சென்னை, செப். 9 –

ஜெர்­மனி, இங்­கி­லாந்து நாடு­க­ளுக்கு அரசு முறைப் பய­ணம் மேற்­கொண்டு திரும்­பிய முதல்­வர் மு.க.ஸ்டாலின் அவர்­கள், சென்னை விமான நிலை­யத்­தில் செய்­தி­யா­ளர்­க­ளுக்கு அளித்த பேட்­டி­யில், ‘‘தமிழ்­நாட்­டிற்கு தொழில் முத­லீ­டு­களை ஈர்க்­கச் சென்ற வெளி­நாட்­டுப் பய­ணம் மாபெ­ரும் வெற்­றி’’ என்று குறிப்­பிட்­டுள்­ளார்.

முத­ல­மைச்­சர் மு.க.ஸ்டாலின் அவர்­கள் நேற்று (8.9.2025) சென்னை விமான நிலை­யத்­தில், ஜெர்­மனி மற்­றும் இங்­கி­லாந்து நாடு­க­ளுக்கு அரசு முறைப் பய­ணம் மேற்­கொண்டு திரும்­பிய பின்­னர் தமிழ்­நாட்­டிற்கு புதிய தொழில் முத­லீ­டு­களை ஈர்த்­துள்­ளது குறித்து செய்­தி­யா­ளர்­களை சந்­தித்து அளித்த பேட்டி வரு­மாறு:­–

ஒரு வார­கா­ல­மாக ஜெர்­மனி, இங்­கி­லாந்து பய­ணத்தை நான் மேற்­கொண்­டேன். மன நிறை­வோடு திரும்­பி­யி­ருக்­ கி­றேன். இந்­தப் பய­ணத்­தைப் பொறுத்­த­வரை மாபெ­ரும் வெற்­றிப் பய­ண­மாக அமைந்­தி­ருக்­கி­றது. மொத்­தம், 15 ஆயி­ரத்து 516 கோடி ரூபாய் மதிப்­பி­லான முத­லீ­டு­கள் மூல­மாக, 17 ஆயி­ரத்து 613 பேருக்கு வேலை­வாய்ப்பு அளிக்க கூடிய வகை­யில், 33 புரிந்­து­ணர்வு ஒப்­பந்­தங்­கள் போடப்­பட்­டி­ருக்­கி­றது. தமிழ்­நாடு மீது நம்­பிக்கை வைத்து 10 புதிய நிறு­வ­னங்­கள் தொழில் தொடங்­கு­வ­தற்கு முன்­வந்து இருக்­கி­றார்­கள்.

தமிழ்­நாட்­டில் தொழிலை

விரி­வு­ப­டுத்த முயற்சி!

உயர்­கல்வி, சிறு­தொ­ழில் போன்ற துறை­க­ளில் ஆறு அமைப்­பு­கள் நம்­மு­டன் இணைந்து கூட்டு முயற்­சி­களை மேற்­கொள்ள இருக்­கி­றார்­கள். ஏற்­க­னவே இருக்­கும் 17 நிறு­வ­னங்­க­ளும், மற்ற மாநி­லங்­களை நோக்கி செல்­லா­மல், நம்­மு­டைய மாநி­லத்­தி­லேயே தங்­க­ளு­டைய தொழிலை மேலும் விரி­வு­ப­டுத்த முடிவு செய்­தி­ருக்­கி­றார்­கள்.

நான் புறப்­ப­டு­வ­தற்கு நான்­கைந்து நாட்­க­ளுக்கு முன்பே, என்­னு­டைய இந்த ஒட்­டு­மொத்­தப் பய­ணத்­தை­யும் முறைப்­ப­டுத்­து­ வ­தற்­காக மிகச் சிறப்­பாக ஒருங்­கி­ணைத்து அந்­தப் பணியை வெற்­றி­க­ர­மாக நடத்­திய தொழில்­துறை அமைச்­சர் தம்பி டி.ஆர்.பி. ராஜா அவர்­க­ளுக்கு முத­லில் நன்­றி­யைத் தெரி­வித்­துக்­கொள்­கி­றேன். அதே­போல், அவ­ருக்கு துணை­யாக இருந்த அதி­கா­ரி­க­ளுக்­கும் என்­னு­டைய மன­மார்ந்த பாராட்­டுக்­­களை­யும், வாழ்த்­து­க­ளை­யும் தெரி­வித்­துக் ­கொள்­கி­றேன்! தொழில்­துறை அமைச்­ச­ரைப் பொறுத்­த­வரை, ஒரு துடிப்­பான தொழில்­துறை அமைச்­சர் என்­பதை ராஜா இந்­தப் பய­ணத்­தின் மூல­மாக நிரூ­பித்­துள்­ளார்.

