கரூர், ஜூலை 7 –
கரூரில் வரும் 9ம் தேதி நடைபெறும் அரசு நலத்திட்ட உதவிகள் வழங்கும் விழா, இளைஞர் அணி நிர்வாகிகள் ஆலோசனை கூட்டம், பூத் கமிட்டி நிர்வாகி கள் கூட்டத்தில் இளைஞரணி செயலாளரும், துணை முதலமைசரு மான உதயநிதி ஸ்டாலின் அவர்கள் பங்கேற்கிறார். என கரூர் மாவட்ட செயலாளர் வி.செந்தில் பாலாஜி எம்.எல்.ஏ. தெரிவித்தார்.
கரூர் மாவட்ட கழக செயலாளர், சட்டமன்ற உறுப்பினர் வி. செந்தில் பாலாஜி நேற்று கரூர் திருமா நிலையூரில் புதிய பேருந்து நிலையத்தை பார்வையிட்டார். கரூர் மாவட்டகலெக்டர் மீ. தங்கவேல் மற்றும் அதிகாரிகளுடன் ஆலோசனை நடத்தினார். எம்எல்ஏக்கள் ஆர். இளங்கோ, க. சிவகாமசுந்தரி, மாநகராட்சிமேயர் கவிதா கணேசன், துணை மேயர் தாரணி சரவணன், டிஆர்ஓ ம.கண்ணன், ஆணையர் சுதா, கரூர் ஆர்டிஓ முகமது பைசல் மற்றும் மாமன்ற உறுப்பினர்கள் கலந்து கொண்டனர்.
பின்னர் ராயனூர் தளபதி திடலில் பூத் கமிட்டி நிர்வாகிகள் ஆலோசனை கூட்டம் நடைபெற உள்ளதை முன்னிட்டு வி.செந்தில் பாலாஜி இடத்தை பார்வையிட்டார்.
அதன்பிறகு செய்தியாளருக்கு பேட்டியளித்தார். அவர் கூறியதாவது-
முதலமைச்சர் மு.க. ஸ்டாலின் அவர்களின் ஆலோசனைக்கிணங்க, துணை முதலமைச்சரும், கழக இளைஞரணி செயலாளருமான உதயநிதி ஸ்டாலின் அவர்கள் மாவட்டம் தோறும் நலத்திட்ட பணிகளை தொடங்கி வைத்தும் ஆய்வு செய்தும் வருகின்றார்கள். அந்த வகையில் வருகிற 9ம் தேதி காலை 10 மணிக்கு கரூர் மாவட்ட ஆட்சியர் அலுவலக வளாகத்தில் துறை சார்ந்த ஆலோசனைக் கூட்டம் நடைபெறுகின்றது. அந்த ஆய்வுக் கூட்டத்தில் துணை முதலமைச்சர்
உதயநிதி ஸ்டாலின் அவர்கள் பங்கேற்கிறார்கள் .
அதன் பின்னர் காலை 9:15 மணிக்கு கரூர் பிரேம் மஹாலில் இளைஞர் அணி மாவட்ட, மாநகர, பகுதி, ஒன்றிய, நகர, பேரூர் அமைப்பாளர்கள், துணை அமைப்பாளர்கள் ஆலோசனை கூட்டத்தில் பங்கேற்று சிறப்புரை யாற்றுகிறார்கள். மாலை 4.30 மணியளவில் கரூர் திருமாநிலையூர்
புதிய பேருந்து நிலையத்தை திறந்து வைத்தும், புதிய பேருந்து நிலைய வளாகத்தில் நடைபெறும் விழாவில் அரசு நலத்திட்ட உதவிகளை தொடங்கி வைத்தும், அரசு நலத்திட்ட உதவிகளை வழங்கியும் சிறப்புரை ஆற்ற உள்ளார்கள். மாலை 5.30 மணிக்கு ராயனூர் தளபதி திடலில் நடைபெற இருக்கின்ற கரூர் மாவட்ட நான்கு சட்டமன்ற தொகுதிகள் சேர்ந்த பூத் கமிட்டியினர், நிர்வாகிகள் உள்ளடக்கிய டிஜிட்டல் பூத் ஏஜென்டுகள், இளைஞர் அணி, மகளிர் அணி என 16ஆயிரம் நிர்வாகிகள் உள்ளடக்கிய பிரம்மாண்ட கூட்டத்தில் கலந்து கொண்டு சிறப்புரை யாற்றுகின்றார்கள். மிகச் சிறப்போடும் எழுச்சியோடும் விழா பேருரை ஆற்ற இருக்கின்றார்கள். வருகின்ற 2026 சட்டமன்ற தேர்தலில் பெரிய அளவில் மாற்றத்தை ஏற்படுத்துகின்ற வகையில், இந்த கூட்டம் மிகச் சிறப்பாக நடைபெற இருக்கின்றது. மாபெரும் வெற்றியை கழகத்தினுடைய தலைவர், முதலமைச்சர் மு.க. ஸ்டாலின் அவர்களின் கரங்களில் ஒப்படைக்ககூடிய அளவிற்கு, திருப்பு முனைக் கூட்டமாக அமைய இருக்கிறது. கூட்டம் நிறைவுபெற்றதும் 16000 நிர்வாகி களுக்கு அசைவ விருந்து அளிக்கப்பட இருக்கின்றது. அதற்கான ஏற்பாடுகள் முழு வீச்சில் நடைபெற்று வருகின்றன. வரலாற்றுச் சிறப்புமிக்க நிகழ்வாக வருகின்ற 2026 சட்டமன்ற தேர்தலில் ஏற்கனவே அடைந்ததை விட மாபெரும் வெற்றியை பெருகின்ற அளவிற்கு திருப்புமுனை கூட்டமாக அமைய இருக்கிறது.
