திருப்பூர் மாவட்டம், பல்லடம் ஒன்றியம், சுக்கம்பாளையத்தில் சிறிய அளவிலான ஜவுளி பூங்கா திட்டத்தின் கீழ் கார்த்திகேயா வீவிங் பார்க் ஜவுளி பூங்காவினை தமிழ் வளர்ச்சி மற்றும் செய்தித்துறை அமைச்சர் மு.பெ.சாமிநாதன், கைத்தறி மற்றும் துணிநூல் துறை அமைச்சர் ஆர்.காந்தி, மனிதவள மேலாண்மைத்துறை அமைச்சர் என்.கயல்விழி செல்வராஜ் ஆகியோர் திறந்து வைத்து பார்வையிட்டனர். இதில் அரசு செயலாளர் (கைத்தறி, கைத்திறன், துணிநூல் மற்றும் கதர்த்துறை) வி.அமுதவல்லி, இயக்குநர் (துணிநூல் துறை) இரா.லலிதா, மாவட்ட ஆட்சித்தலைவர் டாக்டர்.மனிஷ் நாரணவரே, மண்டல துணை இயக்குநர் (துணிநூல் துறை) செ.தமிழ்ச்செல்வி உள்பட மாநில, மாவட்ட, ஒன்றிய, நகர கழக நிர்வாகிகள், உள்ளாட்சி அமைப்புகளின் பிரதிநிதிகள், சார்பு அணிகளின் அமைப்பாளர்கள் துணை அமைப்பாளர்கள் பலர் கலந்து கொண்டனர்.