#Title

மாற்றுத் திறனாளிகளுக்கு ஒன்றிய அரசின் பங்காக மாதாந்திர உதவித் தொகையை ரூ.5000 ஆக உயர்த்தி வழங்க வேண்டும்!

புதுடெல்லி, ஆக. 8–

மக்களவையில் கள்ளக் குறிச்சி நாடாளுமன்ற உறுப்பினர் தே.மலையரசன் பேசியதாவது:–

ஊனமுற்றோர் என்ற வார்த்தையை தமிழில் இருந்து நீக்கி மாற்றுத் திறனாளிகள் என்ற வார்த்தையை அகராதியி லிருந்து உருவாக்கி நடை முறைபடுத்திய உலகின் ஒப்பற்ற தமிழின தலைவர் கலைஞர் அவர்களை வணங்கி..... உள்ளாட்சியில் மாற்றுத் திறனாளிக்குஇட ஒதுக்கீடு அளித்த திராவிட மாடல் நாயகர் தமிழக முதல்வர் தளபதியார் அவர்களையும் வணங்கி எனது உரையை தொடங்கு கிறேன்.

மாற்றுத் திறனாளிகள் மாதாந்திர உதவித்தொகை ஒன்றிய அரசின் பங்காக 2012 முதல் தற்போது வரை இந்திராகாந்தி ஓய்வூதிய திட்டத்தின் கீழ் வெறும் ரூ.300/–மட்டுமே வழங்குகிறது. சமூகநீதி மற்றும் அதிகாரம் வழங்கல் அமைச்சகத்திடம் நியாய மான வகையில் நிலைக்குழு உதவி தொகையை உயர்த்த பரிந்துரைத்தும் ஒன்றிய பா.ஜ.க அரசு தற்போது வரை உயர்த்தவில்லை. எனவே ஒன்றிய அரசின் பங்காக ரூ.5000/– ஆக உதவித்தொகையை உயர்த்த வேண்டும்.

அதேபோல் 80% ஊனம் இருந்தால்தான் உதவித் தொகை என்ற தற்போதைய விதியை மாற்றுத் திறனாளிகள் உரிமைகள் சட்டம்2016ன்படி 40% ஊனம் இருந்தாலே உதவித்தொகை வழங்க நடவடிக்கை எடுக்க வேண்டும்.

18வயது அடைந்தால் தான் உதவித்தொகை என்ற தற்போதைய விதியை மாற்றி அனைத்து வயதினருக்கும் வழங்க நடவடிக்கை எடுக்க வேண்டும்.

இவ்வாறு தே. மலையரசன் எம்.பி. பேசினார்.