கோவை, அக். 10 –

‘‘நாட்­டின் புத்­தொ­ழில் மைய­மா­கத் தமிழ்­நாட்டை கட்­ட­மைப்­போம்’’ என்று கோவை­யில் உலக புத்­­தொழில் மாநாட்டை தொடங்கி வைத்து முதல்­வர் மு.க.ஸ்டாலின் அவர்­கள் உரை­யாற்­றும் போது நம்­பிக்கை தெரி­வித்­தார். மேலும் மாநி­லத்­தின் புத்­தொ­ழில் சூழலை வலுப்­ப­டுத்­தும் வித­மாக 100 கோடி ரூபாய் ஒதுக்­கீட்­டில், “இணை உரு­வாக்க நிதி­யம்” தொடங்­கப்­ப­டும் எனவும் கூறினார்.

முதல்வர் மு.க.ஸ்டாலின் அவர்­கள் நேற்று (9.10.2025) கோயம்­புத்­தூர், கொடி­சியா வளா­கத்­தில், தமிழ்­நாடு புத்­தொ­ழில் மற்­றும் புத்­தாக்க இயக்­கத்­தின் “உலக புத்­தொ­ழில் மாநாடு -2025” தொடங்கி வைத்து, ஆற்­றிய உரை வரு­மாறு :–

முத­லில், இந்த உலக புத்­தொ­ழில் மாநாட்டை மிகச் சிறப்­பாக ஏற்­பாடு செய்­தி­ருக்­கின்ற இந்­தத் துறை­யின் அமைச்­சர் அன்­ப­ர­சன் அவர்­க­ளை­யும், செய­லா­ளர் அதுல் ஆனந்த், அவர்­க­ளை­யும், இயக்க இயக்­கு­நர் சிவ­ராஜா அவர்­க­ளுக்­கும் என்­னு­டைய பாராட்­டுக்­க­ளை­யும், வாழ்த்­து­க­ளை­யும் நான் தெரி­வித்­துக் கொள்ள விரும்­பு­கி­றேன்.

அமைச்­சர் அன்­ப­ர­சன் அவர்­கள், நம்­மு­டைய அர­சுக்கு சிறு, குறு தொழி­லுக்கு சிறந்த அரசு எனப் பெயர் வாங்­கிக் கொடுத்­துள்­ளார். இங்கே பேசிய சங்­கர் வான­வ­ரா­யர் சொன்­ன­து­போல, இந்த மாநாடு கோவை­யில் நடப்­பது மிக மிக பொருத்­த­மா­னது.

இது­போன்ற தொழில் மாநா­டு­கள், தமிழ்­நாட்­டின் தொழில் துறை வளர்ச்­சியை மட்­டும் அல்­லா­மல்; மாநி­லத்­தின் ஒட்­டு­மொத்த வளர்ச்­சிக்­கும் சான்­றாக அமைந்­தி­ருக்­கி­றது!

தொழில் வள­ரு­கி­றது என்­றால், அந்த நிறு­வ­னம் மூல­மாக மாநி­லம் வள­ரு­கி­றது. வேலை­வாய்ப்­பு­கள் மூல­மாக குடும்­பங்­க­ளும் வள­ரு­கி­றது; வாழு­கி­றது! அந்த வகை­யில், வளர்ச்­சி­யின் அடை­யா­ள­மா­கத் தொழில் நிறு­வ­னங்­கள் இருக்­கி­றது.

இலக்கை அடைய

முனைப்­பு­டன் செய­லாற்­று­வோம்!

அமை­தி­யான, சட்­டம் ஒழுங்குசிறப்­பாக இருக்­கின்ற மாநி­லத்­தைத் தேடித்­தான் தொழில் துறை­யி­னர் வரு­வார்­கள். தமிழ்­நாட்­டில், நிம்­ம­தி­யாக தொழில் நிறு­வ­னத்தை நடத்­த­லாம் என்ற நம்­பிக்­கை­யின் அடை­யா­ள­மா­க­தான் இது­போன்ற மாநா­டு­கள் நடை­பெ­று­கி­றது.