கடந்த நான்­கரை ஆண்­டு­க­ளில் மேற்­கொண்ட என்­னு­டைய பய­ணங்­க­ளுக்கு எல்­லாம் முத்­தாய்ப்­பாக இந்­தப் பய­ணம் அமைந்­தி­ருக்­கி­றது. இந்த ஃபாரின் விசிட்­டில் (Foreign Visit) தான், மிக அதிக அள­வி­லான முத­லீ­டு­கள் ஈர்க்­கப்­பட்­டி­ருக்­கி­றது என்­ப­தை­யும் மகிழ்ச்­சி­யு­டன் தெரி­வித்­துக் கொள்ள விரும்­பு­கி­றேன். மிக­வும் சக்­சஸ்­புல் (Successful) மட்­டு­மல்ல, மிக­வும் Proud-ஆன டூரா­க­வும் (Tour) இந்­தப் பய­ணம் அமைந்­தது. உங்­க­ளுக்கே தெளி­வாக தெரிந்­தி­ருக்­கும்.

ஆமாம்!... ஆயி­ரம் ஆண்டு பழ­மை­யான, உல­கின் முதன்­மை­யான ஆக்ஸ்­போர்டு பல்­க­லைக்­க­ழ­கத்­தில் தந்தை பெரி­யா­ரின் திரு­வு­ரு­வப் படத்தை திறந்து வைத்­த­து­தான், அந்­தப் பெரு­மைக்­குக் கார­ணம்! அது­மட்­டு­மல்ல, சுய­ம­ரி­யாதை இயக்­கத்­தின் நூற்­றாண்டு கருத்­த­ரங்­கில் நாம் கடந்து வந்த பாதை­யை­யும், இனி அடைய வேண்­டிய இலக்­கு­க­ளை­யும் பற்றி விளக்­க­மாக நான் அந்த நிகழ்ச்­சி­யில் பேசி­யி­ருக்­கி­றேன்.

அதோடு, அய­ல­கத் தமி­ழர்­கள் சந்­திப்பு கூட்­டங்­க­ளில் பேசி­யது, சோயாஸ் பல்­க­லைக்­க­ழக மாண­வர்­க­ளி­டம் ‘‘திரா­விட மாடல்’’ பற்றி உரை­யா­டி­யது, இலண்­ட­னில் இருக்­கும் பொது­வு­டை­மைத் தத்­துவ மாமேதை கார்ல் மார்க்ஸ் நினை­வி­டம், சட்ட மாமேதை புரட்­சி­யா­ளர் அம்­பேத்­கர் அவர்­கள் வாழ்ந்த இல்­லம், திரு­வள்­ளு­வர் சிலை, தமிழ்க் காத­லர் ஜி.யு.போப் அவர்­கள் நினை­வி­டம் போன்ற இடங்­க­ளுக்­கெல்­லாம் சென்று பல பெரு­மை­க­ளு­டன் நான் வந்­தி­ருக்­கி­றேன்.

எனக்­குப் பர்­ச­ன­லாக

மறக்க முடி­யாத பய­ணம்!

முத­லீ­டு­களை ஈர்க்க சென்ற முத­ல­மைச்­ச­ராக மட்­டு­மல்ல, பெரி­யா­ரின் பேர­னாக, திரா­விட இயக்­கத்­தைச் சேர்ந்த தலை­வ­ராக, சுய­ம­ரி­யாதை உள்ள ஒரு தமி­ழ­னாக என்று இந்­தப் பய­ணம்அனைத்து வகை­யி­லும் எனக்கு பர்­ச­ன­லாக (Personal) மறக்க முடி­யாத பய­ண­மாக அமைந்­தி­ருக்­கி­றது.

