1. பள்ளி போக்­கு­வ­ரத்து வாக­னங்­களை முறை­யாக ஆய்வு செய்­கி­றதா ஒன்­றிய அரசு?

திமுக துணை பொதுச் செய­லா­ளர் திருச்சி சிவா கேள்வி

பள்ளி போக்­கு­வ­ரத்­தின்பாது­காப்பு மற்­றும் ஒழுங்­கு­மு­றையை உறுதி செய்­யும் சீரான ஒழுங்­கு­முறை சட்­டங்­கள் இல்லை என்­பது குறித்து திமுக துணை பொதுச் செய­லா­ளர் திருச்சி சிவா மாநி­லங்­க­ல­வை­யில் கேள்வி எழுப்­பி­யுள்­ளார்.

வாக­னங்­க­ளின் தர­நிலை, ஓட்­டு­நர் தகு­தி­கள் மற்­றும் பய­ணி­கள் வரம்­பு­கள் குறித்த வரம்­பு­களை பள்­ளி­கள் சரி­யாக பயன்­ப­டுத்­து­கின்­ற­னவா? அதற்­கான ஆய்­வு­களை ஒன்­றிய அரசு முறை­யாக செய்­கி­றதா என அவர் கேட்­டுள்­ளார்.

பள்ளி பகு­தி­க­ளில் வேகத் தடை­கள், அறி­விப்பு பல­கை­களை நிறு­வு­தல் உள்­ளிட்ட விரி­வான பள்ளி பகுதி பாது­காப்பு தர­நி­லை­களை அர­சிட இருக்­கும் திட்­டங்­கள் என்ன என­வும் அவர் கேட்­டுள்­ளார்.

2. ஆதார் அட்டை பயோ­மெட்­ரிக்­கில் தொட­ரும் சிக்­கல்­கள் தவிக்­கும் பய­னா­ளி­கள்.. தீர்­வில் தாம­தம் ஏன்?

திமுக துணை பொதுச் செய­லா­ளர் ஆ. இராசா குற்­றச்­சாட்டு

ஆதார் அட்­டை­க­ளின் பயோ­மெட்­ரிக் சரி­பார்ப்­பில் எழும் சிக்­கல்­கள் குறித்து திமுக துணை பொதுச் செய­லா­ளர் ஆ. இராசா மக்­க­ள­வை­யில் கேள்வி எழுப்­பி­யுள்­ளார்.

பயோ­மெட்­ரிக் சரி­பார்ப்­பில் அனு­மதி இல்­லா­த­தால் பல்­வேறு திட்­டங்­க­ளின் கீழ் உண்­மை­யான பய­னா­ளி­க­ளின் மனுக்­கள் நிரா­க­ரிக்­கப்­ப­டு­கின்­றன என்று அவர் குற்­றம் சாட்­டி­யுள்­ளார்.

மங்­க­லான கைரே­கை­கள் மற்­றும் பழைய சரி­பார்ப்பு கரு­வி­யின் கோளா­று­க­ளால் பெண்­கள் மற்­றும் மூத்த குடி­மக்­கள் அதி­கம் பாதிக்­கப்­ப­டு­கின்­ற­னர் என்­ப­தால் அவற்றை சரி­செய்ய அரசு உட­னடி நட­வ­டிக்கை எடுக்க வேண்­டும் என குறிப்­பிட்­டுள்­ளார்.

3. பெரம்­ப­லூ­ரில் இர­யில்வே முன்­ப­திவு மையம் அமைத்­தி­டுக!

பெரம்­ப­லூர் அருண் நேரு கோரிக்கை

பெரம்­ப­லூ­ரில் கணி­னி­ம­ய­மாக்­கப்­பட்ட இர­யில் பய­ணி­கள் முன்­ப­திவு மையம் (PRS) இல்­லா­த­த­தால் மக்­கள் பிற மாவட்­டங்­க­ளுக்கு சென்று முன்­ப­திவு செய்து சிர­மப்­ப­டு­வதை சுட்­டிக்­காட்டி நாடா­ளு­மன்­றத்­தில் திமுக பெரம்­ப­லூர் மக்­க­ளவை தொகுதி உறுப்­பி­னர் அருண் நேரு கேள்வி எழுப்­பி­யுள்­ளார்.

கடந்த ஐந்து ஆண்­டு­க­ளில் பெரம்­ப­லூ­ரில் முன்­ப­திவு மையம் அமைக்­கக் கோரி பொது­மக்­க­ளி­டம் இருந்து பெறப்­பட்ட மனுக்­க­ளின் எண்­ணிக்கை மற்­றும் அவற்­றின்­மீது எடுப்­பட்ட நட­வ­டிக்கை என்ன என்று கேட்­டுள்ள அருண் நேரு, விரை­வில் ஒன்­றிய அரசு ஆய்­வு­கள் நடத்தி பெரம்­ப­லூ­ரில் ஒரு முன் பதிவு மையத்தை நிறுவ வேண்­டும் என கோரிக்கை வைத்­துள்­ளார்.