நாங்­கள் ஆட்­சிப் பொறுப்­பேற்ற இந்த நான்­கரை ஆண்­டு­க­ளில், எண்­ணற்ற தொழில் திட்­டங்­களை நம்­மு­டைய தமிழ்­நாடு ஈர்த்­தி­ருக்­கி­றது. அதிக முத­லீ­டு­களை ஈர்க்­கக்­கூ­டிய உயர் தொழில்­நுட்­பம் வாய்ந்த தொழில்­க­ளை­யும், அதிக எண்­ணிக்­கை­யி­லான வேலை­வாய்ப்­பு­களை உரு­வாக்­கக்­கூ­டிய தொழில்­க­ளை­யும் ஈர்த்­தி­ருக்­கி­றோம். அதன் மூல­மாக, 2030-ஆம் ஆண்­டுக்­குள் தமிழ்­நாட்டை 1 டிரில்­லி­யன் டாலர் பொரு­ளா­தா­ர­மாக மாற்ற வேண்­டும் என்­கின்ற இலக்கை அடை­வ­தற்­காக நம்­மு­டைய அரசு முனைப்­பு­டன் செய­லாற்­றிக் கொண்­டி­ருக்­கி­றது.

பெரிய தொழில்­கள் மட்­டு­மல்ல, MSME தொழில்­க­ளும் இதில் முக்­கி­யப் பங்­காற்­று­கி­றது. அதே போல, புதிய, புதிய புத்­தாக்­கத் தொழில்­க­ளும் இதில் முக்­கி­யப் பங்­காற்­று­கி­றது. புதிய சிந்­த­னை­கள், புதிய முயற்­சி­கள் தொழில் துறைக்­குள் வர­வேண்­டும். அதற்­கான முயற்­சி­க­ளை­யும், ஊக்­கு­விப்­பை­யும் நம்­மு­டைய அரசு தொடர்ந்து செய்து கொண்­டி­ருக்­கி­றது.

தொழில்­து­றை­யைப் பொறுத்­த­வ­ரைக்­கும், நம்­மு­டைய திரா­விட மாடல் அர­சின் இலக்கு என்­ன­வென்­றால், தமிழ்­நாட்­டின் அனைத்­துப் பகு­தி­க­ளி­லும், புத்­தொ­ழில் சார்ந்த விழிப்­பு­ணர்வு பர­வ­வேண்­டும்!

புத்தொழில் சார்ந்த விழிப்புணர்வு!

பெண்­கள், இளை­ஞர்­கள், விளிம்­பு­நிலை மக்­கள், மாற்­றுத்­தி­ற­னா­ளி­கள், திரு­நங்­கை­யர் என்று அனைத்­துத் தரப்பு மக்­க­ளுக்­கும், அர­சின் புது­யுக தொழில்­மு­னைவு சார்ந்த திட்­டங்­கள் சென்­ற­டைய வேண்­டும்! அதற்­காக, பல முற்­போக்கு திட்­டங்­களை தொடர்ந்து செயல்­ப­டுத்­திக் கொண்­டி­ருக்­கி­றோம்.

உல­கின் தலை­சி­றந்த புத்­தொ­ழில் மைய­மாக தமிழ்­நாட்டை கட்­ட­மைப்­ப­து­தான் திரா­விட மாடல் அர­சின் மாபெ­ரும் கனவு. அந்த பய­ணத்­தில், ஒரு முக்­கிய மைல்­கல்­லாக இந்த உல­கப் புத்­தொ­ழில் மாநாடு ஒருங்­கி­ணைக்­கப்­பட்டு இருக்­கி­றது.

