தூத்துக்குடி, செப்.9–-
தூத்துக்குடி மாவட்ட அமெச்சூா் கபடி கழகத்தின் ஆதரவுடன் சண்முகபுரம் கபடி கிளப் மற்றும் தாமோதரன்நகா் சந்தனமாாியம்மன் கோவில் இளைஞர் அணி நண்பா் குழு இணைந்து முருகேசன் நாடாா் நினைவு கோப்பைக்கான முதலாம் ஆண்டு மாநில அளவிலான கல்லூாி மாணவ-– மாணவிகளுக்கான மின்னொளி கபடி போட்டி சந்தனமாரியம்மன் கோவில் மைதானத்தில் நடந்தது.
இந்த போட்டியில் மாநிலம் முழுவதும் இருந்து பல்வேறு அணிகள் கலந்து கொண்டு விளையாடின.
பெண்களுக்கான இறுதி போட்டியில் தூத்துக்குடி செயின்ட் மேரிஸ் கல்லூரி அணியும், கோபிசெட்டி பாளையம் பி.கே.ஆர். அணியும் விளையாடின. இதில் கோபிசெட்டிபாளையம் அணி வெற்றி பெற்றது.
ஆண்களுக்கான இறுதி போட்டியில் சென்னை நியூ கல்லூரி அணியும், கரூர் சேகரன் கல்லூரி அணியும் விளையாடின.
இதில் சென்னை நியூ கல்லூரி அணி வெற்றி பெற்றது. தொடர்ந்து போட்டிகளில் வெற்றி பெற்ற அணிகளுக்கான
பரிசளிப்பு விழா நடந்தது.
விழாவில் மீன்வளம், மீனவர்நலன் மற்றும் கால்நடை பராமரிப்புத்துறை அமைச்சர் அனிதா ஆர். ராதாகிருஷ்ணன் கலந்து கொண்டு வெற்றி பெற்ற அணிகளுக்கு ரூ.25 ஆயிரம் ரொக்கப்பரிசு மற்றும் கோப்பைகளையும் வழங்கி பாராட்டினார்.
போட்டி ஏற்பாடுகளை அர்ஜூனா விருது பெற்ற மணத்தி
கணேசன், அமெச்சூா் கபடி கழக இணைச்செயலாளர் கந்தன் ஆகியோர் செய்து இருந்தனா்.
விழாவில் மேயர் ஜெகன் பொியசாமி, மாநில வா்த்தக அணி இணைச்செயலாளர் எஸ்.ஆர்.எஸ். உமாிசங்கா், மாவட்ட இளைஞர் அணிஅமைப்பாளர் பை.மூ.ராமஜெயம், விளையாட்டு மேம்பாட்டு அணி அமைப்பாளர் ஜனகா், வக்கீல் அணி அமைப்பாளர் செல்வகுமாா், தொழிலதிபா் பாலகிருஷ்ணன், தலைமைச் செயற்குழ உறுப்பினர் செந்தூா்மணி உள்பட பலர் கலந்து கொண்டனர்.