இந்து சமய அறநிலையத்துறை அமைச்சர் பி.கே.சேகர்பாபு தலைமையில் நேற்று (08.09.2025 ஆணையர் அலுவலகத்தில் திருச்செந்தூர், திருத்தணி, மருதமலை திருக்கோயில்கள் மற்றும் வடலூர் வள்ளலார் தெய்வ நிலையம் ஆகியவற்றில் ஒருங்கிணைந்த பெருந்திட்ட வரைவின்கீழ் (Master Plan) நடைபெற்று வரும் திருப்பணிகள் குறித்த சீராய்வுக் கூட்டம் நடைபெற்றது. உடன் சுற்றுலா, பண்பாடு மற்றும் அறநிலையங்கள் துறை கூடுதல் தலைமைச் செயலாளர் மருத்துவர் க.மணிவாசன், இந்து சமய அறநிலையத்துறை ஆணையர் பி.என்.ஸ்ரீதர், கூடுதல் ஆணையர்கள் டாக்டர் சி.பழனி, திருமதி சி.ஹரிப்ரியா, பொ.ஜெயராமன், திருமதி கோ.செ.மங்கையர்க்கரசி, தலைமைப் பொறியாளர் பொ.பெரியசாமி. சிறப்புப் பணி அலுவலர் சி.லட்சுமணன், திருச்செந்தூர் திருக்கோயில் தக்கார் ஆர்.அருள்முருகன், திருத்தணி திருக்கோயில் அறங்காவலர் குழுத் தலைவர் ஸ்ரீதர், மருதமலை திருக்கோயில் தக்கார் ஜெயகுமார், இணை ஆணையர்கள் மற்றும் பொறியாளர்கள் உள்ளனர்.