#Title

திருநெல்வேலி – அரசு மருத்துவக்கல்லூரி 60வது ஆண்டு வைர விழா! சிறப்பாகப் பணிபுரிந்த மருத்துவர்கள், மாணவர்களுக்கு பாராட்டுச் சான்றிதழ்கள் – கேடயங்கள்! பேரவைத் தலைவர் மு.அப்பாவு – அமைச்சர் மா.சுப்பிரமணியன் வழங்கினர்!

நெல்லை, அக்.10–

திருநெல்வேலி மாவட்டம் பாளையங்கோட்டை அரசு மருத்துவக்கல்லூரி கூட்டரங்கில் நேற்று முன்தினம் (08.10.2025) நடைபெற்ற 60வது ஆண்டு வைர விழா நிகழ்ச்சியில் தமிழ்நாடு சட்டமன்ற பேரவைத் தலைவர் மு.அப்பாவு, மருத்துவம் மற்றும் மக்கள் நல்வாழ்வுத் துறை அமைச்சர் மா.சுப்பிரமணியன் ஆகியோர் மாவட்டஆட்சித் தலைவர் மரு.இரா.சுகுமார், நாடாளுமன்ற உறுப்பினர் செ.ராபர்ட் புரூஸ், பாளையங்கோட்டை சட்டமன்ற உறுப்பினர் மு.அப்துல் வஹாப், நாங்குநேரி சட்டமன்ற உறுப்பினர் ரூபி.ஆர்.மனோகரன், மாநகராட்சி மேயர் கோ.ராம கிருஷ்ணன், துணை மேயர் கே.ஆர்.ராஜூ, மாவட்ட ஊராட்சித் தலைவர் வி.எஸ்.ஆர்.ஜெகதீஷ், அரசு மருத்துவக் கல்லூரி மருத்துவமனை முதல்வர்.மரு.ரேவதி பாலன், ஆகியோர் முன்னிலையில் வைர விழா மலரினை வெளியீட்டு சிறப்பாக பணிபுரிந்த மருத்துவர்கள், மாணவர்கள் மற்றும் பணியாளர்களுக்கு கேடயங்கள் மற்றும் பாராட்டு சான்றிதழ்களை வழங்கி பாராட்டினார்கள்.

இந்நிகழ்ச்சியில் அமைச்சர் மா.சுப்பிரமணியன் செய்தியாளர்களிடம் தெரிவித்ததாவது:

தமிழ்நாடு முதலமைச்சர் அவர்கள் தலைமையிலான அரசு பொறுப்பேற்ற பிறகு மருத்துவத்துறையில் பல்வேறு சாதனைகளை படைத்து வருகிறது. குறிப்பாக மக்களைத் தேடி மருத்துவ திட்டத்தினை ஐநா சபையால் தமிழ்நாடு அரசிற்கு பாராட்டு தெரிவிக்கப்பட்டு கௌரவிக்கப்பட்டது. அது மட்டுமல்லாமல் நம்மை காக்கும் 48 திட்டம், இதயம் பாதுகாப்போம் திட்டம், பாதம் காப்போம் போன்ற புதிய திட்டங்கள் மூலம் தமிழ்நாடு சுகாதாரத்துறை பிற மாநிலங்களுக்கு முன் மாதிரி மாநிலமாக திகழ்ந்து வருகிறது.

தமிழ்நாடு முதலமைச்சர் அவர்கள் மருத்துவர்கள் மற்றும் மருத்துவமனைகளை நாடி வரும் நோயாளிகளை இனி மருத்துவ பயனாளிகள் ஃமருத்துவ பயனாளர்கள் என அழைக்க வேண்டும் என தனி அரசானை பிறப்பித்துள் ளார்கள். அதன்படி இனி மருத்துவ பயனாளிகள் என மாற்றுவதற்காக நடடிவக்கைகள் படிப்படியாக மேற்கொள்ளப்பட்டு வருகிறது.

திருநெல்வேலி அரசு மருத்துவக்கல்லூரி தொடங்கி 60 ஆண்டு நிறைவு பெற்றதையொட்டி தமிழ்நாடு முதலமைச்சர் அவர்களின் வழிகாட்டுதலின்படி, வைரவிழா நேற்று மிக சிறப்பாக நடைபெற்றது. கடந்த 60 ஆண்டுகளில் பல்வேறு சாதனைகள் புரிந்த திருநெல்வேலி அரசு மருத்துவக்கல்லூரியில் சிறப்பாக பணிபுரிந்த மருத்துவர்களுக்கு விருதுகள் வழங்கப்பட்டுள்ளது. இந்த மருத்து வக்கல்லூரியில் பயின்றுவெளியில் சென்றுள்ள மாணவ,மாணவியர்களுக்கும் விருதுகள் மற்றும் பாராட்டு சான்றிதழ்கள் வழங்கப்பட்டுள்ளது.

