சென்னை, ஆக.8–
திராவிட முன்னேற்றக் கழகத்தின் நீண்டகால உறுப்பினரும், கழகத்தின் வளர்ச்சிக்காகவும், தமிழ்நாடு மின் கழக தொ.மு.ச.வில்தொடக்கக் காலத்திலிருந்து சங்கத்திற்காக பாடுபட்டவரும், அச்சங்கத்தின் தலைவராகவும், பொதுச் செயலாளராகவும் பணியாற்றி, மின் கழக தொ.மு.ச. வளர்த்ததில் பெரும் பங்கு வகித்தவரும், தொ.மு.ச. பேரவையின் நீண்ட காலம் துணைத்தலைவராக பணியாற்றிவரும், தொ.மு.ச. பேரவையின் அதிகாரபூர்வ மாத இதழாக வெளிவந்து கொண்டிருக்கும் “உழைப்பாளி” மாத இதழின்ஆசிரியராக பணியாற்றியவருமான இரெ. கோவிந்தசாமி அவர்கள் 07.08.2025 அன்று காலை மறைவெய்தினார் என்பதை அறிவிக்க வருந்துகிறோம்.
அன்னாரின் இறுதி ஊர்வலம் இன்று (08.08.2025) சென்னை, மேற்கு தாம்பரம், ரமேஷ் நகர், எண். 8, 3வது குறுக்கு தெருவிலிருந்து புறப்பட்டு நல்லடக்கம் செய்யப்படுகிறது.
அவருடைய குடும்பத்தாருக்கும், அவரோடு பணியாற்றிய தொழிற்சங்க நண்பர்களுக்கும், தொ.மு.ச. பேரவை ஆழ்ந்த
இரங்கலைத் தெரிவித்துக் கொள்கிறது.
பல்லாவரம் சட்டமன்ற தொகுதி சார்பில் குரோம்பேட்டை பேருந்து நிலையம் அருகில் முத்தமிழறிஞர் கலைஞர் அவர்களின் நினைவு நாளை முன்னிட்டு பூக்களால் அலங்கரித்து வைக்கப்பட்ட திருவுருவப்படத்திற்கு மாவட்டக் கழக துணைச் செயலாளர் இ.கருணாநிதி எம்.எல்.ஏ மாலை அணிவித்து மலர் தூவி மரியாதை செலுத்தினார். அப்பொழுது மண்டலத் தலைவர் பகுதி கழகச் செயலாளர் இ.ஜோசப் அண்ணாதுரை, பகுதி கழகச் செயலாளர்கள் இ.எஸ்.பெர்னார்ட், ஏ.கே.கருணாகரன், பகுதி கழக நிர்வாகிகள், வட்டக் கழகச் செயலாளர்கள், மாமன்ற உறுப்பினர்கள் ஆகியோர் உடன் இருந்தனர்.