சென்னை,ஆக.8–

சென்னை கலை­வா­ணர் அரங்­கத்­தில், நெச­வா­ளர்­க­ளைப் போற்­று­கிற வகை­யில், நடை­பெற்ற தேசிய கைத்­தறி திரு­வி­ழா­வில் துணை முத­ல­மைச்­சர் உத­ய­நிதி ஸ்டாலின் கலந்­து­கொண்­டார்.

விழா­வில், தமிழ்­நாட்­டில் சிறப்­பாக செயல்­ப­டும் கைத்­தறி நெச­வா­ளர்­க­ளுக்கு விரு­து­க­ளும், நெச­வா­ளர்­கள் மற்­றும் அவர்­க­ளது குடும்­பத்­தி­ன­ருக்கு நலத்­திட்ட உத­வி­க­ளை­யும் துணை முத­ல­மைச்­சர் உத­ய­நிதி ஸ்டாலின் வழங்­கி­னார்.

அப்­போது அவர் திரா­விட மாடல் அரசு என்­றும் நெச­வா­ளர்­க­ளுக்­குத் துணை நிற்­கும் என்று வாழ்த்­திப் பேசி­னார்.

இவ்வி­ழா­வில் துணை முத­ல­மைச்­சர் உத­ய­நிதி ஸ்டாலின் அவர்கள் ஆற்­றிய சிறப்­பு­ரை­ வரு­மாறு:

கைத்­தறி மற்­றும் துணி நூல் துறை­யின் சார்­பாக நடை­பெ­று­கிற 11–வது தேசிய கைத்­தறி நாள் விழா­வில் பங்­கேற்று, உங்­க­ளை­யெல்­லாம் ஒரே இடத்­தில் சந்­திப்­ப­தில் மிகுந்த பெரு­மை­யும் மகிழ்ச்­சி­யும் அடை­கி­றேன்.

இந்த நிகழ்ச்­சியை மிகச்­சி­றப்­பாக ஏற்­பாடு செய்­துள்ள மாண்­பு­மிகு அமைச்­சர் அண்­ணன் காந்தி அவர்­க­ளுக்­கும் மற்­றும் துறை­யின் அனைத்து அதி­கா­ரி­க­ளுக்­கும் எனது பாராட்­டு­க­ளை­யும், வாழ்த்­து­க­ளை­யும் தெரி­வித்­துக் கொள்­கி­றேன்.

துயர் துடைத்த இயக்­கம்

இருக்க இடம், உண்ண உணவு, உடுத்த உடை என்­பது ஒவ்­வொரு மனி­த­னுக்­கும் அத்­தி­யா­வ­சிய தேவை என்­பதை நீங்­கள் அறி­வீர்­கள். அதில் உடுத்த உடை என்ற தேவை­யைப் பூர்த்தி செய்து வரு­கின்ற நெச­வா­ளர்­க­ளுக்­கும், திரா­விட இயக்­கத்­துக்­கும் இடை­யே­யான உறவு நேற்­றைக்கு இன்­றைக்கு உரு­வா­னது இல்லை. குறிப்­பாக, 70 ஆண்­டு­க­ளுக்கு முன்பே, நெச­வா­ளர்­க­ளின் துயர் துடைப்­ப­தற்­காக, களத்­தில் நின்ற வர­லாறு நம் கழ­கத்­திற்கு உண்டு. 1953–ஆம் ஆண்­டில் தேங்­கிக் கிடந்த கைத்­த­றித் துணி­களை பேர­றி­ஞர் அண்ணா அவர்­கள் தெருத்­தெ­ரு­வா­கச் சென்று விற்­பனை செய்­தார்.

