சென்னை, ஆக.8–
மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணி யன் அவர்கள் நேற்று (07.08.2025) சென்னை, கிண்டி, கலைஞர் நூற்றாண்டு உயர்சிறப்பு மருத்துவமனையில், முத்தமிழறி ஞர் கலைஞர் அவர்களின் 7வது நினைவு தினத்தினை யொட்டி, அம்மருத்துவமனையில் மருத்துவ பயனாளிகளின் உடன் இருக்கும் 1000 பேருக்கு போர்வைகளை வழங்கினார்கள். பிறகு அமைச்சர் அவர்கள் செய்தியாளர்களிடம் தெரிவித்ததாவது:-
முத்தமிழறிஞர் கலைஞர் அவர்களின் 7வது நினைவு தினத்தினையொ ட்டி, சென்னை தெற்கு மாவட்டத்திற்குட்பட்ட சைதாப்பேட்டை, சோழிங்கநல்லூர், விருகம்பாக்கம், வேளச்சேரி, மதுரவாயல் ஆகிய 5 சட்டமன்ற தொகுதியில் 1000 இடங்களில் முத்தமிழறிஞர் கலைஞர் அவர்களின் திருவுருவ படத்திற்கு மரியாதை செலுத்தப்பட்டு வருகிறது.
அதோடுமட்டுமல்லாமல், இன்று காலை அவரது திருவுருவ சிலை அமைந்துள்ள சைதாப்பேட்டை பஜார்சாலை, அப்துல்ரசாக் சாலையில் உள்ள திருவுருவ சிலைகளுக்கு மலர் மாலை அணிவித்து அஞ்சலி செலுத்தப்பட்டது.
இதனைத்தொடர்ந்து தமிழ்நாடு முதலமைச்சர் அவர்களின் தலைமையில் நடைபெற்ற இலட்சக்கணக்கான பொதுமக்கள் கலந்து கொண்ட பேரணியில் சென்னை தெற்கு பகுதியைச் சேர்ந்தவர்கள் பல்லாயிரக்கணக்கானோர் பங்கேற்றனர்.
தொடர்ந்து சென்னை கலைஞர் நூற்றாண்டு உயர்சிறப்பு மருத்துவமனை வளாகத்தில் அமைந்துள்ள கலைஞரின் திருவுருவ சிலைக்கு மலர் மாலை அணிவித்து இந்த மருத்துவமனையிலும், இதே வளாகத்தில் அமைந்துள்ள தேசிய முதியோர் மருத்துவமனையிலும் இருக்கின்ற மருத்துவ பயனாளர்களுடன்தங்குகின்ற Attenders என்று சொல்லக்கூடிய உடன் தங்குபவர்களுக்கு போர்வைகள் 1000 பேருக்கு வழங்கப்பட்டுள்ளது.
அதோடு மட்டுமல்லாமல் சென்னை தெற்கில் இன்னுமொரு நிகழ்வு என்கின்ற வகையில் முத்தமிழறி ஞருக்கு இசை அஞ்சலி செலுத்தும் நிகழ்வு இன்று மாலை வள்ளுவர் கோட்டத்தில் நடைபெற இருக்கிறது. முத்தமிழறிஞர் கலைஞர் பல்வேறு பரிமாணங் களை கொண்டவர். ஏறத்தாழ 47 திரைப்பட பாடல்களை எழுதியிருக்கிறார்கள். அவர் எழுதிய முத்தான பாடல்களை இசையமைத்துபாடும் நிகழ்வு இன்று வள்ளுவர் கோட்டத்தில் நடைபெற இருக்கிறது.
அந்த நிகழ்ச்சியில் மூத்த இசைக்கலைஞர்கள் எல்.ஆர்.ஈஸ்வரி, சங்கர் கணேஷ், சீர்காழி சிவசிதம்பரம், தீபன் சக்கரவர்த்தி, எஸ்.ஏ.ராஜ்கு மார், மாலதி, செந்தில்ராஜ் போன்ற பல்வேறு திரைஇசை பிரபலங்கள் பாட உள்ளார்கள். முதலமைச்சர் அவர்களும், அமைச்சர் பெருமக்களும் இசை நிகழ்ச்சியில் கலந்து கொண்டு சிறப்பு சேர்க்க இருக்கிறார்கள்.
