கழகத்தலைவர் – முதலமைச்சர் அவர்களின் வழிகாட்டுதலின்படி, சமூக வலைத்தளப் பணிகளை ஒருங்கிணைக்கும் விதமாக தி.மு.க. இளைஞர் அணி சார்பில் கழக மாவட்டத்துக்கு ஒரு துணை அமைப்பாளர்கள் நேர்காணல் செய்யப்பட்டு உரிய பரிந்துரையின் மூலம் நியமிக்கப்பட்டு வருகிறார்கள். அந்த வகையில், இளைஞர் அணி மண்டலம் – 2–க்குட்பட்ட திருவள்ளூர் கிழக்கு – மத்திய – மேற்கு, கள்ளக்குறிச்சி வடக்கு – தெற்கு, விழுப்புரம் வடக்கு – மத்திய – தெற்கு, கடலூர் மேற்கு ஆகிய கழக மாவட்டங்களில் சமூக வலைத்தளத்துக்கென நியமிக்கப்பட்டுள்ள மாவட்டத் துணை அமைப்பாளர்கள் கழக இளைஞர் அணிச் செயலாளர் துணை முதலமைச்சர் அவர்களை நேற்று முன்தினம் நேரில் சந்தித்து வாழ்த்துப் பெற்றனர். கழக இளைஞர் அணி மாநில துணைச் செயலாளர் அப்துல் மாலிக் மற்றும் மண்டலம்–2–க்குட்பட்ட மாவட்ட அமைப்பாளர்கள் உடன் இருந்தனர்.