு செயல்பாடுகளை செய்துவருகிறோம். ஒவ்வொரு திட்டத்தையும் தமிழ்நாடு முதலமைச்சர் அவர்கள் பார்த்துபார்த்து செய்து வருகிறார்கள். தலைமை ஆசிரியர்களின் கரத்தை வலுப்படுத்தும் விதமாகத்தான் பல திட்டங்களை தமிழ்நாடு முதலமைச்சர் அவர்கள் நிறைவேற்றி வருகிறார்கள்.
அறிவியல் சார்ந்த சமுதாயமாக இந்த சமுதாயத்தை மாற்ற வேண்டும் என்றால் அதை ஆசிரியர்களால் தான் உருவாக்கமுடியும் என்பதை தமிழ்நாடு முதலமைச்சர் அவர்கள் உளபூர்வமாக நம்பி வருகிறார். இருமொழிக் கொள்கையை அண்ணா உயர்த்திப் பிடிக்கவில்லை என்றால், இன்றுநாம் நம்முடையதாய் மொழியானதமிழ் மொழியை இழந்து இருப்போம். ஏதோ ஒரு மொழிக்கு அடிமைப்பட்டு நாம் உரிமைகளை இழந்த கூட்டமாக இருந்திருப்போம். சமச்சீர் கல்விதிட்டத்தை கொண்டுவரும் பொழுது அதற்கு அதிகமான ஆக்கத்தையும் ஊக்கத்தையும் அளித்தவர் அப்போதைய நிதி அமைச்சர் பேராசிரியர் அன்பழகன் அவர்கள். பேரறிஞர் அண்ணா அவர்களின் பெயரிலும், பேராசிரியர் அன்பழகன் பெயரிலும் விருதுகள் வழங்கப்படுகிறது. இது உங்களை கௌரவப்படுத்தும் நிகழ்வு. உங்களை கௌரவப்படுத்துவதன் மூலம் நாங்களும் பெருமைஅடைந்து கொள்கிறோம்;. விருது பெற்ற ஆசிரியர்களுக்கும், தலைமையாசிரியர்களுக்கும் பாராட்டுதலையும், வாழ்த்துக்களையும் தெரிவித்துக் கொள்கிறேன்.
இந்நிகழ்வில், பள்ளிக் கல்வித்துறை அரசுமுதன்மைச் செயலாளர் மரு.ப.சந்தர மோகன் அவர்கள், மாவட்ட ஆட்சித்தலைவர் வே.சரவணன் , முசிறி சட்டமன்ற உறுப்பினர் ந.தியாகராஜன், மண்டல குழு தலைவர் மு.மதிவாணன், பள்ளிக்கல்வி இயக்குநர் முனைவர் ச.கண்ணப்பன், தொடக்கக் கல்வி இயக்குநர் முனைவர் பூ.ஆ.நரேஷ், இணை இயக்குநர்கள் திருமதி.சசிகலா, ராஜேந்திரன், சாமிநாதன், மாமன்ற உறுப்பினர் கே.பன்னீர்செல்வம், அரசு அலுவலர்கள், ஆசிரியர்கள், தலைமையாசிரியர்கள் கலந்து கொண்டனர்.