திருவள்ளூர் அக். 10–
திருவள்ளுர் மாவட்ட ஆட்சியர் அலுவலக பெருந்திட்ட வளாகத்தில் உள்ள மாவட்ட ஊரக வளர்ச்சி முகமை கூட்டரங்கில் வருவாய் மற்றும் பேரிடர் மேலாண்மைத் துறை சார்பில் வடகிழக்கு பருவமழை முன்னேற்பாடுகள் தொடர்பான ஆய்வுக் கூட்டம்
சிறுபான்மையினர் நலன் மற்றும் வெளிநாடு வாழ் தமிழர் நலத்துறை அமைச்சர் ஆவடி சா.மு.நாசர் தலைமையில் நடைபெற்றது.
அப்போது அமைச்சர் செய்தியாளர்களிடம் கூறியதாவது:
தமிழ்நாடு முதலமைச்சர் அவர்களின் உத்தரவின்படி வர இருக்கின்ற வடகிழக்கு பருவமழை ஏற்படுகின்ற நிகழ்வுகளை முன்னெச்சரிக்கை நடவடிக்கைகள் மேற்கொள்ள வேண்டும் என்கிற அடிப்படையில் பேரிடர் மேலாண்மை துறை வாயிலாக மாவட்ட ஆட்சித் தலைவர் அவர்கள் அனைத்து துறை அதிகாரிகளை ஆய்வு கூட்டத்தில் அவர்களுக்கு தகுந்த அறிவுரைகள் மற்றும் வழிகாட்டுதல்கள் வழங்கி அதன் அடிப்படையில் இந்த பேரிடர் மேலாண்மையில் மேற்கொள்ளப்பட வேண்டிய பாதுகாப்பு முன்னெச்சரிக்கை நடவடிக்கைகள் தொடர்பாக அனைவருக்கும் அறிவுறுத்தப்பட்டு, குறிப்பாக கடந்த 2015 இல் ஏற்பட்ட பேரிடர் அது இயற்கை பேரிடர் என்பதை விட செயற்கை பேரிடர் என்று சொல்லலாம். அதுபோன்ற நிகழ்வு மீண்டும் ஒருமுறை ஏற்படக் கூடாது என்பதற்காக தான் மாண்புமிகு தமிழ்நாடு முதலமைச்சர் அவர்களின் இவ்ஆய்வுக் கூட்டத்தை நடத்த வேண்டும் என அறிவுறுத்தினார். கடந்த காலத்தில் 34 செ.மீ மழையிலேயே ஏறக்குறைய எவ்வித விதமான முன் அறிவிப்பின்றி இரவோடு இரவாக 29 ஆயிரம் கன அடி தண்ணீர் திறந்து விட்டதின் விளைவு சென்னையினுடைய பல பகுதியில ஏறக்குறைய ஒன்றரை லட்சம் கால்நடைகளுக்கு பாதிப்பும், 18 லட்சம் பேர் இடம் பெயரும் சூழ்நிலை ஏற்பட்டு ஒரு லிட்டர் பால் 180 ஒரு பிரட் 180 இருக்கக்கூடிய நிலை இருந்தது. அந்த நிலை எல்லாம் ஏற்படக்கூடாது என்பதற்காக மாண்புமிகு தமிழ்நாடு முதலமைச்சர் அவர்கள் சீரிய தலைமையில் ஆட்சி அமைந்த காலத்திலிருந்து பேரிடர் மேலாண்மை கூட்டத்தைக் கூட்டி அதன் அடிப்படையில் 2023 கடந்த ஏறக்குறைய 47 ஆண்டுகளுக்கு முன்பு பெய்யதா அளவுக்கு மழை, கிட்டதட்ட 43 செ.மீ அளவுக்கு ஏறக்குறைய 36 மணி நேரத்தில் சிறப்பான முறையில் அதிகாரிகள் மேற்கொண்டு நடவடிக்கையினால் எவ்விதமான இடர்பாடுகள் இல்லாமல் சரியான முறையில் செயல்பட்டார்கள். அதேபோன்று வருகின்ற பேரிடரையும் எதிர்கொள்ள வேண்டும் என்பதற்காக தான் இன்று மாவட்ட ஆட்சித் தலைவர் அவர்கள் இந்த ஆய்வுக் கூட்டத்தை நடத்தி மாண்புமிகு தமிழ்நாடு முதலமைச்சர் அவர்களின் உத்தரவுகளை எல்லாம் பொதுமக்களை பாதுகாக்க வேண்டும் என்பதை முக்கிய கருபொருளாக கொண்டு இக்கூட்டம் சீரிய முறையில் நடத்தப்பட்டது என சிறுபான்மையினர் நலன் மற்றும் வெளிநாடு வாழ் தமிழர் நலத்துறை அமைச்சர் அவர்கள் செய்தியாளர்களிடம் கூறினார்.
வருவாய் மற்றும் பேரிடர் மேலாண்மைத் துறை, காவல் துறை , தீயணைப்பு மற்றும் மீட்புப் பணித்துறை, ஊரகவளர்ச்சித் துறை , மாநகராட்சி / நகராட்சி மற்றும் பேரூராட்சி , பொதுப்பணித்துறை (பராமரித்தல் ரூ கட்டுமானம்), உணவு பொருள் வழங்கல் துறை, தமிழ்நாடு நுகர்பொருள் வாணிபக் கழகம்இ இணைப் பதிவாளர்இ கூட்டுறவு சங்கங்கள், நெடுஞ்சாலைத்துறை , சுகாதாரத் துறை, வேளாண்மைத்துறை , போக்குவரத்துத் துறை, வனத்துறை , முதன்மை கல்வி அலுவலர், திருவள்ளூர், பால்வளத்துறை (ஆவின்), மின்சார வாரியம் , மக்கள் தொடர்பு அலுவலர் , கால்நடைபராமரிப்புத் துறை ,மீன்வளத் துறை ஆகிய துறை சார்ந்த அலுவலர்கள் கலந்து கொண்டனர். .இந்நிகழ்ச்சியில் மாவட்ட ஆட்சித் தலைவர் மு.பிரதாப், திருவள்ளுர் நாடாளுமன்ற உறுப்பினர் ச.சசிகாந்த் செந்தில் சட்டமன்ற உறுப்பினர்கள் திருத்தணி எஸ்.சந்திரன் ஆ.கிருஷ்ணசாமி, டி.ஜெ.கோவிந்தராஜன், துரை சந்திரசேகர் ஆவடி மாநகராட்சி மேயர் கு.உதயகுமார், ஆவடி மாநகராட்சி ஆணையர் ரா.சரண்யா, பொன்னேரி சார் ஆட்சியர் கு.ரவிகுமார், ஆவடி மாநகர துணை ஆணையர்கள் தகே.பெரோஸ்கான் அப்துல்லா, பா.பாலாஜி, மாவட்ட ஊராட்சி முகமை திட்ட இயக்குநர் வை.ஜெயக்குமார், திருவள்ளூர் நகர்மன்ற தலைவர் உதய மலர் பாண்டியன், நகர் மன்ற துணைத் தலைவர் சி.சு. ரவிச்சந்திரன், உள்பட பல்வேறு அரசு துறை அதிகாரிகள் உள்ளாட்சி மன்ற தலைவர்கள் துணைத் தலைவர்கள் உள்ளனர்