பழம்பெரும் நடிகை திருமதி எம்.என்.ராஜம் அவர்கள் தனது 90–வது பிறந்தநாளையொட்டி நாளிதழுக்கு அளித்த பேட்டி ஒன்றில், முதலமைச்சர் அவர்களை சந்திக்க விரும்புவதாக தெரிவித்திருந்தார். அவரது விருப்பத்தை நிறைவேற்றிடும் வகையில் முதலமைச்சர் மு.க.ஸ்டாலின் அவர்கள் நேற்று முன்தினம் (6.8.2025) சென்னை, அடையாறிலுள்ள பழம்பெரும் நடிகை திருமதி எம்.என்.ராஜம் அவர்களின் இல்லத்திற்கு நேரில் சென்று, பிறந்தநாள் வாழ்த்து தெரிவித்து, பேசினார். இந்நிகழ்வின்போது, திருமதி துர்கா ஸ்டாலின், மருத்துவம் மற்றும் மக்கள் நல்வாழ்வுத் துறை அமைச்சர் மா. சுப்பிரமணியன், தமிழ்நாடு வீட்டுவசதி வாரியத்தின் தலைவர் பூச்சி எஸ்.முருகன், திருமதி எம்.என். ராஜம் அவர்களின் மகன் பிரம்ம லஷ்மன் மற்றும் அவரது குடும்பத்தினர் உடனிருந்தனர்.