4. இர­யில்வே லெவல் கிரா­ஸிங்­க­ளில் விபத்­து­களை தடுக்க துரித நட­வ­டிக்கை

வேலூர் கதிர் ஆனந்த் கேள்வி

அதி­க­ரித்து வரும் இர­யில் போக்­கு­வ­ரத்து மற்­றும் சாலை வாக­னப் போக்­கு­வ­ரத்து கார­ண­மாக வேலூர் மக்­க­ள­வைத் தொகுதி, காட்­பாடி அருகே லத்­தேரி ரயில் நிலைய லெவல் கிரா­சிங்­கில் விபத்து அபா­யம் இருப்­பதை சுட்­டிக்­காட்டி அதற்கு தக்க பாது­காப்பு நட­வ­டிக்கை எடுக்க வேண்­டும் என வேலூர் திமுக மக்­க­ளவை உறுப்­பி­னர் கதிர் ஆனந்த் கோரிக்கை வைத்­துள்­ளார்.

தமிழ்­நாடு முழு­வ­தும் இன்­டர்­லாக் செய்­யப்­ப­டாத லெவல் கிரா­சிங்­கு­க­ளில் அதிக விபத்­து­கள் நடக்­கின்­றன என்­றும் அவற்றை தடுக்க ஒரு ROB அல்­லது RUB கட்­டு­வ­தன் மூலம் லெஅல் க்ராஸிங்கை அகற்ற முடி­யும் என்­றும் அவர் கூறி­யுள்­ளார். மேலும் தேசிய நெடுஞ்­சாலை–75 இல் காட்­பாடி சந்­திப்­பில் உள்ள சாலை – ரயில் பாலத் திட்­டத்­தின் நிலை, அதற்கு ஒதுக்­கப்­பட்ட நிதி, டெண்­டர் இறுதி செய்­யும் தேதி மற்­றும் கட்டி முடிக்­கப்­பட இருக்­கும் தேதி குறித்­தும் கேட்­டுள்­ளார்.

5. சரக்கு இர­யில்­க­ளின் வேகத்தை அதி­கப்­ப­டுத்த நட­வ­டிக்கை

வட­சென்னை கலா­நிதி வீரா­சாமி கோரிக்கை

சரக்கு இர­யில்­கள் மற்­றும் புற­ந­கர் பய­ணி­கள் இர­யில்­க­ளின் வேகத்தை அதி­கப்­ப­டுத்­தும் மிஷன் ரப்­தார் திட்­டத்­தின் கீழ் தமிழ்­நாட்­டில் தேர்ந்­தெ­டுக்­கப்­பட்ட வழித்­த­டங்­கள் குறித்து வட­சென்னை மக்­க­ளவை உறுப்­பி­னர் டாக்­டர் கலா­நிதி வீரா­சாமி கேள்வி எழுப்­பி­யுள்­ளார்.

வடக்கு மற்­றும் மேற்கு மண்­ட­லங்­க­ளு­டன் ­

சென்­னை–­­ம­துரை, சென்­னை–­­கோவை மற்­றும் திருச்­சி­ராப்­பள்­ளி –­­ரா­மேஸ்­வ­ரம் போன்ற தமிழ்­நாட்­டின் முக்­கிய நெரி­ச­லான வழித்­த­டங்­க­ளில் போக்­கு­வ­ரத்­திற்கு இடைஞ்­சல் இல்­லா­மல் ஒன்­றிய அமைச்­ச­கம் இப்­ப­ணியை வேக­மாக முடிக்­க­வேண்­டும் என­வும் கேட்­டுள்­ளார்.

6. தொழில்­நுட்ப பூங்­காக்­களை இரண்­டாம் கட்ட நக­ரங்­க­ளுக்கு மாற்­றுக!

சேலம் செல்­வ­ க­ண­பதி கோரிக்கை

டிஜிட்­டல் வளர்ச்­சி­யின் அடுத்தகட்­டத்தை நோக்கி நகர்­வ­தற்­கேற்ப மென்­பொ ­ருள் தொழி­நுட்ப பூங்­காங்­கள் தங்­களை தக­வ­மைத்து கொள்­வது குறித்து திமுக சேலம் மக்­க­ளவை உறுப்­பி­னர் செல்­வ­க­ண­பதி நாடா­ளு­மன்­றத்­தில் கேள்விஎழுப்­பி­யுள்­ளார்.

மென்­பொ­ருள்தொழி­நுட்ப பூங்­காங்­கள் தக­வல் தொழில்­நுட்­பம் (IT) மற்­றும் அவை சார்ந்த சேவை­களை இரண்­டாம், மூன்­றாம் கட்ட நக­ரங்­க­ளுக்கு மாற்­று­வதை ஊக்­கு­விக்க வேண்­டும் என வலி­யு­றுத்தி இருக்­கும் அவர் இதற்­காக அரசு சுமார் 17 லட்­சம் சதுர அடி இடத்தை அரசு ஒதுக்­கி­யுள்­ளது என்­பது குறித்த தக­வல்­க­ளை­யும் கேட்­டுள்­ளார். மேலும் நாடு முழு­வ­தும் ஒன்­றிய அரசு உரு­வாக்­கி­யுள்ள 24 தொழில்­மு­னை­வோர் மையங்­களை குறித்­தும் கேள்விஎழுப்­பி­யுள்­ளார்.