#Title

தமிழ்நாடு அரசு எம்.ஜி.ஆர். திரைப்பட – தொலைக்காட்சி பயிற்சி நிறுவன வளாகத்தில் குளிர்சாதன வசதியுடன் கூடிய படப்பிடிப்புத்தளம்! திரைப்படத்துறையினர் – சின்னத்திரை – தனியார் நிறுவனங்கள் உரிய அனுமதி பெற்று பயன்பெறலாம்!

சென்னை, அக்.10–

தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சி பயிற்சி நிறுவன வளாகத்தில் உள்ள குளிர்சாதன வசதியுடன் கூடிய படப்பிடிப்புத்தளம் திரைப்படத்துறையினர், சின்னத்திரை மற்றும் தனியார் நிறுவனங்கள் ஆகியோர் அரசு நிர்ணயித்த கட்டணத்தில் படப்பிடிப்பு நடத்த உரிய அனுமதி பெற்று பயன்பெறலாம்

தமிழ்நாடு முதலமைச்சர் அவர்கள் சென்னை தரமணியில் அமைந்துள்ள தமிழ்நாடு அரசு எம்.ஜி.ஆர். திரைப்படம் மற்றும் தொலைக்காட்சி பயிற்சி நிறுவன வளாகத்தில் ரூ.5.09 கோடி செலவில் முழு அளவில் புனரமைக்கப்பட்ட குளிர்சாதன வசதியுடன் கூடிய படப்பிடிப்புத்தளத்தினை 25.08.2025 அன்று காணொலிக் காட்சி வாயிலாக திறந்து வைத்தார்.

தமிழ்நாடு அரசு எம்.ஜி.ஆர். திரைப்படம் மற்றும் தொலைக்காட்சி பயிற்சி நிறுவன வளாகத்தில் ஒப்பனை அறைகள், அலங்கார உடை அறை, உணவு அருந்தும் அறை ஆகியவை இணைந்த குளிர்சாதன வசதியுடன் கூடிய சுமார் 17,517 சதுர அடியில் அமைந்துள்ள இந்த படப்பிடிப்புத்தளம் திரைப்படத்துறையினருக்கு மிகுந்த பயனளிக்கும்.

மேலும், தமிழ்நாடு அரசு எம்.ஜி.ஆர். திரைப்படம் மற்றும் தொலைக்காட்சி பயிற்சி நிறுவன வளாகத்தில் உள்ள குளிர்சாதன வசதியுடன் கூடிய படப்பிடிப்புக்கான கட்டணங்களை கீழ்க்கண்ட வாறு அரசு நிர்ணயித்து ஆணையிடப்பட்டுள்ளது.

(ஒரு கால்ஷீட் = 12 மணிநேரம்) (1 Call Sheet = 12 Hours), படப்பிடிப்பு கட்டணம் 2025 மற்றும் ரூ.18% GSTகட்டணம் (SGST 9% + CGST 9%) விவரம் வருமாறு:–

1. படப்பிடிப்புத்தளம் (குளிர்சாதன வசதியுடன் ) Shooting floor (With AC) – ரூ. 60,000 – ரூ.10,800

2. படப்பிடிப்புத்தளம் (குளிர்சாதன வசதியில்லாமல் ) Shooting floor (Non AC) – ரூ. 40,000 – ரூ.– 7,200/–

3. செட் ஒர்க்ஸ் மற்றும் செட் ஒர்க்ஸ் பிரிப்பதற்கும் (குளிர்சாதன வசதி இல்லாமல்) (Set work/ Removal set works (Non Ac) – ரூ.35,000 – ரூ. –6,300.

4. ஒப்பனை அறை (குளிர்சாதன வசதியுடன் ) Makeup Room (with AC) – ரூ.7,000 – ரூ. –1,260.

5. ஒப்பனை அறை (குளிர்சாதன வசதி இல்லாமல் ) Makeup Room (Non AC) – ரூ. 4,000 – ரூ. –720.