கழகத் தலைவர் மு.க. ஸ்டாலின் அவர்களால் தொடங்கப்பட்ட ஓரணியில் தமிழ்நாடு உறுப்பினர் சேர்ப்பு முன்னெடுப்பில்
உறுப்பினர் சேர்க்கை கரூர் மாவட்டத்தில் 1055 வாக்குச்சாவடிகளிலும், 82 ஆயிரம் புதிய உறுப்பினர்கள் கழகத்தில் இணைந்துள்ளனர். இது ஒரு வரலாற்றுச் சிறப்புமிக்க நிகழ்வாக, அனைத்து மாவட்டங்களையும் விட கரூர் மாவட்டம் முன்னணியில் இருக்கின்ற வகையில், பணிகள் நடைபெற்று வருகின்றன. அனைத்து வாக்குச்சாவடி பகுதிகளும் வீடு வீடாக சென்று ஒன்றிய அரசு செய்துவரும் துரோகங் களையும், கழக அரசு செய்த சாதனைகள், சாதனை திட்டங்களை விளக்கி கூறியும், சிறப்பாக பணியாற்றி வருகின்றனர். மக்கள் மத்தியில் நல்ல வரவேற்பு உள்ளது.
தங்களது ஆட்சியில் ஒரு திட்டத்தை கூட உருப்படியாக நிறைவு செய்ய முடியாமல் தொடர்ந்து அவதூறு பரப்பி கொண்டு வருகின்றனர்.
நெரூர் உண்ணியூர் பாலம் 10 ஆண்டுகளாக கிடப்பில் இருந்தது. கடந்த ஆட்சியில் நிறைவேற்ற வில்லை. புதிய பேருந்து நிலையம் கொண்டு வரவில்லை. அதற்கு தடையும் போட்டார்கள். புதிய வேளாண்மை கல்லூரி, தரகம்பட்டி கல்லூரிக்கு புதிய கட்டிடம், சிப்காட், சிட்கோ என எண்ணற்ற திட்டங்களை தமிழக முதல்வர் அவர்களிடம் கேட்டுப் பெற்று துணை முதல்வர் உதயநிதி ஸ்டா லின் அவர்கள் வழங்கிக் கொண்டிருக்கிறார்கள். வேலையில்லாதவர்கள் எதையாவது சொல்லிக் கொண்டிருக்கிறார்கள். கலெக்டரிடம் போய் ஒரு மனு கொடுப்பது, அதை செய்தியாக கொடுப்பது செய்தி வரவில்லை என்றால் செய்தி போட சொல்லி கேட்பது. இதுதான் அவரது வேலை. அவர்கள் ஆட்சியில் நிறைவு பெற்ற திட்டங்களை கூற முடியாததால் இதுபோன்று திசை திருப்பிக் கொண்டிருக்கிறார்கள். 2026 சட்டமன்றத் தேர்தலில் கரூர் மாவட்டத்தில் நான்கு தொகுதிகளிலும் முன்பு பெற்றதை விட மாபெரும் வெற்றி பெறுவோம் இது உறுதி. உறுப்பினர் சேர்க்கை, அரசு நலத்திட்ட பணிகளை நிறைவேற்றுவது என நமக்கு நிறைய வேலைகள் இருக்கிறது. அந்த பணிகளை கவனிப்போம். வேலையில்லாதவர்கள் எதையாவது செய்து கொண்டிருக்கிறார்கள். அதைப்பற்றி கவலை இல்லை.
இவ்வாறு அவர் கூறினார்.