திருவாரூர், ஆக. 8 –
திராவிட மாடல் ஆட்சியின் சாதனைகளால் ஈர்க்கப்பட்டு, திருவாரூர் மாவட்டம் கோட்டூர் தெற்கு ஒன்றியத்தைச் சேர்ந்த பெருகவாழ்ந்தான் பகுதியில் அறுபதிற்கும் மேற்பட்ட இளைஞர்கள் ஒன்றிய செயலாளர் வி.எஸ்.ஆர்.தேவதாஸ் அவர்களின் முன்னெடுப்பில் , தங்களை மாவட்ட செயலாளர் பூண்டி.கே.கலைவாணன் எம்.எல்.ஏ. முன்னிலையில்
தி.மு.கழகத்தில் இணைத்துக்கொண்டனர்.
திராவிட மாடல் ஆட்சி நாயகர் மு.க.ஸ்டாலின் அவர்களின் நல்லாட்சியில், எல்லோர்க்கும் எல்லாம்” தடைகள் இன்றி கிடைக்கும் இந்த திமுக ஆட்சிதான் 2026 லும் தொடரவேண்டும் என்கிற உறுதியோடு, கோட்டூர் தெற்கு ஒன்றியப்பகுதியைச் சேர்ந்த 60க்கும் மேற்பட்ட இளைஞர்கள் பல்வேறு இயக்கத்தில் இருந்து விலகி தங்களை ஒன்றியச் செயலாளர் வி.எஸ்.ஆர்.தேவதாஸ் ஒருங்கிணைப்பில், மாவட்டக் கழகச் செயலாளர் பூண்டி. கே.கலை வாணன் எம்.எல்.ஏ. முன்னிலையில் கழகத்தில் இணைத்துக்கொண்டனர்.
கழகத்தில் இணைந்த அனைவருக்கும் மாவட்டச் செயலாளர் பூண்டி கே.கலைவாணன் எம்.எல்.ஏ., கழக இருவண்ண வேஷ்டிகள் கொடுத்து வாழ்த்தி வரவேற்றார்.
பின்னர் கழகத்தில் இணைந்த அறுபதிற்கும் மேற்பட்ட இளைஞர்கள் கொரடாச்சேரி மாவட்ட அலுவலகத்திலிருந்து, மாவட்டக் கழகச் செயலாளர் பூண்டி.கே.கலைவாணன் தலைமையில் இருசக்கரவாகனத்தில் ஊர்வலமாகச் சென்று,திருவாரூரில் உள்ள முத்தமிழ் அறிஞர் கலைஞர் அவர்களின்சிலைக்கு மலர்மாலை அணிவித்துமரியாதையை செலுத்தினர்.
நிகழ்வில் கோட்டூர் தெற்கு ஒன்றியச் செயலாளர் வீ.எஸ்.ஆர்.தேவதாஸ், கொரடாச்சேரி பேரூர் செயலாளர் பூண்டி.கே.கலைவேந்தன் உள்ளிட்ட கழக நிர்வாகிகள் கலந்துகொண்டனர்.