இந்த வைர விழா நிகழ்ச்சியில் தலா ரூ.50 இலட்சம் மதிப்பில் நாங்குநேரி சட்டமன்ற தொகுதிக்குட்பட்ட முனைஞ்சிப்பட்டியிலும், அம்பாசமுத்திரம் சட்டமன்ற தொகுதிக்குட்பட்ட பத்தமடை ஆரம்ப சுகாதார நிலையங்கள் இன்று திறந்து வைக்கப்பட்டுள்ளது.

தமிழ்நாடு முதலமைச்சர் அவர்கள் 23.09.2023 அன்று தமிழ்நாட்டில் மூளைச்சாவு ஏற்பட்டு மரண அடைந்தவர்கள் உடல் உறுப்புகள் தானம் செய்யும்பட்சத்தில் தமிழ்நாடு அரசின் சார்பில் அவர்களின் உடலிற்கு அரசு மரியாதை செலுத்தப்படும் என அறிவித்தார்கள். அந்த வகையில் முளைச்சாவு ஏற்பட்டு உடல் உறுப்பு தானம் செய்வதில் இந்தியாவில் தமிழ்நாடு முதலிடமாக உள்ளது. தமிழ்நாட்டில் திருநெல்வேலி மாவட்டம் முதலிடத்தில் உள்ளது.

டெங்கு பாதிப்புகள் எடுத்து கொண்டால் இந்த ஆண்டில் 15,000 நபர்களுக்கு பாதிப்புகள் இருக்கிறது. அதில் 8 நபர்கள் இழப்பு உள்ளாகி உள்ளனர். தமிழ்நாட்டில் டெங்கு பாதிப்புகள் மிகவும் குறைவாகவே உள்ளது. காய்ச்சல் என்றால் தனிச்சையாக மருத்துவ சிகிச்சை எடுத்துக்கொள்ள வேண்டாம் உடனடியாக அரசு மருத்துவமனைக்கு வந்து பரிசோதனை செய்து கொள்ள வேண்டும் என்பது தொடர்பான விழிப்புணர்வு ஏற்படுத்தப்பட்டு வருகிறது. தமிழ்நாடு முதலமைச்சர் அவர்க ளின் தலைமையிலான அரசு பொறுப்பேற்ற நான்காண்டுகளில் பருவமழை காலங்கள் வருவதற்கு முன்னால் முன்னெச்சரிக்கை நடவடிக்கை மேற்கொள்ளப்பட்டதன் காரணமாக இழப்புகளும்,பாதிப்புகளும் குறைந்துள் ளது.

தென்காசி, மயிலாடுதுறை, பெரம்பலூர், காஞ்சிபுரம், திருப்பத்தூர், இராணிபேட்டை ஆகிய 6 மாவட் டங்களில் புதிய மருத்துவக்கல்லூரி தொடங்குவதற்காக ஒன்றிய மருத்துவத்துறை அமைச்சர் அவர்களிடம் கோரிக்கை வைக்கப்பட்டு தொடர்ந்து வலியுறுத்தப்பட்டு வருகிறது.

மத்தியபிரதேசம் மாநிலம் சிந்த்வாரா மாவட்டத்தில் ஏற்பட்ட குழந்தைகள் மரணத்திற்கு தொடர்புடையதாக கருதப்படும் கோல்ட்ரிப் சிரப் மீது நடவடிக்கை எடுக்குமாறு கேட்டுக்கொள்ளப்பட்டது. அதனடிப்படையில் தமிழ்நாடு அரசு சார்பில் துணை மருந்து கட்டுபாட்டு இயக்குநர் தலைமையிலான குழு ஆய்வு மேற்கொண்டுள்ளது. இந்த ஆய்வில் மருந்து விதி மீறல்கள் கண்டறியப்பட்டது. அதன் அடிப்படையில் 01.10.2025 அன்று முதல் தமிழ்நாட்டில் கோல்ட்ரிப் சிரப் விற்பனை தடை செய்யப்படடுள்ளது. இந்த சந்தேகத்திற்குரிய மருந்து பொது மக்களை சென்றடைய கூடாது எந்த உயிரிழப்பும் ஏற்பட கூடாது என்ற உயரிய எண்ணத்தோடு இந்த உத்தரவு பிறப்பிக்கப்பட்டுள் ளது. தமிழ் நாட்டிலிருந்து ஒடிசா மற்றும் புதுச்சேரி மாநிலங்களுக்கு கோல்ட்ரிப் சிரப் விநியோக்கிப்படுவதால் சம்பந்தப்பட்ட மாநிலங்களுக்கும் இதுதொடர்பான தகவல்கள் 01–10–2025 அன்றே மின்னஞ்சல் மூலமாக மேல் நடவடிக்கை எடுப்பதற்காக அனுப்பி வைக்கப்பட்டது.

