நகராட்சி நிருவாகத்துறை அமைச்சர் கே.என்.நேரு, பள்ளிக் கல்வித்துறை அமைச்சர் அன்பில் மகேஷ் பொய்யாமொழி ஆகியோர் நேற்று (06.07.2025) திருச்சிராப்பள்ளி தேசியக் கல்லூரி மேல்நிலைப்பள்ளி மைதானத்தில் பள்ளிக் கல்வித்துறையின் சார்பில் நடைபெற்ற விழாவில், அறிஞர் அண்ணா தலைமைத்துவ விருது மற்றும் ரூபாய் 10 இலட்சம் ஊக்கத்தொகையுடன் தலைமையாசிரியர்களுக்கு கேடயம் மற்றும் பாராட்டுச் சான்றிதழ்களை வழங்கினார்கள். இந்நிகழ்வில், பள்ளிக் கல்வித்துறை அரசு முதன்மைச் செயலாளர் மரு.ப.சந்தர மோகன், மாவட்ட ஆட்சித்தலைவர் வே.சரவணன், முசிறி சட்டமன்ற உறுப்பினர் ந.தியாகராஜன், மண்டல குழு தலைவர் மு.மதிவாணன், பள்ளிக்கல்வி இயக்குநர் முனைவர் ச.கண்ணப்பன், தொடக்கக் கல்வி இயக்குநர் முனைவர் பூ.ஆ.நரேஷ், அரசு அலுவலர்கள், ஆசிரியர்கள், தலைமையாசிரியர்கள் கலந்து கொண்டனர்.