கழகத் தலைவரும், தமிழ்நாடு முதலமைச்சருமான மு.க.ஸ்டாலின் அவர்கள் நேற்று (7.8.2025) முத்தமிழறிஞர் கலைஞர் அவர்களின் நினைவு நாளையொட்டி, சென்னை தெற்கு மாவட்ட கழகச் செயலாளரும், மருத்துவம் மற்றும் மக்கள் நல்வாழ்வுத் துறை அமைச்சருமான மா. சுப்பிரமணியன் அவர்களின் ஏற்பாட்டின் பேரில் சென்னை, வள்ளுவர் கோட்டத்தில் நடைபெற்ற “முத்தமிழறிஞருக்கு இசையஞ்சலி - கலைஞர் வார்த்த காவியப்பாடல்கள்” நிகழ்ச்சியில், பாடகர்கள் எஸ்.என். சுரேந்தர், டாக்டர் சங்கர் கணேஷ், தீபன் சக்கரவர்த்தி, டி.எல். மகராஜன், எஸ்.ஏ. ராஜ்குமார், டாக்டர் சீர்காழி சிவசிதம்பரம், செந்தில்தாஸ், பாடகி திருமதி மாலதி ஆகியோரது இசை நிகழ்ச்சிகளை கண்டு ரசித்தார். இந்நிகழ்ச்சியில், கழகத்தின் பொதுச்செயலாளரும், நீர்வளம் மற்றும் சட்டத் துறை அமைச்சருமான துரைமுருகன், கழக முதன்மைச் செயலாளரும், நகராட்சி நிர்வாகத் துறை அமைச்சருமான கே.என். நேரு, பொதுப்பணித் துறை அமைச்சர் எ.வ. வேலு, இந்து சமய அறநிலையத் துறை அமைச்சர் பி.கே. சேகர்பாபு உள்ளிட்ட அமைச்சர் பெருமக்கள், பெருநகர சென்னை மாநகராட்சி மேயர் ஆர். பிரியா, நாடாளுமன்ற உறுப்பினர்கள் ஆ. ராசா, எஸ். ஜெகத்ரட்சகன், சட்டமன்ற உறுப்பினர்கள், இந்திய கம்யூனிஸ்ட் கட்சியின் மாநிலச் செயலாளர் இரா. முத்தரசன் உள்ளிட்ட தோழமைக் கட்சித் தலைவர்கள், இந்து குழும இயக்குநர் என். ராம் உள்ளிட்ட முக்கிய பிரமுகர்கள், தலைமைக் கழக நிர்வாகிகள், தலைமை செயற்குழு உறுப்பினர் வழக்கறிஞர் எம். ஸ்ரீதரன், கவிஞர் நெல்லை ஜெயந்தா மற்றும் கழக நிர்வாகிகள் கலந்து கொண்டனர்.