சென்னை, அக்.10 –
“ ‘காசா’ இனப் படுகொலைக்கெதிராக அனைவரும் கைகோர்ப்போம்” என்றும் “வருகிற 14–அன்று நடைபெறவிருக்கும் சட்டமன்றக் கூட்டத் தொடரில் தாக்குதலைக் கண்டித்தும், உடனடியாகப் போர் நிறுத்தம்தேவை என்பதை வலியுறுத்தியும், அதற்கானமுயற்சியை இந்திய அரசு எடுக்கவேண்டும்”என்றும் வலியுறுத்தியும் தீர்மானம் கொண்டுவரப்படும் என்று முதல்வர் மு.க.ஸ்டாலின் அவர்கள் கண்டன ஆர்ப்பாட்டத்தில் உரையாற்றும்போது கூறினார்.
முதல்வர் மு.க.ஸ்டாலின் அவர்கள்நேற்று முன்தினம் (8.10.2025) சென்னை, எழும்பூரில், காசா இனப்படுகொலைகளைகண்டித்து நடைபெற்றக் கூட்டத்தில் கலந்து கொண்டு, ஆற்றிய உரை வருமாறு:–
காசா இனப்படுகொலைகளைக் கண்டித்து நடைபெறக்கூடிய இந்த கூட்டத்திற்கு வருகை தந்துள்ள உங்கள் அனைவருக்கும் என்னுடைய அன்பான வணக்கம்.
காசா மீது இஸ்ரேல் நடத்தி வரக்கூடிய கண்மூடித்தனமான தாக்குதல்கள், நம் எல்லோருடைய மனதை இன்றைக்கு உலுக்கிக் கொண்டிருக்கிறது. நம்முடைய மனது மட்டுமல்ல, உலகத்தையே இன்றைக்கு உலுக்கிக் கொண்டிருக்கிறது.
பன்னாட்டு மனித உரிமைச் சட்டங்களையும், ஐக்கிய நாடுகள் அவையின் கொள்கைகளையும் அப்பட்டமாக மீறும் இந்தத் தாக்குதல்கள் உடனடியாக நிறுத்தப்பட வேண்டும் என்று வலியுறுத்தி, மனிதநேய பண்போடு நம்மையெல்லாம் ஒருங்கிணைத்து இந்தக் கண்டன கூட்டத்தை மார்க்சிஸ்ட் கம்யூனிஸ்ட் கட்சியைச் சார்ந்த அமைப்பு இதை எழுச்சியோடு ஏற்பாடு செய்திருக்கிறது! எழுச்சியோடு என்று சொல்வதைவிட உணர்ச்சி யோடு இதை ஏற்பாடு செய்திருக்கிறது!
இதற்காக மார்க்சிஸ்ட் கம்யூனிஸ்ட் கட்சியின் தமிழ் மாநிலக் குழுவிற்கும், குறிப்பாக, மாநிலச் செயலாளர் தோழர் சண்முகம் அவர்களுக்கும் என்னுடைய நன்றியை நான் தெரிவித்துக் கொள்ள விரும்புகிறேன்.
இந்த கூட்டத்தில் பங்கெடுத்திருக்கக்கூடிய நாம் மட்டுமல்ல; மனிதநேய சிந்தனை கொண்டிருக்கக்கூடிய ஒவ்வொரு மனிதரும் காசாவில் நடைபெற்றுக்கொண்டிருக்கக்கூடிய இனப்படுகொலையைகண்டித்துக் கொண்டிருக்கிறோம்.
பாலஸ்தீன மக்களுக்கு
மனிதாபிமான ஆதரவு!
பாலஸ்தீன மக்களுக்கு நம்முடையமனிதாபிமான, மனித உரிமை ஆதரவைமனப்பூர்வமாக நாம் வழங்குகிறோம். இதுதான் இந்தக் கண்டன இயக்கத்தின் முழக்கமாக அமைந்திருக்கிறது!