சில­ரால் இதை­யெல்­லாம் பொறுத்­துக்­கொள்ள முடி­ய­வில்லை. அத­னால்­தான், “எதற்கு இந்த வெளி­நாட்­டுப் பய­ணம்? இங்கே இருக்­கின்ற நிறு­வ­னங்­க­ளைச் சந்­தித்து பேசி­னால் போதாதா?” என்­றெல்­லாம் அறி­வுப்­பூர்­வ­மாக கேட்­ப­தாக நினைத்­துக் கொண்டு புலம்­பிக்­கொண்டு இருக்­கி­றார்­கள்.

அவர்­க­ளுக்­கெல்­லாம் நான் சொல்­வது என்­ன­வென்­றால், ஜெர்­ம­னி­யில் நடந்த இன்­வெஸ்­டர்ஸ் மீட்­டில், அதி­க­மான ஜெர்­மன் கம்­பெனி வந்­தி­ருந்­தார்­கள். அப்­போது நம்­மு­டைய தமிழ்­நாட்­டைப் பற்றி எடுத்­துச் சொன்­ன­தும், பல முத­லீட்­டா­ளர்­கள் என்ன சொன்­னார்­கள் தெரி­யுமா... “தமிழ்­நாட்­டில் இவ்­வ­ளவு பொட்­டன்­ஷி­யல் (Potential) இருக்­கி­றது என்று, இப்­போது நீங்­கள் சொன்ன பிற­கு­தான் தெரி­கி­றது. இதற்கு முன்பு வேறு ஒரு மாநி­லம்­தான் தங்­க­ளு­டைய பொட்­டன்­ஷி­யலை (Potential) பற்றி பெரு­மை­யாக சொல்­லி­யி­ருந்­தார்­கள். இனி, நிச்­ச­யம் தமிழ்­நாட்டை நோக்கி அதி­க­மான முத­லீட்­டா­ளர்­கள் வரு­வார்­கள்” என்று சொன்­னார்­கள்.

அடுத்து ஜெர்­ம­னி­யில், NRW - மினிஸ்­டர் ப்ரெசி­டண்ட் திரு. ஹெண்ட்­ரிக் வுஸ்ட் அவர்­க­ளைச் சந்­தித்து பேசி­னேன். அவ­ரும் அதை­யே­தான் சொன்­னார்...

வெளி­நாட்­டுப் பய­ணத்­தால்

மேலும் பல முத­லீ­டு­கள்!

இப்­ப­டி­யான தொடர்­பு­களை ஏற்­ப­டுத்­த­வும், பார்ட்­னர்­ஷிப்பை (Partnership) உரு­வாக்­க­வும்­தான் வெளி­நா­டு­க­ளுக்கு முத­ல­மைச்­ச­ரான நானே நேரில் சென்­றேன். ஒரு மாநி­லத்­தின் தலை­மைப் பொறுப்­பில் இருப்­ப­வர், இன்­னொரு நாட்­டின் மாநி­லத்­தின் தலை­மைப் பொறுப்­பில் இருப்­ப­வரை சந்­திக்­கும்­போது, பிசி­னஸை (Business) தாண்டி, இந்த உறவு வலி­மை­யா­கி­றது. அது­தான் முக்­கி­யம். அப்­ப­டித்­தான், ஹெண்ட்­ரிக் வுஸ்ட், இங்­கி­லாந்து அமைச்­சர் திரு­மிகு. கேத்­த­ரின் வெஸ்ட் ஆகி­யோ­ரு­டைய சந்­திப்­பு­க­ளெல்­லாம் இருந்­தது.