6. சிறு அறை (குளிர்சாதன வசதி இல்லாமல் ) Mini Hall (Non AC) – ரூ. 25,000–ரூ. 4,500.–

7. சிறு அறை நடைக்கூடம்வராண்டா (Mini Hall Corridor Veranda) – ரூ. 25,000 – ரூ. 4,500.

8. காத்திருப்புக் கட்டணம் நாள் ஒன்றுக்கு (Waiting Chargesper day) – ரூ.30,000.–ரூ. 5,400.

9. துப்புரவுக் கட்டணம் (Cleaning charges) – ரூ.6,000–

மேற்படி படப்பிடிப்பு கட்டணங்களை வசூலிப்பது குறித்த வழிகாட்டு நெறிமுறைகள் பின்வருமாறு:

• இவ்வளாகத்தில் நடைபெறும் படப்பிடிப்புக்கான அனுமதி, இயக்குநர், செய்தி மக்கள் தொடர்புத்துறை தலைமைச்செயலகம், சென்னை –9 அவர்களிடமிருந்து பெறப்பட வேண்டும்.

• தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சி பயிற்சி நிறுவனம் , தரமணி , சென்னை – 113 படப்பிடிப்பு கட்டணங்களை முதல்வர் (மு.கூ.பொ)அவர்கள் வசூலிப்பார்.

• குளிர்சாதன வசதியுடன் கூடிய படப்பிடிப்புத் தளத்திற்கான முன்வைப்புத் தொகை ரூ.20,000/– வசூலிக்கப்படும். படப்பிடிப்பு முடிந்த பின், விதிமுறைகளுக்கு உட்பட்டு முன்வைப்புத் தொகை திரும்ப வழங்கப்படும்.

• அட்டவணையின்படி, ஒவ்வொரு கால்ஷீட்டுக்கும் 12 மணி நேரம் எனப் படப்பிடிப்புக்கான கட்டணம் நிர்ணயிக்கப்பட்டுள்ளது.

எனவே, தமிழ்நாடு அரசு எம்.ஜி.ஆர் திரைப்படம் மற்றும் தொலைக்காட்சி பயிற்சி நிறுவன வளாகத்தில் அமைந்துள்ள குளிர்சாதன வசதியுடன் கூடிய படப்பிடிப்புத் தளத்தில் படப்பிடிப்பு நடத்த விரும்பும் திரைப்படத் துறையினர், சின்னத்திரை மற்றும் தனியார் நிறுவனங்கள் ஆகியோர் இயக்குநர் ,செய்தி மக்கள் தொடர்புத்துறை அவர்களிடம் முன்அனுமதி பெற்று, அரசால் நிர்ணயிக்கப்பட்ட கட்டணங் களை செலுத்தி, உரிய அனுமதியுடன் இவ்வசதிகளைப் பயன்படுத்தலாம் என தெரிவித்துக்கொள்ளப்படுகிறது.

வேளச்சேரி மேற்கு பகுதி 177வது வார்டில் உள்ள காந்தி சாலை, சேவா நகர் சமூகநலக்கூடத்தில் உங்களுடன் ஸ்டாலின் முகாம் நடைபெற்றது. இம்முகாமில் பொதுமக்களின் பல்வேறு அரசு துறை சார்ந்த கோரிக்கை மனுக்களை ஏற்கப்பட்டு நிவர்த்தி செய்யப்பட்டது. பொதுமக்களுக்கு காலை சிற்றுண்டி, மதிய உணவு உள்ளிட்டவைகளை வார்டு மாமன்ற உறுப்பினர் வேளச்சேரி பெ.மணிமாறன் செய்து கொடுத்தார். இந்நிகழ்வில் பகுதி செயலாளர் வே.ஆனந்தம், மண்டலகுழு தலைவர் இரா.துரைராஜ், வட்ட செயலாளர்கள் ஜி.பி.எஸ்.பாலசதீஷ், பொ.த.மதிவாணன், த.பார்த்திபன், உள்ளிட்ட கழக நிர்வாகிகள் கலந்துகொண்டனர்.