“உங்களுடன் ஸ்டாலின்” திட்டம்
தொடர்பான கேள்விக்கு
உங்களுடன் ஸ்டாலின் திட்டத்திற்கு உச்சநீதிமன்றம் வரை சென்றார்கள். உச்சநீதிமன்றம் சரியான பதிலடி கொடுத்திருக்கிறார்கள். குறிப்பாக எம்.ஜி.ஆர் ஆட்சிக் காலத்திலிருந்தே முதலமைச்சரின் பெயர்களை திட்டங்களுக்கு வைப்பது வழக்கமான ஒன்று. எம்.ஜி.ஆர் அவர்கள் முதலமைச்சராக இருந்த போது புரட்சித்தலைவர் எம்.ஜி.ஆர் சத்துணவு திட்டம் என்று பெயர் வைத்தார்கள்.
கடந்த அதிமுக ஆட்சிக்காலத்தில் ஜெயலலிதா அவர்களின் பெயரைக் கொண்டு அம்மா உணவகம், அம்மா உப்பு, அம்மா குடிநீர் என்று ஏறத்தாழ 100க்கும் மேற்பட்ட திட்டங்களுக்கு அவரது பெயரினை வைத்தார்கள். நிரந்தர திட்டங்களுக்கு பெயர் வைப்பதுஎன்பது கடந்து சாலை ஓரங்களில் சிறிது சிறிதாக கட்டப்படும் சாலையோரப் பூங்காக்களுக்கு கூட அம்மா பூங்கா என்றெல்லாம் கூட பெயர் வைத்தார்கள். இதை யாரும் கேள்வி கேட்கவில்லை. ஆனால் இன்று நலம் காக்கும் ஸ்டாலின், உங்களுடன் ஸ்டாலின் போன்ற திட்டங்கள் தொடர்ந்து பல இலட்சம் பேருக்கு நன்மை அளித்து வருகின்றது. இதனைப் பொறுத்துக்கொள்ள முடியாமல் உயர்நீதிமன்றம், உச்சநீதிமன்றம் வரை சென்றார்கள். இன்றைக்கு உச்சநீதிமன்றத்தின் அமர்வு சரியான தீர்ப்பை தந்திருக்கிறது. ரூ.10 இலட்சம் அபராதம் செலுத்த சொல்லியிருக்கிறார்கள். அந்த அபராதம் தமிழ்நாடு அரசின் நலத்திட்ட உதவிகளுக்கு பயன்படுத்திக் கொள்ள வேண்டும் உச்சநீதிமன்றம் அறிவுறுத்தியிருக்கிறது. எந்த நலத்திட்டம் வேண்டாம் என்று அவர் இன்று உச்சநீதிமன்றத்திற்கு சென்றார்களோ அவருடைய சொந்த பணத்திலிருந்து ரூ.10 இலட்சம் அபராத தொகை அரசு நலத்திட்டத்திற்கு பயன்படுத்த வேண்டும் என்கின்ற உச்சநீதிமன்ற உத்தரவு இதுபோன்றவர்களுக்கு சரியான பதிலடி என்று மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் அவர்கள் செய்தியாளர்களிடம் தெரிவித்தார்.
இந்நிகழ்வில் கலைஞர் நூற்றாண்டு உயர்சிறப்பு மருத்துவமனை இயக்குநர் மரு.பார்த்தசாரதி, பெருநகர சென்னை மாநகராட்சி மண்டலக்குழுத்தலைவர்கள்கிருஷ்ணமூர்த்தி, துரைராஜ்,தலைமைப் பொதுக்குழு உறுப்பினர்கள் களக்காடிஎல்லப்பன், எஸ்.ஏ.அரிகிரு
ஷ்ணன், மாமன்ற உறுப்பினர் மோகன்குமார் மற்றும் கழக முன்னணியினர் உடனிருந்தனர்.
