சென்னை, ஜூலை 7–

‘‘தள்­ளாத வய­தி­லும் மொழி உணர்­வைப் பரப்­பிட ஓயாதுநடை­ப­ய­ணம் மேற்­கொண்­ட­வர்’’ என்று திரா­வி­டர் கழ­கத் தலை­வர் கி.வீர­மணி அவர்­கள் பெருங்­க­விக்கோ வா.மு. சேது­ரா­மன் மறைவு குறித்து வெளி­யிட்­டுள்ள இரங்­கல் செய்­தி­யில் கூறி­யுள்­ளார்.

இது குறித்து அவர் விடுத்­துள்ள இரங்­கல் செய்­தி­யில் கூறி­யி­ருப்­ப­தா­வது:–

பெருங்­க­விக்கோ என்றநாட­றிந்த புல­வர் பெரு­மகன்வா.மு.சேது­ரா­மன் (வயது 91) நேற்­றி­ரவு (4.7.2025) மறை­வுற்­றார் (1935–2025) என்ற தக­வல் அறிந்து பெரி­தும் வருந்­து­கி­றோம்.

எளிய குடும்­பத்­தில் பிறந்து, தன்­னி­க­ரற்ற தனி முயற்­சி­யால் தமிழ் வித்­து­வான், முது­கலை, சென்­னைப் பல்­க­லைக் கழ­கத்­தில் முனை­வர் பட்­டம்பெற்­ற­வர். தமி­ழா­சி­ரி­ய­ரா­கப் பணி­யாற்றி ஓய்வு பெற்­ற­வர். பணி­யில் ஓய்வு பெற்­றா­லும் தமிழ்ப் பணி­யில் ஓய்வு பெற்­றா­ரில்லை.

‘தமிழ்ப்­பணி’ என்­னும் மாத இத­ழை­யும் நடத்தி வந்­த­வர்.அவ­ரது அரும் பணிக்­காக தமிழ்­நாடு அர­சால் ‘கலை­மா­மணி’, ‘திரு­வள்­ளு­வர் விரு­து’­க­ளைப் பெற்­ற­வர். கவிதை, காவி­யம், நாட­கங்­கள் என்று எண்­ணற்ற நூல்­களை எழுதி உள்­ளார்.

தள்­ளாத வய­தி­லும் மொழி உணர்­வை­யும், இன­வு­ணர்­வை­யும்பரப்­பும் வகை­யில் ஓயாது நடை பய­ணம் மேற்­கொண்­ட­வர்.

தமிழ்­நாட்­டில் மட்­டுமல்ல;உல­கின் பல­ நா­டு­க­ளை­யும் சுற்றி தமிழ்த் தொண்­டாற்­றி­ய­வர். சில மாதங்­­களுக்கு முன்­பு­தான் அவ­ரின் 90ஆம் ஆண்டு பிறந்த நாள் விழா பெரி­யார் திட­லில் சிறப்­புடன் நடத்­தப்­பெற்று, நாமெல்­லாம் கலந்து கொண்டு, வாழ்த்தி மகிழ்ச்­சி­யுற்­றோம். சென்னை பெரி­யார் திட­லில் நடக்­கும்நமது எல்லா நிகழ்ச்­சி­க­ளிலும்முதல் வரி­சை­யில் அமர்ந்து அக மகிழ்ந்­த­வர். அவ­ருக்கு நான்கு மகன்­கள், ஒரு மகள் உண்டு. அனை­வ­ரும் உயர் தனிக் கல்வி பெற்று உள்­நாட்­டி­லும், வெளி­நாட்­டி­லும் பெரும்பணி­க­ளில் சிறப்­பாக வாழ்­கின்­ற­னர். அவர் மறை­வால் பெருந் துய­ரத்­திற்கு ஆளா­கி­யி­ருக்­கும் அவர்­க­ளின் அரு­மைக் குடும்­பத்­தி­ன­ருக்­கும், உற்­றார் உற­வி­னர்­க­ளுக்­கும், உல­கமே தழு­விய நண்­பர்­க­ளுக்­கும், தமிழ் அன்­பர்­களுக்­கும் திரா­வி­டர் கழ­கத்­தின் சார்­பில் ஆழ்ந்த இரங்­­ கலை­யும், ஆறு­த­லை­யும்தெரி­வித்­துக் கொள்­கி­றோம்.

இவ்­வாறு திரா­வி­டர் கழ­கத் தலை­வர் கி.வீர­மணி அவர்­கள் தமதுஅறிக்­கை­யில் கூறி­யுள்­ளார்.