ஸ்டார்ட்-­அப் வளர்ச்சி குறித்த விவா­தங்­கள், பெரும்­பா­லும் பில்­லி­யன் டாலர் மதிப்­பீ­டு­கள், பெரிய அள­வி­லான முத­லீ­டு­கள் என்­பதை மைய­மாக கொண்­டு­தான் இருக்­கி­றது. ஆனால், தமிழ்­நாட்­டைப் பொறுத்­த­வரை, புத்­தாக்­கம் மற்­றும் புத்­தொ­ழில் சார்ந்த வாய்ப்­பு­கள், எல்­லோ­ருக்­கும் சென்­ற­டைய வேண்­டும் என்று திட்­ட­மி­டு­கி­றோம். குறிப்­பாக, பின்­தங்­கிய நிலை­யில், விளிம்பு நிலை­யில் இருக்­கின்ற மக்­க­ளுக்­கும் சென்று சேர­வேண்­டும் என்­ப­தில் கவ­ன­மாக இருக்­கி­றோம்.

புத்தொழிலிலும்

சமநீதி கடைப்பிடிப்பு!

புத்­தொ­ழில் கொள்­கை­யி­லும் சமூ­க­நீதி! அது­தான், திரா­விட மாடல் பாலிசி! இப்­படி, நாம் எடுத்­துக்­கொண்டு வரு­கின்ற தொடர் முயற்­சி­க­ளால், தமிழ்­நாட்­டின் புத்­தொ­ழில் சூழ­லில், குறிப்­பி­டத்­த­குந்த மாற்­றங்­களை நிகழ்த்­திக் காட்­டி­யி­ருக்­கி­றோம்.

கடந்த 4 ஆண்­டு­க­ளில், அதற்கு முன்­னால் இருந்­ததை விட, ஆறு மடங்கு புத்­தொ­ழில் நிறு­வ­னங்­கள் ஒன்­றிய அர­சின் தளத்­தில் புதி­தாக பதிவு செய்­யப்­பட்­டி­ருக்­கி­றது. நம்­ப­ரில் சொல்ல வேண்­டும் என்­றால், 2 ஆயி­ரத்து 32-ஆக இருந்த எண்­ணிக்கை, இப்­போது 12 ஆயி­ரத்­தை­யும் தாண்டி உயர்ந்­தி­ருக்­கி­றது. இதில், எனக்கு பர்­ச­னலா மகிழ்ச்­சி­யான செய்தி என்ன தெரி­யுமா? இந்த 12 ஆயி­ரத்­தில் சரி­பாதி நிறு­வ­னங்­கள் பெண்­கள் தலை­மை­யேற்று நடத்­து­கின்ற நிறு­வ­னங்­கள் என்­ப­து­தான்!

முதலிடம் வந்துள்ள தமிழ்நாடு!

• சிறந்த புத்­தொ­ழில் கட்­ட­மைப்பு கொண்ட மாநி­லங்­க­ளின் தர­வ­ரி­சைப் பட்­டி­ய­லில், 2018-ஆம் ஆண்டு கடைசி நிலை­யில் இருந்த தமிழ்­நாடு, நான்கே ஆண்­டு­க­ளில், 2022-ஆம் ஆண்டு முதல் இடத்­திற்கு உயர்ந்­தி­ருக்­கி­றது.

• “ஸ்டார்ட்-­அப் ஜீனோம்” அமைப்பு வெளி­யிட்ட “உல­க­ளா­விய புத்­தொ­ழில் சூழ­மைவு அறிக்கை 2024’’-ன்படி, ஆசிய அள­வி­லேயே 18-ஆவது இடத்­தில் சென்னை இருக்­கி­றது.

• நிதி ஆயோக்­கின்­கீழ் செயல்­ப­டும் ‘அட்­டல் இன்­னோ­வே­ஷன் மிஷன்’ அமைப்­பா­னது புத்­தாக்க சூழ­மைவு சிறப்­பாக இருக்க மாநி­லங்­க­ளில் முன்­மா­திரி மாநி­ல­மாக தமிழ்­நாட்டை அங்­கீ­க­ரித்­தி­ருக்­கி­றது.