அதே­போல்­தான், அவர்­கள் கேட்­கின்ற அடுத்த கேள்­விக்­கான பதில் என்­ன­வென்­றால், ஏற்­க­னவேதமிழ்­நாட்­டில் நிறு­வ­னங்­கள் இருந்­தா­லும், அவர்­கள் புதிய திட்­டங்­களை இங்­கே­தான் தொடங்க வேண்­டும், விரி­வு­ப­டுத்த வேண்­டும் என்று அவ­சி­யம் இல்லை. அவர்­க­ளு­டைய புதிய முத­லீ­டு­க­ளை­யும் தமிழ்­நாட்­டி­லேயே மேற்­கொள்­வதை உறு­தி­செய்ய வேண்­டிய நிறு­வன உய­ர­தி­கா­ரி­களை சந்­தித்து பேசும்­போ­து­தான், அதை அவர்­கள் உறுதி செய்­தார்­கள். அதற்­காக இது போன்ற பய­ணங்­கள் தேவைப்­ப­டு­கி­றது.

அது­மட்­டு­மல்ல, தமிழ்­நாடுகொண்­டி­ருக்­கக்­கூ­டிய மனித வளம், உட்­கட்­ட­மைப்பு, வெளிப்­ப­டை­யான அரசு நிர்­வா­கம், சலு­கை­கள் பற்றி முத­ல­மைச்­ச­ராக இருக்­கக்­கூ­டிய நானே அவர்­க­ளி­டம் எடுத்­துச் சொல்­கி­றேன். இப்­போது கையெ­ழுத்­தான ஒப்­பந்­தங்­கள் மட்­டு­மல்ல, இன்­னும் பல முத­லீ­டு­க­ளும், பல நிறு­வ­னங்­க­ளும் இந்­தச் சந்­திப்­பி­னால் நிச்­ச­யம் தமிழ்­நாட்­டிற்கு வரும் என்ற நம்­பிக்­கை­யை­யும் கொடுத்­தி­ருக்­கி­றார்­கள்.

­ஓசூ­ரில் முத­லீட்­டா­ளர்­கள் மாநாடு!

உதா­ர­ணத்­திற்கு சொல்ல வேண்­டும் என்­றால், இன்­றைக்கு 8-ஆம் தேதி நான் இங்கு வந்­தி­ருக்­கி­றேன். அடுத்து, 11-ஆம் தேதி ஓசூ­ருக்­குச் சென்று, 2 ஆயி­ரம் கோடி ரூபாய் மதிப்­பீட்­டில் அமைக்­கப்­பட்­டுள்ள, டெல்டா எலக்ட்­ரா­னிக்ஸ் தொழிற்­சா­லை­யில் ஆட்­டோ­மேட்­டட் லேன் அமைப்­பை­யும், பணி­யா­ளர் தங்­கு­மி­டத்­தை­யும் திறந்து வைத்து, 1100 கோடி ரூபாய் மதிப்­பி­லான புதிய தொழிற்­சா­லை­க­ளுக்­கும் அடிக்­கல் நாட்ட இருக்­கி­றேன்.

அதே­மா­திரி, ஏற்­க­னவே தூத்­துக்­கு­டி­யில் நடத்­தி­ய­து­போன்று, ஓசூ­ரி­லும் முத­லீட்­டா­ளர் மாநாட்டை நடத்­தப் போகி­றோம். அங்­கும் பல ஆயி­ரம் கோடி ரூபாய் முத­லீடு வர இருக்­கி­றது. தொழில் முத­லீ­டு­களை ஈர்ப்­ப­தற்­கான எங்­க­ளு­டைய வெளி­நாட்டு பய­ணங்­க­ளும், இங்கே மேற்­கொள்­ளும் பய­ணங்­க­ளும் எப்­போ­தும் நிற்­காது, இது தொட­ரும்... தொட­ரும்...

இவ்­வாறு பேட்­டி­ய­ளித்த முதல்­வர் மு.க.ஸ்டாலின் அவர்­கள் தொடர்ந்து செய்­தி­யா­ளர்­க­ளுக்கு அளித்த பேட்டி வரு­மாறு:­–

செய்­தி­யா­ளர்: எதிர்க்­கட்­சித் தலை­வர் திரு. எடப்­பாடி பழ­னிச்­சாமி அவர்­கள் உங்­க­ளு­டைய வெளி­நாட்டு பய­ணம் என்­பது உங்­க­ளு­டைய முத­லீட்­டிற்­காக நடத்­தி­னார் என்ற விமர்­ச­னத்தை முன்­வைத்­தி­ருக்­கி­றார். அதை பற்றி…

