புதுடெல்லி, செப். 9 –
காங்கிரஸ் தலைவர்
மல்லிகார்ஜுன கார்கே வெளியிட்டுள்ள சமூக வலை தளப்பதிவில்,
கடந்த 2023-ம் ஆண்டு கர்நாடகாவில் நடைபெற்ற தேர்தலில், ஏராளமானோரின் வாக்குரிமை பறிக்கப்பட்டதாக குற்றம்சாட்டியுள்ளார்.
குறிப்பாக, கர்நாடகாவின் ஆலந்து என்ற சட்டமன்றத் தொகுதியில்,
பா.ஜ.க.வுக்கு ஆதரவாகஏராளமான போலி வாக்குகள்சேர்க்கப்பட்டதாகவும், பா.ஜ.க.வுக்கு எதிரான வாக்காளர்கள் என கருதப்பட்ட பலரின் வாக்குகள் நீக்கப்பட்டதாகவும் தெரிவித்துள்ளார்.
கர்நாடக அரசு, சி.ஐ.டி.விசாரணைக்கு உத்தரவிட்டதாகவும், ஆனால், தேர்தல் ஆணையத்தின் அதிகாரப்பூர்வ இணையதளத்தில் இருந்த ஆவணங்களை எடுக்க முடியாத நிலையை ஆணையம் ஏற்படுத்திய தாகவும் குற்றம்சாட்டி னார்.
இதுதொடர்பான ஆதாரங்களை காங்கிரஸ் கட்சி அம்பலப்படுத்தியுள்ளதாக தெரிவித்துள்ள கார்கே, வாக்குரிமை பறிப்பு பின் னணியில் பா.ஜ.க. இருப்பதாகவும், பா.ஜ.க.வின் ஒரு பிரிவாக தேர்தல் ஆணையம் செயல்படுவதாகவும் குற்றம்சாட்டியுள்ளார்.
வாக்காளர்கள் பற்றிய விபரங்கள், தேர்தல் ஆணையத்தின்இணைய தளத்தில் திடீரென மறைக்கப்பட்டது ஏன் என்றும், யாரைக் காப்பாற்ற இந்த நடவடிக்கையை தேர்தல் ஆணையம் மேற்கொண்டது என்றும் வினவி யுள்ளார்.
பா.ஜ.க.வின் அழுத்தத்திற்கு தேர்தல் ஆணையம் அடிபணிந்து, வாக்குத்திருட்டு குறித்த விசாரணையை பலவீனப்படுத்தி உள்ளதாகவும் மல்லிகார்ஜுன கார்கே குற்றம்சாட்டி யுள்ளார். தனிநபர் ஒவ்வொருவரின் வாக்குரிமை பாதுகாக்கப்பட வேண்டியது இந்திய ஜனநாயகத்தின் கடமை என்றும் காங்கிரஸ் தலைவர்கார்கே குறிப்பிட்டுள்ளார்.