சென்னை, ஆக.8–

சென்னை கம்பன் கழகத்தின் சார்பில், ‘பொலிவுமிகு பொன்விழா நிறைவு’, ‘கம்பன் விழா–51’ ஆகிய நிகழ்வுகள் சென்னை மயிலாப்பூர் ஏ.வி.எம். ராஜேஸ்வரி கல்யாணமண்டபத்தில் இன்று (8–ஆம் தேதி) முதல் 10–ஆம் தேதி வரை 3 நாட்கள் நடைபெற உள்ளது. இன்று மாலை 5 மணிக்கு தொடங்கும் ‘பொலிவுமிகு பொன்விழா நிறைவு’ நிகழ்ச்சிக்கு முதல்–அமைச்சர் மு.க. ஸ்டாலின் தலைமை தாங்குகிறார்.

சென்னை கம்பன் கழகத்தின் தலைவர் எஸ்.ஜெகத்ரட்சகன் எம்.பி. வரவேற்கிறார். தெ.ஞான சுந்தரம், சாரதா நம்பி ஆரூரன், பழ.பழநியப்பன், சுகிசிவம், இலங்கை ஜெயராஜ் ஆகியோருக்கு ‘இயற்றமிழ் அறிஞர்’ என்ற விருதி னையும், திரைப்பட பாடலாசிரியர் கவிப்பேரரசுவைரமுத்துக்கு சென்னை ஆழ்வார்கள் ஆய்வு மையம் நிறுவிய ‘கவிச் சக்கரவர்த்தி கம்பர்’ விருதையும், முதலமைச்சர் மு.க. ஸ்டாலின் அவர்கள் வழங்கி பேசுகிறார். இதையடுத்து விருது பெற்றவர்களை கவிப்பேரரசு வைரமுத்து வாழ்த்தி பேசுகிறார்.

இதேபோல தமிழ் இலக்கியத் துறைக்குகளப்பணி செய்துவரும் 19 பேருக்கும்,மாநில அளவிலான இலக்கிய போட்டிகளில் வெற்றி பெற்ற மாணவர்களுக்கும் பரிசுகள் வழங்கப்பட உள்ளன. இதனைத் தொடர்ந்து 9–ஆம் தேதியன்று, கம்பன் படைத்த ‘விருத்த சோலை யில் வியப்பு மலர்கள்’ என்ற கருப்பொருளைமையமாக கொண்டு இந்த ஆண்டு விழா தொடங்குகிறது. ‘அமிழ்தக் கம்பன் ஆய்வுரை அரங்கம்’, ‘முத்தமிழ்க் கம்பன் மொழி மாலை அரங்கம்’ என்ற தலைப்புகளில்நிகழ்ச்சிகள்நடைபெற உள்ளன.