இங்கு சென்­னை­யில் நம் முத்­த­மி­ழ­றி­ஞர் கலை­ஞர் அவர்­கள் ஒரு நாள் முழு­வ­தும் விற்­பனை செய்­தார். அன்­றைக்கு அண்ணா, கலை­ஞ­ரின் தம்­பி­கள் எல்­லாம் சேர்ந்து ஒரே நாளில் விற்­பனை செய்த தொகை மொத்­தம் ஒரு லட்­சம் ரூபாய். அந்த காலத்­தில் இது மிகப்­பெ­ரிய தொகை. அன்­றைய ஒரு லட்ச ரூபாயை இன்­றைய பண­ம­திப்­பில் மதிப்­பிட்­டால், அதன் மதிப்பு இன்­றைக்கு 5 கோடி ரூபாய்.

நெச­வா­ளர்­க­ளின் வாழ்க்கை

இதில் சென்­னை­யில் கலை­ஞர் அவர்­கள் மட்­டும் 20 ஆயி­ரம் ரூபாய்க்கு கைத்­த­றித் துணி­களை விற்­பனை செய்­தார். நெச­வா­ளர்­க­ளின் வாழ்க்கை நிலை, அவர்­க­ளின் கவ­லை­களை முற்­றி­லும் உணர்ந்­த­வ­ராக முத்­த­மி­ழ­றி­ஞர் கலை­ஞர் அவர்­கள் இருந்­தார்­கள். அத­னால்­தான் கலை­ஞர் அவர்­கள் ஆட்­சிப்­பொ­றுப்­புக்கு வந்­த­போ­தெல்­லாம் நெச­வா­ளர்­க­ளின் வாழ்வை மேம்­ப­டுத்­து­வ­தற்­கான பல்­வேறு திட்­டங்­களை, ஒவ்­வொரு முறை­யும் தந்­தார்­கள்.

இன்­றைக்கு தமிழ்­நாட்­டில் சுமார் 2 லட்­சம் கைத்­த­றி­கள் இருக்­கின்­றன. 2.5 லட்­சம் நெச­வா­ளர்­கள் அவற்­றில் பணி­யாற்­று­கி­றீர்­கள். கைத்­த­றி­க­ளின் எண்­ணிக்கை அடிப்­ப­டை­யில், இந்­தி­யா­வி­லேயே அசாம் மற்­றும் மேற்கு வங்­கத்­திற்­குப் பிறகு இன்­றைக்கு தமிழ்­நாடு மூன்­றா­வது இடத்­தில் இருக்­கி­றது. அதற்கு எனது வாழ்த்­து­கள்.

தமிழ்­நாட்­டில் உற்­பத்­தி­யா­கின்ற கைத்­த­றித் துணி­க­ளுக்கு, இன்று உலக அள­வில், பெரிய வர­வேற்பு இருக்­கி­றது. குறிப்­பாக, நமது காஞ்­சி­பு­ரம் பட்­டுப் புட­வை­கள், கோவை கோலா காட்­டன் புட­வை­கள், பவானி ஜமுக்­கா­ளம், மதுரை சுங்­கு­டிப் புட­வை­கள் உள்­ளிட்ட 10 கைத்­த­றிப்பொருட்­க­ளுக்கு புவி­சார் குறி­யீடு இன்று கிடைத்­தி­ருக்­கி­றது.

1,146 கோடி ரூபாய்

கைக­ளால் உற்­பத்தி செய்­யப்­ப­டு­கின்ற பொருட்­க­ளுக்கு எப்­போ­தும் ஒரு தனி மார்க்­கெட் உண்டு. குறிப்­பாக, கடந்த ஆண்டு மட்­டும் 1,146 கோடி ரூபாய் மதிப்­பி­லான கைத்­த­றிப் பொருட்­கள், தமிழ்­நாட்­டி­லி­ருந்து ஏற்­று­மதி செய்­யப்­பட்­டுள்­ளன. கைத்­தறி நெச­வா­ளர்­க­ளுக்கு நவீன தொழில்­நுட்­பம் சார்ந்த பயிற்­சி­கள், புதிய வடி­வ­மைப்­பு­கள் பற்­றிய விழிப்­பு­ணர்வு போன்­ற­வற்றை ஏற்­ப­டுத்­தி­னால், அவர்­க­ளால் மென்­மே­லும் சாதிக்க முடி­யும். அப்­ப­டிப்­பட்ட அளப்­ப­ரிய பணி­யைத்­தான் நம் கைத்­த­றித் துறை அமைச்­சர் அண்­ணன் காந்தி அவர்­கள் தொடர்ந்து செய்­து­கொண்டு இருக்­கி­றார்.