கடந்த ஓராண்டாகவே, காசாவில் இஸ்ரேல் நடத்திக் கொண்டிருக்கக்கூடிய தாக்குதல்கள் அதிகமாகிக் கொண்டிருக்கிறது. இதுவரையில், ஏறக்குறைய 11 ஆயிரம் பெண்கள் - 17 ஆயிரம் குழந்தைகள் - 175 பத்திரிக்கையாளர்கள் - 125 ஐ.நா.ஊழியர்கள் என்று, 50 ஆயிரத்திற்கும்மேற்பட்டோர் கொல்லப்பட்டிருக்கிறார்கள்;
26 ஆயிரம் குழந்தைகள் பெற்றோர்களை இழந்திருக்கிறார்கள்; ஒரு இலட்சத்திற்கும் அதிகமானோர் காயம் ஏற்பட்டு மருத்துமனையில் அனுமதிக்கப்பட்டிருக்கிறார்கள்; சுருக்கமாக சொல்ல வேண்டும் என்றால், ஓராண்டில் காசாவின் பெரும்பகுதி அழிக்கப்பட்டுவிட்டது!
ஆனாலும், இஸ்ரேல் நாட்டின் ஆக்கிரமிப்பு கொள்கைக்கு எதிராக, பாலஸ்தீன மக்கள் தொடர்ந்து போராடிக் கொண்டுதான் இருக்கிறார்கள்.
இஸ்ரேல் இராணுவத்தின்
கொடூரச் செயல்!
அங்கு நடைபெற்றுக்கொண்டிருக்கும் கொடுமைகளுக்கு ஒரு சிறிய எடுத்துக்காட்டுச் சொல்ல வேண்டும் என்றால்,கடந்த ஜூன் மாதத்தில், பட்டினியால் வாடக்கூடிய பாலஸ்தீனர்கள், உணவுப் பொருள்ஏற்றி வரும் லாரியை எதிர்பார்த்துக்
காத்திருந்தபோது, 45 பேரை இஸ்ரேல்இராணுவம் சுட்டுக் கொன்றிருக்கிறார்கள்.உணவுக்காக காத்திருந்தவர்களின் உயிரையே பறித்திருக்கக்கூடிய இந்தக் கொடூரத்தை பார்த்து, எல்லோருடைய இதயமும் நொறுங்கி போயிருக்கிறது.
மனித உரிமைகளுக்கு எதிராக இழைக்கப்படும் கொடுமையான இந்த அநீதிகளைக்கண்டிக்காமல் - அமைதியாக கடந்து செல்ல யாருக்காவது மனதுஒப்புமா?
முதலமைச்சர் மு.க.ஸ்டாலின் அவர்கள் நேற்று முன்தினம் (8.10.2025) சென்னை, எழும்பூரில், காசா இனப்படுகொலைகளைக் கண்டித்து நடைபெற்ற கூட்டத்தில் கலந்துகொண்டு உரையாற்றினார். இந்தக் கூட்டத்தில், மார்க்சிஸ்ட் கம்யூனிஸ்ட் கட்சியின் மாநிலச் செயலாளர் பெ.சண்முகம், திராவிடர் கழகத் தலைவர் கி.வீரமணி, அமைச்சர் பி.கே.சேகர்பாபு, தோழமைக் கட்சித் தலைவர்கள் கு.செல்வப்பெருந்தகை, மு.வீரபாண்டியன்,
தொல்.திருமாவளவன், எம்.எச். ஜவாஹிருல்லா, கே.ஏ.எம். முகமது அபுபக்கர், தி.வேல்முருகன், கே.நித்தியானந்தன், தமிமுன் அன்சாரி,
பழ.ஆசைத்தம்பி, மார்க்சிஸ்ட் கம்யூனிஸ்ட் கட்சியின் அரசியல் தலைமைக் குழு உறுப்பினர்கள் கே.பாலகிருஷ்ணன், திருமதி உ.வாசுகி, ஜி.ராமகிருஷ்ணன் உள்ளிட்ட நிருவாகிகள், நாடாளுமன்ற, சட்டமன்ற இந்நாள், முன்னாள் உறுப்பினர்கள், தோழமைக்கட்சியின் நிருவாகிகள் கலந்துகொண்டனர்.