இதையடுத்து, 03–10–2025 அன்று, ஸ்ரீசன் பார்மசியூட்டிகள், நிறுவனத்திற்கு பொது நலம் கருதி மருந்து உற்பத்தியை உடனடியாக நிறுத்த உத்தரவு (Stop Production Order) பிறப்பிக்கப்பட்டு அந்நிறுவனம் அதிகாரிகளால் உடனடியாக மூடப்பட்டது. மேலும் தொடர் நடவடிக்கையாக ஸ்ரீசன் பார்மசியூட்டிகள் நிறுவனத்தின் மருந்து உரிமங்கள் முழுவதுமாக ஏன் ரத்து செய்யப்படக்கூடாது (Cancellation) என விளக்கம் கேட்டு குறிப் பாணையும் அனுப்பப்பட்டுள்ளது. அந்த நிறுவனத்தின் மீது கிறிமினல் நடவடிக்கை எடுப்பதற்கான நடவடிக்கைகள் மேற்கொள்ளப்பட்டுள்ளது.

இவ்வாறு மருத்துவம் மற்றும் மக்கள் நல்வாழ்வுத் துறை அமைச்சர் மா.சுப்பிர மணியன் செய்தியாளர்களிடம் தெரிவித்தார்.

அதனைத் தொடர்ந்து இன்று 23 வயது இளைஞர் ராபின்சன் கடந்த 5ஆம் தேதி மேல இலந்தைகுளத்தில் இரு சக்கர வாகன விபத்து ஏற்பட்டு மூனைச்சாவு அடைந்தார்கள். அவர்களின் உறவினர்கள் அன்னாரது உடல் உறுப்புகளை தானம் செய்ய முன்வந்துள் ளனர்.

திருநெல்வேலி அரசு மருத்துவக்கல்லூரி வளாகத்தில் வைக்கப்பட்டுள்ள அன்னாரது உடலிற்கு அரசின் சார்பில் தமிழ்நாடு சட்டமன்ற பேரவைத் தலைவர் மு.அப்பாவு, மருத்துவம் மற்றும் மக்கள் நல்வாழ்வுத் துறை அமைச்சர் மா.சுப்பிர மணியன், மாவட்ட ஆட்சித் தலைவர் மரு.இரா.சுகுமார், மக்கள் பிரதிநிதிகள், அரசு அலு வலர்கள் உள்ளிட்ட பலர் மரியாதை செலுத்தினார்கள்.

முன்னதாக, சிறப்பாக சேவைப்புரிந்து ஓய்வுபெற்ற 18 மருத்துவர்களுக்கு நினனவு பரிசுகளும், பல்கலைக் கழக துறைத்தேர்வுகளில் மாநில அளவில் முதல் மதிப்பெண் பெற்ற 50 மாணவ, மாணவியர்களுக்கு பதக்கம் மற்றும் பாராட்டு சான்றிதழ்களும், ஆராய்ச்சி பிரிவு, விளையாட்டு பிரிவு, கலைப்பிரிவு உள்ளிட்ட பல்வேறு பிரிவுகளில் சிறந்து விளங்கிய 12 மாணவர்களுக்கும், திருநெல்வேலி அரசு மருத்துவக்கல்லூரி மருத்துவமனையில் சிறப்பான சேவை புரிந்த அனைத்து துறைகளின் தலைவர்கள் மற்றும் பணியாளர்களுக்கு கேடயங்கள் மற்றும் பாராட்டு சான்றிதழ்கள்வழங்கி கௌரவிக்கப்பட்டது.

இந்நிகழ்ச்சியில் முன்னாள் சட்டப்பேரவைத் தலைவர் திரு.இரா.ஆவுடையப்பன் அவர்கள், முன்னாள் அமைச்சர் டி.பி.எம்.மைதீன்கான், துணை இயக்குநர் சுகாதாரப்பணிகள் மரு.விஜய்சந்திரன், துணை முதல்வர் மரு.சுரேஷ்துறை, மருத்துவ கண்காணிப்பாளர் மரு.பாலசுப்பிரமணியன், துறைத்தலை வர் பொது மருத்துவம் மரு.ரத்னகுமார், முக்கிய பிரமுகர்கள் கிரகம்பெல், உட்பட அரசு அலுவலர்கள், கல்லூரி மாணவர்கள், செவிலியர்கள், என பலர் கலந்து கொண்டனர்.