இ
னி பெரியார் அச்சில்
உலகம் சுழலும்
மாண்புமிகு முதல்வரே,
தளபதி அவர்களே,
உங்களின் இலட்சியம்
தமிழ்நாட்டை உயர்த்துவது
தமிழை உயரச் செய்வது
தமிழினத்தை வளர்ப்பது!
உங்கள் பயணத்தால்
உலகத் தமிழர்களின்
தலைநகரானது ஜெர்மனி!
அயலகத் தமிழர்களின்
அன்புத் திருவிழாவில்
ஜெர்மனி சிலிர்த்தது!
இந்தியாவின் ஜெர்மனி
தமிழ்நாடு என்றே
இதயப் பாலத்தை
இணைத்து வைத்தீர்!
முதலீட்டாளர் சங்கமத்தை
முன்னின்று நடத்தினீர்கள்!
தமிழ்நாட்டின்
தொழில் வளர்ச்சிக்கும்
பொருளாதார வளர்ச்சிக்கும்
ஒப்பந்தங்கள் செய்தீர்!
ஒரு பயணத்தில் கோடி
விடியல்களை உதிக்கச் செய்தீர்கள்!
ஆயிரம் ஆயிரம்
இளைஞர்கள் வாழ்வில்
நம்பிக்கை வெளிச்சத்தை
நடவு செய்தீர்கள்!
இங்கிலாந்து மண்ணில்
உங்களுக்கு திரும்பிய
திசையெல்லாம்
வசந்த வரவேற்பு!
‘திராவிட மாடல்’ தலைவரே,
அந்நாட்டின்அத்தனை கதவுகளும்
அகலத் திறந்தன;
போற்றிப்புகழ்ந்தன!
சந்திப்புகள் அனைத்தும்
சரித்திரமாயின;
தமிழ்நாட்டின் தொழில் புரட்சிக்கு
அடித்தளமாயின!
அறிவுலகத் தாய்
ஆக்ஸ்ஃபோர்டு பல்கலைக் கழகத்தில்
அறிவுலகத் தந்தை
தத்துவப் பேராசான்
பெரியாரின் படத்தை
திறந்து வைத்தீர்கள்!
கேள்விப் புரட்சியால்
சமூக மாற்றத்தை
உருவாக்கிக் காட்டிய
தமிழ்நாட்டின் சிற்பி!
உலகின்
சிந்தனைத் தேடலுக்கு
தந்தை பெரியாரை
முதலீடாய் தந்தீர்கள்!
இனி பெரியார் அச்சில்
உலகம் சுழலும்
பெரியார்பேரனே!
அண்ணாவின் அன்புத் தம்பி
கலைஞரின் தமிழ்மகனே
உங்கள் அத்தனை பயணத்திலும்
தமிழ்நாடு வெற்றிகள் சூடும்!
திராவிட மாடலை
திசைகள் வணங்கும்!