சென்னை தெற்கு மாவட்டம், சைதை மேற்கு பகுதி 139 (அ) வட்டத்தில் முத்தமிழறிஞர் கலைஞர் அவர்களின் 7ஆம் ஆண்டு நினைவு நாளை முன்னிட்டு இலக்கிய அணியின் மாவட்ட புரவலர் சைதை எம்.எஸ்.மணி தலைமையிலும், கலை, இலக்கிய பகுத்தறிவு பேரவை மாநில துணை செயலாளர் எம்.எஸ்.ஹரிபாபு, வட்ட செயலாளர் சை.மு.சேகர் முன்னிலையில் தலைவர் திருவுருவ படத்திற்கு மலர் அஞ்சலி செலுத்தினார்கள். இந்நிகழ்வில் வட்ட கழக நிர்வாகிகள் மா ஏழுமலை, பூபதி வெங்கடேசன், கொடிசுரேஷ் புருஷோத்தமன், நியூகாலணி சம்பத் பாமோ கார்த்திக் கழக எஸ்.ரமேஷ், முருகன், மோகன் ஆகியோர் கலந்து கொண்டனர்
முத்தமிழறிஞர் கலைஞர் அவர்களின் 7ஆம் ஆண்டு நினைவு நாளை முன்னிட்டு சென்னை தெற்கு மாவட்ட மாணவர் அணி அமைப்பாளர் பா.அருண்குமார் தலைமையில் மாவட்ட துணைச் செயலாளர் மு.மனோகரன் முன்னிலையில் தமிழினத்தின் தலைவர் கலைஞர் அவர்களின் திருவுருவப்படத்திற்கு மலர்மாலை அணிவித்துமலரஞ்சலி செலுத்தினோம். இந்த நிகழ்வில் மாவட்ட இலக்கிய அணி அமைப்பாளர் எம்.பார்த்திபன்,வட்டக் கழக செயலாளர் எம்.சாந்தப்பன், வட்ட அவைத்தலைவர் பெ.பார்த்தசாரதி, வட்ட துணை செயலாளர் கே.ராமு, பகுதி மாணவரணி அமைப்பாளர் தி.சண்முகராஜன், துணை அமைப்பாளர்கள், கு.சரண் ராஜேஷ், இளைஞர் அணி ரா.செந்தில் மற்றும் கழக தோழர்கள் மலர் தூவி அஞ்சலி செலுத்தினர்.
சென்னை கிழக்கு மாவட்டம், துறைமுகம் மேற்கு பகுதி, 57 (அ) வட்டத்தில் மாவட்டச் செயலாளர், அமைச்சர் பி.கே.சேகர்பாபு ஆலோசனைப்படி, முத்தமிழறிஞர் கலைஞர் அவர்களின் நினைவு நாளையொட்டி வட்டச் செயலாளர் பா.அண்ணாதுரை தலைமையில் பகுதிச் செயலாளர் எஸ்.முரளி 500 நபர்களுக்கு அறுசுவை உணவு வழங்கினார். உடன் பொதுக்குழு உறுப்பினர் ஆர்.கலைச்செல்வி, பகுதி துணைச் செயலாளர் கே.ஆர்.அபரஞ்சி, மாவட்ட பிரதிநிதி டி.எஸ்.சேகர், கே.ஜி.துளசிராமன், சி.காந்தி, டி.வேலு, பா.முத்துக்குமார், கேபிள் சங்கர், பிண்ட்டு ஜெயின், ஜெ.ஹரிக்குமார், சு.அண்ணாதாசன், பா.நடராஜ், ஆர்.வேலாயுதம், டி.சேகர், கொத்தவால்சாவடி கணேசன், எம்.சாய்பவன்குமார், டி.சண்முகம், எம்.உதயா மற்றும் பலர் உள்ளனர்.