அது­மட்­டு­மல்ல, அர­சின் இல­வச வேட்டி, சேலை­கள், பள்­ளிக் குழந்­தை­க­ளுக்­கான சீருடை மூல­மா­க­வும் இன்­றைக்குகைத்­தறி நெச­வா­ளர்­க­ளின் வாழ்­வா­தா­ரத்தை, நம் திரா­விட மாடல் அரசு, நம் முத­ல­மைச்­சர் அவர்­கள் உறுதி செய்து வரு­கி­றார்.

குறிப்­பாக, கடந்த 16 ஆண்­டு­க­ளில் இல்­லாத வகை­யில் கடந்த ஆண்டு பொங்­க­லுக்­காக 3 கோடியே 54 லட்­சம் வேட்டி, சேலை­கள் கொள்­மு­தல் செய்­யப்­பட்­டன. இதற்­காக நிலு­வைத் தொகை­யு­டன் சேர்த்து, நெச­வா­ளர்­க­ளுக்கு 150 கோடி ரூபாயை நம் முத­ல­மைச்­சர் அவர்­கள் வழங்கி இருக்­கி­றார்­கள்.

அது­மட்­டு­மல்ல, கைத்­தறி நெச­வா­ளர்­க­ளுக்கு 300 யூனிட் அளவு கட்­ட­ண­மில்லா மின்­சா­ர­மும் நம் மாண்­பு­மிகு முத­ல­மைச்­சர் அவர்­கள் வழங்­கி­கொண்டு இருக்­கி­றார்­கள். நம் கைத்­தறி நெச­வா­ளர்­கள் உற்­பத்தி செய்­யும் பொருட்­கள் கோ–ஆப் டெக்ஸ் மூலம் இன்­றைக்கு லண்­டன், ரஷ்யா, ஆஸ்­தி­ரே­லியா, ஜெர்­மனி போன்ற நாடு­க­ளில் நடந்த சர்­வ­தேச கண்­காட்­சி­க­ளில் காட்­சிப்­ப­டுத்­தப்­பட்டு, நெச­வா­ளர்­க­ளுக்கு உற்­சா­க­மும், உத்­வே­க­மும் தந்து கொண்­டி­ருக்­கி­றது நம் கைத்­த­றித் துறை.

துணை நிற்­போம்!

ஆர­ணி­யில் 44 கோடியே 69 லட்­சம் ரூபாய் செல­வில் கலை­ஞர் நூற்­றாண்டு நினைவு கைத்­த­றிப் பட்­டுப் பூங்கா அமைக்­கப்­படஉள்­ளது. இதற்­கான பணி­கள் வேக­மாக நடை­பெற்று வரு­கின்­றன. தமிழ்­நாட்­டில் 10 இடங்­க­ளில் சிறு கைத்­த­றிப் பூங்­காக்­கள் அமைக்­கப்­ப­டும் என்று நம் முத­ல­மைச்­சர் அவர்­கள் அறி­வித்­தார். அதில் காஞ்­சி­பு­ரம் மற்­றும் திண்­டுக்­கல் மாவட்­டங்­க­ளில் அமைக்­கப்­பட்­டுள்ள சிறு பூங்­காக்­கள் இன்­றைக்கு செயல்­பாட்­டிற்கு வந்­து­விட்­டன. ஆகவே, நம் திரா­விட மாடல் அரசு, நெச­வா­ளர்­க­ளின் முன்­னேற்­ற த்­திற்கு என்­றைக்­கும் துணை நிற்­கும்.