• “அவுட்­லுக் பிசி­னஸ்” இதழ் வெளி­யிட்ட 2024-ஆம் ஆண்­டுக்­கான புத்­தொ­ழில் சூழ­மை­வில் சிறப்­பாக செயல்­ப­டு­கின்ற மாநி­லங்­கள் வரி­சை­யில் நாட்­டி­லேயே முதல் மூன்று மாநி­லங்­க­ளில் தமிழ்­நாடு இடம் பிடித்­தி­ருக்­கி­றது.

• சமீப கால­மாக, தமிழ்­நாட்­டில் உள்ள புத்­தொ­ழில் நிறு­வ­னங்­க­ளின் முத­லீடு திரட்­டும் திற­னும் உயர்ந்து வரு­கி­றது.2016-ஆம் ஆண்டு 1 மில்­லி­யன் டால­ராக இருந்­தது. 2024-ஆம் ஆண்டு, 6 மில்­லி­யன் டால­ராக அது உயர்ந்­தி­ருக்­கி­றது என்று ‘இன்க் 42’ அறிக்கை தெரி­விக்­கி­றது. இது, தமிழ்­நாட்­டில் உள்ள புத்­தொ­ழில் நிறு­வ­னங்­கள் மீது முத­லீட்­டா­ளர்­கள் வைத்­தி­ருக்­கின்ற நம்­பிக்­கையை வெளிப்­ப­டுத்­து­கி­றது.

முதலமைச்சர் மு.க.ஸ்டாலின் அவர்கள் நேற்று (9.10.2025) குறு, சிறு மற்றும் நடுத்தரத் தொழில் நிறுவனங்கள் துறையைச் சார்ந்த தமிழ்நாடு புத்தொழில் மற்றும் புத்தாக்க இயக்கத்தின் சார்பில், கோயம்புத்தூர், கொடிசியா வர்த்தக வளாகத்தில் ‘‘உலக புத்தொழில் மாநாடு 2025’’”-யைத் தொடங்கி வைத்து, “Highlights of Startup Vision Report 2035 for Tamil Nadu” அறிக்கையை வெளியிட்டார். இம்மாநாட்டில், அமைச்சர்கள் எ.வ. வேலு, சு. முத்துசாமி, தா.மோ.அன்பரசன், மு.பெ. சாமிநாதன், முனைவர் டி.ஆர்.பி. ராஜா, உகாண்டா நாட்டின் அறிவியல், தொழில்நுட்பம் மற்றும் புத்தாக்க துறை அமைச்சர் திருமதி மோனிகா முசெனெரோ மசன்சா, சுவிஸ் நாடாளுமன்றத்தின் உறுப்பினர் டாக்டர் நிக்கலஸ் சாமுவேல் குகர், நாடாளுமன்ற உறுப்பினர்கள் கணபதி பி. ராஜ்குமார், கே. ஈஸ்வரசாமி, சட்டமன்ற உறுப்பினர் வி. செந்தில்பாலாஜி, துபாய் சிலிகான் ஓயாசிஸ் மூத்த துணைத் தலைவர் கானிம் அல்-பலாசி, ஒன்றிய அரசின் மின்துறை, தகவல் தொழில்நுட்பத் துறை செயலாளர் கிருஷ்ணன், குறு, சிறு மற்றும் நடுத்தரத் தொழில் நிறுவனங்கள் துறை கூடுதல் தலைமைச் செயலாளர் முனைவர் அதுல் ஆனந்த், கோயமுத்தூர் மாவட்ட ஆட்சித் தலைவர் பவன்குமார் க. கிரியப்பனவர், ஆசியா பெர்லின் தலைமை நிர்வாக அலுவலர் மார்டன் ராசன்பெர்க் மற்றும் அரசு உயர் அலுவலர்கள் கலந்து கொண்டனர்.