சென்னை, அக்.10–
பெரியாரியல் அறிஞர் வே.ஆனைமுத்து அவர்களின் நூற்றாண்டு நிறைவு விழா – மலர் வெளியீடு நடைபெறுகிறது. துணை முதல்வர் உதயநிதி ஸ்டா லின் அவர்கள் மலரை வெளியிட்டு சிறப்புரை ஆற்றுகிறார்.
பெரியாரியல் அறிஞர் தோழர் வே.ஆனைமுத்து அவர்களின் நூற்றாண்டு நிறைவு விழா – மலர் வெளியீடு இன்று (10.10.2025 – வெள்ளிக்கிழமை) காலை 10 மணி முதல் பகல் 1.30 மணி வரை இராஜா அண்ணாமலைபுரம், முத்தமிழ்ப் பேரவை, டி.என்.இராச ரத்தினம் அரங்கத்தில் நடைபெறுகிறது.
மார்க்சிய பெரியாரியப் பொதுவுடைமைக் கட்சியின் துணைப் பொதுச் செயலாளரும், புதிய சிந்தனையாளன் ஆசிரியருமான வாலாசா வல்லவன் தலைமையில், சா.குப்பன் வரவேற்புரையில் நடைபெறும் இந்நிகழ்வில் கழக இளைஞரணிச் செயலாளர், தமிழ்நாடு துணை முதலமைச்சர் உதயநிதி ஸ்டாலின் அவர்கள் கலந்து கொண்டு மலரை வெளியிட்டுச் சிறப்புரை ஆற்றுகிறார்.
இந்நிகழ்ச்சியில் கழகத் துணைப் பொதுச் செயலாளர் ஆ.ராசா எம்.பி., போக்குவரத்துத் துறை அமைச்சர் சா.சி.சிவசங்கர், பேராசிரியர் நாகநாதன், திராவிடர் விடுதலைக் கழகத் தலைவர் கொளத்தூர் தா.செ.மணி, தந்தை பெரியார் திராவிடர் கழகப் பொதுச் செயலாளர் கு.இராமகிருட்டிணன், புலவர் செந்தலை கவுதமன், திராவிடர் கழகப் பிரச்சாரச் செயலாளர் வழக்கறிஞர் அ.அருள்மொழி, திராவிட இயக்கத் தமிழர்பேரவைத் தலைவர் சுப.வீரபாண்டியன், மயிலை த.வேலு எம்.எல்.ஏ., மார்க்சிய பெரியாரிய பொதுவுடைமைக் கட்சி பொதுச் செயலாளர் தி.துரை சித்தார்த்தன், தோழர் க.முகிலன் ஆகியோர் கலந்து கொண்டு சொற்பொழிவு ஆற்றுகின்றனர்.
நூற்றாண்டு மலரின் படிகளை வே.ஆனைமுத்து அவர்களின் மூத்த மகள் ஆ.தமிழ்ச்செல்வி, மருமகன் சீனு அரிமாப் பாண்டியன், மூத்த மகன் ஆனை. பன்னீர் செல்வம் மற்றும்சென்னை தென்மேற்கு மாவட்ட தி.மு.க. அவைத் தலைவர் மாம்பலம் ஆ. சந்திரசேகர் ஆகியோர் பெற்றுக் கொள்கிறார்கள்.
மேலும் இதில் மோ.சி.சங்கர், நா.மதனகவி, க.குப்புசாமி, மா.முருகேசன், த.இளவரசன், மீ.டில்லி பாபு, ந.கருணாகரன்,கோ.மு.கருப்பய்யா, மா.முத்தமி ழன், மா.சுப்பிரமணி ஆகியோர் கலந்து கொள்கிறார்கள்.
காஞ்சி சி.நடராஜன் நன்றியுரை ஆற்றுகிறார்.
இவ்விழா ஏற்பாடுகளை மார்க்சியப் பெரியாரியப் பொதுவுடமைக் கட்சி செய்துள்ளது.