அரியலூர், அக்.10- –
அரியலூர் மாவட்டம், குன்னம் தொகுதி செந்துறை ஒன்றியம் முல்லையூர் மற்றும் உகந்த நாயக்கன் குடிக்காடு ஆகிய கிரா மங்களில் அனைவருக்கும் சுத்தமான குடிநீர் வழங்கவேண்டும் என்பதை உறுதி செய்யும் திராவிட மாடல் அரசின் லட்சியப் பயணத்தில் மக்கள் சுகாதாரமான சுத்தமான குடிநீரை பயன்படுத்திக் கொள்ளும் வகையில் நெய்வேலி நிலக்கரி நிறுவனத்தின் சமூக மேம்பாட்டு நீதியிலிருந்து அமைக்கப்பட்ட குடிநீர் சுத்தி கரிப்பு நிலையத்தை போக்குவரத்து மற்றும் மின்சார துறை அமைச்சர் எஸ்.எஸ். சிவசங்கர்திறந்து வைத்து மக்களின் பயன்பாட்டிற்கு கொண்டு வந்தார்.
பின்னர் நடைபெற்ற நிகழ்ச்சியில் அமைச்சர் எஸ்.எஸ்.சிவசங்கர் பேசுகையில்,
முல்லையூர் கிராமத்தில் சாலை வசதி உள்ளிட்ட அடிப்படை வசதிகள் படிப்படியாக செய்யப்பட்டு வருகிறது மேலும் குடிநீர் சுத்திகரிப்பு நிலையம் அமைக்க வேண்டும் என்ற இப்பகுதி பொதுமக்களின் கோரிக்கை இன்று நிறைவேற்றப்பட் டுள்ளது. நம்முடைய பகுதியில் அதிகளவில் உள்ள சிமெண்ட் ஆலைகளின் சுண்ணாம்புக்கல் சுரங்கங் களால் நிலத்தடி நீர்மட்டம் குறைந்துள்ளதோடு குடி நீரின் தன்மையும் மாறி உள்ளது. இதனாலேயே குடிநீர் சுத்திகரிப்பு நிலையம் பல்வேறு பகுதிகளில் அமைக்கப்பட்டு வருகிறது.
அண்மையில் செந்துறைஒன்றியத்தின் சில பகுதிகளில்இந்தியன் ஆயில் கார்ப்பரேஷன்மூலம் குடிநீர் சுத்திகரிப்பு நிலையம் அமைக்க கப்பட்டு செயல்பாட்டில் உள்ளது சட்டமன்ற உறுப்பினர் நிதியிலிருந்து குடிநீர் சுத்திகரிப்பு நிலையம் அமைக்க தடை உள்ளதால்இதுபோன்ற நிறுவனங்களின்சமூக மேம்பாட்டு நிதியி லிருந்து குடிநீர் சுத்திகரிப்பு நிலையம் அமைக்கப்பட்டு வருகிறது. இதன் ஒரு பகுதியாக தான் இன்று முல்லையூரில் குடிநீர் சுத்திகரிப்பு நிலையம் அமைக்கப்பட்டுள்ளது. இதனை அமைத்து தந்த நெய்வேலி நிலக்கரி நிறுவனத்திற்கு எனது நெஞ்சார்ந்த நன்றிகளை தெரிவித்துக் கொள்கிறேன்.
1986 ஆம் ஆண்டு நான் பொறியியல் படித்த போது நெய்வேலி நிலக்கரி நிறுவனத்தில் இன்டர்ன்ஷிப்காக சென்றிருக்கிறேன் பின்னர் எம்.எல்.ஏ.வாகவும், அமைச்சராகவும் நிறுவனத்திற்கு சென்று வந்த நிலையில் முதலமைச்சர் மு.க.ஸ்டாலின்அவர்கள் என்னை மின்சாரத்துறை அமைச்சராக நியமித்தபோது மின்சாரத் துறை அமைச்சர் என்ற முறையில் நான் இந்நிறுவனத்திற்கு சென்று வந்துள்ளது மிகுந்த மகிழ்ச்சி அளிக்கிறது.
இந்தியாவில் மிகச்சிறந்த நிறுவனமாக நெய்வேலி நிலக்கரி நிறுவனம் செயல்பட்டு வருகிறது. நெய்வேலி நிலக்கரி நிறுவனம் கடலூர் மாவட்டத்தில் பல்வேறு சமூக மேம்பாட்டு திட்டங்களை செயல்படுத்தி வருவதுபோல் அரியலூர் மாவட்டத்திலும் பல்வேறு சமூக மேம்பாட்டு பணிகளை செய்ய வேண்டும் என நிறுவனத்திற்கு நான் கோரிக்கை வைக்கிறேன்.
இன்றைக்கு தமிழ்நாடு முதலமைச்சர் அவர்கள் பல்வேறு மக்கள்நலத்திட்டங்களை செயல்படுத்தி வருகிறார் குறிப்பாக ‘மகளிர் உரிமைத் தொகை திட்டம்’ எந்த மாநிலத்திலும் இல்லாத வகையில் ‘மகளிர் விடியல் பயணம் திட்டம்’, ‘காலை உணவு திட்டம்’ என சிறப்பாக செயல்படுத்தப்பட்டு வருகிறது.
இத்திட்டத்தை பார்த்து மற்ற மாநிலங்களிலும் இத்திட்டத்தை பின்பற்றும் நிலை உள்ளது. மற்ற மாநிலங்களுக்குமுன்மாதிரியாக தமிழ்நாடு முதலமைச்சரின் திட்டங்கள் அமைந்துள்ளது என பெருமிதத்துடன் கூறினார்.