முத­ல­மைச்­சர் மு.க.ஸ்டாலின்: ஒரு வகை­யில் அவர் சொல்­வது முத­லீடு செய்­யப்­போ­ன­தைப்­பற்றி திரித்து சொல்­லி­யி­ருக்­கி­றார். என்­னைப்­பொ­றுத்­த­வரை சொல்ல விரும்­பு­வது, சுய­ம­ரி­யாதை கொள்­கை­யில் முத­லீடு செய்­து­விட்டு வந்­தி­ருக்­கி­றேன். தந்­தைப் பெரி­யா­ரின் உணர்­வு­க­ளை­யும் பெரி­யா­ரைப் பற்றி அந்த நாட்­டில் முத­லீடு செய்­து­விட்டு வந்­தி­ருக்­கி­றேன். அது­தான் உண்மை. அந்த அடிப்­ப­டை­யில் சொல்­லி­யி­ருப்­பார் என்று நினைக்­கி­றேன்.

செய்­தி­யா­ளர் : அ.தி.­மு.­க.-­­வின் பொறுப்­பு­க­ளி­லி­ருந்து செங்­கோட்­டை­யன் அவர்­க­ளு­டைய பதவி பறிக்­கப்­பட்­டுள்­ளது. இது­பற்றி உங்­க­ளு­டைய கருத்து என்ன?

முத­ல­மைச்­சர் மு.க.ஸ்டாலின்: ஆக்­கப்­பூர்­வ­மான கருத்­து­க­ளைப் பற்றி பேசிக் கொண்­டி­ருக்­கி­றோம். இந்த அக்­க­போ­ரான கேள்­வி­க­ளை­யெல்­லாம் கேட்­கி­றீர்­களே.

செய்­தி­யா­ளர் : தமி­ழர்­க­ளைச் சந்­தித்­தீர்­கள். தமி­ழர்­களை தமிழ்­நாட்­டில் முத­லீடு செய்ய வேண்­டும் என்று அழைப்பு விடுத்­துள்­ளீர்­கள். அவர்­க­ளு­டைய எதிர்­பார்ப்பு என்­ன­வாக இருக்­கி­றது. அவர்­க­ளு­டைய ஆர்­வம் என்­ன­வாக இருக்­கி­றது. அது பற்றி…

முத­ல­மைச்­சர் மு.க.ஸ்டாலின் : அளவு கடந்த ஆர்­வ­மாக இருக்­கி­றார்­கள். ஏற்­கெ­னவே தெளி­வாக சொல்­லி­யி­ருக்­கி­றேன். மிக­வும் போட்டி போட்­டுக்­கொண்டு அவர்­கள் முத­லீடு செய்ய தயா­ராக இருக்­கி­றார்­கள். அந்த நிலையை நேர­டி­யாக நாங்­கள் பார்த்­தோம்.

இவ்­வாறு முதல்­வர் மு.க.ஸ்டாலின் அவர்­கள் பேட்­டி­ய­ளித்­தார்.

தமிழ்நாட்டிற்கு புதிய தொழில் முதலீடுகளை ஈர்ப்பது தொடர்பாக ஜெர்மனி மற்றும் இங்கிலாந்து நாடுகளுக்கு அரசு முறைப் பயணம் மேற்கொண்டு தமிழ்நாடு திரும்பிய முதலமைச்சர் மு.க. ஸ்டாலின் அவர்கள் நேற்­று (8.9.2025) சென்னை விமான நிலையத்தில் செய்தியாளர்களை சந்தித்தார். இந்நிகழ்வின்போது, நீர்வளம் மற்றும் சட்டத்துறை அமைச்சர் துரைமுருகன், துணை முதலமைச்சர் உதயநிதி ஸ்டாலின், அமைச்சர் பெருமக்கள், நாடாளுமன்ற, சட்டமன்ற உறுப்பினர்கள், உள்ளாட்சி அமைப்புகளின் பிரதிநிதிகள், தலைமைச் செயலாளர் மற்றும் அரசு உயர் அலுவலர்கள் உடனிருந்தனர்.