நீங்­கள் சார்ந்து இருக்­கின்ற கைத்­தறி நெச­வா­ளர்­கள் கூட்­டு­றவு சங்­கத்­தின் வளர்ச்­சிக்­குப் பெரு­ம­ள­வில் பங்­காற்­றி­ய­தற்­காக சிறந்த நெச­வா­ளர் விரு­தும், சிறந்த வடி­வ­மைப்­பு­களை உரு­வாக்­கி­ய­தற்­காக சிறந்த வடி­வ­மைப்­பா­ளர் விரு­தும் இன்­றைக்கு வழங்­கப்­ப­டு­கி­றது. விரு­து­களை பெறு­கின்ற அனை­வ­ருக்­கும் பாராட்­டு­க­ளை­யும், வாழ்த்­து­க­ளை­யும் கைத்­தட்­டல்­க­ளின் மூலம் தெரி­வித்­துக் கொள்­வோம்.

தமிழ்­நாட்­டின் கைத்­த­றித் துறை என்­பது மிக மிக பாரம்­ப­ரி­ய­மான ஒரு துறை. இதை மென்­மே­லும் வளர்த்­தெ­டுத்து, நெச­வுத் தொழி­லை­யும், நெச­வா­ளர்­க­ளின் வாழ்­வை­யும் முன்­னேற்­று­வது நம் பொறுப்பு. அந்­தப் பணியை நாம் அனை­வ­ரும் ஒன்­றி­ணைந்து மேற்­கொள்­வோம் என்று சொல்லி, இந்த வாய்ப்பை அளித்த அமைச்­சர் அண்­ணன் காந்தி அவர்­க­ளுக்கு எனது நன்­றி­யைத் தெரி­வித்து விடை­பெ­று­கி­றேன்.

நன்றி, வணக்­கம்.

இவ்­வாறு அவர் கூறி­னார்.

பங்­கேற்­ற­வர்­கள்

அமைச்­சர்­கள் ஆர்.காந்தி, பி.கே.சேகர்­பாபு, சென்னை மாந­கர துணை மேயர் மகேஷ்­கு­மார், கைத்­த­றித் துறை அரசு செய­லா­ளர் அமு­த­வள்ளி ஐ.ஏ.எஸ்., கைத்­த­றித் துறை இயக்­கு­நர் மகேஸ்­வரி ரவிக்­கு­மார் ஐ.ஏ.எஸ்., கோ–ஆப் டெக்ஸ நிர்­வாக இயக்­கு­நர் கவிதா ராமு ஐ.ஏ.எஸ்., தமிழ்க்­கேள்வி செந்­தில்­வேல் மற்­றும் அரசு அதி­கா­ரி­கள், விருது பெற வந்­த­வர்­கள், நெச­வா­ளர்­கள் உள்­பட பல­ரும் கலந்­து­கொண்­ட­னர்.

துணை முதலமைச்சர் உதயநிதி ஸ்டாலின் அவர்கள் நேற்று (7.8.2025) சென்னை கலைவாணர் அரங்கில் கைத்தறித் துறையின் சார்பில் நடைபெற்ற 11 வது தேசிய கைத்தறி நாள் விழாவில் கோ–ஆப்டெக்ஸ் நிறுவனத்தின் மேம்படுத்தப்பட்ட மின் வணிக தளத்தை (Revamped Co–optex e–commerce Website) பொதுமக்களின் பயன்பாட்டிற்கு அறிமுகப்படுத்தினார். இந்நிகழ்வில் கைத்தறி மற்றும் துணிநூல் துறை அமைச்சர் ஆர். காந்தி, இந்து சமயம் மற்றும் அறநிலையத்துறை அமைச்சர் பி.கே.சேகர்பாபு, பெருநகர சென்னை மாநகராட்சி துணை மேயர் மு.மகேஷ்குமார், கைத்தறி, கைத்திறன், துணிநூல் மற்றும் கதர்த்துறை செயலாளர் திருமதி வே. அமுதவல்லி, கைத்தறித் துறை இயக்குநர் திருமதி மகேஸ்வரி ரவிக்குமார், கோ–ஆப்டெக்ஸ் மேலாண்மை இயக்குநர் திருமதி கவிதா ராமு, உள்பட அரசு அலுவலர்கள் மற்றும் நெசவாளர்கள் உடனிருந்தனர்.