அன்புச் சகோதரர் தலைவர் முதல்வர் ஸ்டாலின் அவர்களே, வணக்கம்,
வெற்றிகரமாக வெளிநாட்டுப்
பயணத்தை முடித்துக் கொண்டு சென்னை திரும்பிய தங்களுக்கு முதற்கண் மகிழ்ச்சி கலந்த வாழ்த்துகள்.
தமிழ் நலன், தமிழர் நலன் மற்றும் தமிழ்நாட்டின் நலன் என்று இடையறாது உழைக்கும் உங்களுக்கு உரிய பரிசை தமிழக மக்கள் 2026 ஆம் ஆண்டிலும் வழங்க உள்ளனர் என்பதை மகிழ்ச்சி
யுடன் தெரிவித்துக்கொள்கிறேன்.
தங்களின் வெளிநாட்டுப் பயணத்தின் விளைவாக 33 புரிந்துணர்வு ஒப்பந்தங்கள் கையெழுத்தாகியுள்ளன. இதன் மூலம் ரூ.15516 கோடி மதிப்பிலான
முதலீடு ஈர்க்கப்பட்டுள்ளது. இதன்
விளைவாக தமிழக இளைஞர்கள்
17613 பேருக்கு வேலைவாய்ப்புக் கிடைக்கும் என்ற எதிர்பார்ப்பு ஏற்பட்டுள்ளது.
பேரறிஞர் அண்ணா கூறியபடி;
“மக்களிடம் செல்; அவர்களோடு பழகு; அரசியலை அங்கிருந்து ஆரம்பி, அவர்களிடம் கற்றதைப் பேசு, - அன்போடு பழகு, -அவர்களில் ஒருவனாக வளர்” என்பதுதான் அண்ணாவின் அரசியல் அரிச்சுவடி!!
அவரின் அரசியல் வாரிசான தாங்கள் அவரின் அறிவுரைப்படி தமிழகத்தின் மக்களிடையே இயல்பாகத் தொண்டாற்றி அவர்களின் அன்பையும் ஆதரவையும் பெற்றதைப் போல அயலகத் தமிழர்களின் அன்பான வரவேற்பையும் விருந்தோம் பலையும் பெற்றதைப் பற்றி தாங்கள் முரசொலியில்
‘உங்களின் ஒருவன்’ மடலில் எழுதியதைக் கண்டு மகிழ்ந்தேன்.
அயலகத் தமிழர்பலர் உங்களது
பயணத்தின் போது தங்களைச் சந்தித்ததைப் பற்றி சிலாகித்துக் கூறியதைக் கேட்டு மகிழ்ந்தேன்.
இங்கிலாந்தில் உலகப் புகழ்பெற்ற ஆக்ஸ்போர்டு பல்கலைக்கழகத்தில் ‘தமிழ் வானின் விடிவெள்ளி’ தந்தை
பெரியாரின் திருவுருவப் படத்தை தாங்கள் திறந்து வைத்தது மிகச் சிறப்பாகும். அகிலமெங்கும் தந்தை பெரியாரின்
கருத்துகள் பரவ இந்நிகழ்வு ஓர் ஆரம்பப் புள்ளியாகும்.
இப்பல்கலைக்கழகத்தில் சுயமரியாதை இயக்கத்தின் நூற்றா ண்டைக் கொண்டாடும் விதமாக
பல்வேறு அறிஞர்களின் ஆராய்ச்சிக்
கட்டுரைகளைப் பகிர்ந்த ஓர் அமர்வு
தங்கள் தலைமையில் நடைபெற்றதும் குறிப்பிடத்தக்கது.
உங்கள் இலண்டன் பயணத்தின் பொழுது பொதுவுடைமைச் சிற்பி காரல் மார்க்ஸ் நினைவிடத்தைக் கண்டது,
அரசமைப்புச் சட்டத்தின் சிற்பி
அண்ணல் அம்பேத்கர் வாழ்ந்த இல்லத்தைச் சுற்றிப் பார்த்தது, திருவள்ளுவரின் சிலைக்கு மரியாதை செலுத்தியது பற்றிக் கேள்விப்பட்டேன். முரசொலியில்
வெளியிட்டிருந்த புகைப்படங்களைக் கண்ட பொழுது பெரிதும் மகிழ்ந்தேன்.
தங்களது வெளிநாட்டுப் பயணம் பற்றி எதிர்க்கட்சித் தலைவரின் அவதூறுகளை மக்கள் சிறிதும் பொருட்படுத்தவில்லை. தங்களது பயணத்தின் விளைவாக தமிழர் வாழ்வு மேலும் ஏற்றம் காணும் என்பது உறுதி.
பல்துறைகளிலும் செயற்கரிய செயல் களை தங்கள் தலைமையிலான
நமதரசு தமிழ்நாட்டு மக்களின் உடனடித் தேவைகளையும் நீண்ட கால வளர்ச்சிக் கோரிக்கைகளையும் இணைத்து நிறைவேற்றி வருவது மிகச் சிறப்பு. அந்த வகையில் இந்த வெளிநாட்டுப் பயணம் தமிழருக்குப் பயன் அளிக்கும் என்பதில் அய்யமில்லை.
தாய்மண்ணில் கால் பதித்தவுடன்
கட்சிப் பணிகளை ஒருங்கிணைக்க காணொலி வாயிலாக மாவட்டச் செயலாளர்கள் கூட்டம், செப்டம்பர் 11 ஓசூரில்
முதலீட்டாளர்கள் மாநாடு என்று தொடர்ந்து சலியாத உழைப்பை நல்கும் தங்களுக்கு நல்வாழ்த்துகள்.
வாழ்க உங்கள் கொற்றம்!
வளர்க – வெல்க!
உங்கள் தமிழர் தொண்டு!
வாழ்க தி.மு.க.!
இவண்,
அ. அன்புச்செல்வன்,
08/09/2025