மதுரை,அக். 9-
மதுரை தெற்கு மாவட்ட கழக செயல் வீரர்கள் கூட்டம் நாளை
(11-ம் தேதி) நடைபெற உள்ளதில் அமைச்சர்கள் தங்கம் தென்னரசு மற்றும் பி.மூர்த்தி பங்கேற்று தேர்தல் பணி குறித்து சிறப்புரையாற்ற உள்ளதாக தெற்கு மாவட்டச் செயலாளர் சேடபட்டி மு.மணிமாறன் தனது அறிக்கையின் மூலம் தெரிவித்துள்ளார் அதன் விபரம்
கழகத் தலைவர் முதல்வர் மு.க.ஸ்டாலின் அவர்கள் அறிவிப்புக்கு இணங்க மதுரை தெற்கு மாவட்டத்தில் தேர்தல் பணிகள் முழுவீச்சில் நடைபெற்று வருகிறது. மேலும் இப்பணிகளை சிறப்பாக மேற்கொள்ளும் வகையில் நாளை (11.10.2025 –சனிக்
கிழமை) மாலை 5 மணிக்கு திருமங்கலம் அருகில் உள்ள மேலக்கோட்டையில் அமைந்துள்ள ஜி.கே திருமண மண்டபத்தில் தெற்கு மாவட்ட கழக செயல் வீரர்கள் கூட்டம் நடைபெற உள்ளது
இக்கூட்டத்தில் மண்டலப் பொறுப்பாளர், நிதி மற்றும் சுற்றுச்சூழல் துறை அமைச்சர் தங்கம் தென்னரசு, மதுரை வடக்கு மாவட்ட செயலாளர் வணிகவரி மற்றும் பதிவுத்துறை அமைச்சர் பி.மூர்த்தி ஆகியோர் பங்கேற்று தேர்தல் பணி குறித்து பல்வேறு ஆலோசனைகள் வழங்கி சிறப்புரையாற்ற உள்ளனர்
மேலும் கழக ஆக்க பணிகள் குறித்தும் கலந்துரையாட உள்ளதால் இக்கூட்டத்தில் மாநில, மாவட்ட கழக நிர்வாகிகள், தலைமைச் செயற்குழு, பொதுக்குழு உறுப்பினர்கள், ஒன்றிய, நகர, பகுதி, வட்டக்கழக, பேரூர் கழக செயலாளர்கள், அனைத்து அணிகளின் அமைப்பாளர்கள், துணை அமைப்பாளர்கள், கிளை செயலாளர்கள், நிர்வாகிகள், கழக முன்னோடிகள், கழகத்தினர் என அனைவரும் பங்கேற்று சிற்ப்பிக்க வேண்டுமென தெற்கு மாவட்ட செயலாளர் சேடபட்டி மு.மணிமாறன் அறிக்கையின் மூலம் கழகத்தினருக்கு வேண்டுகோள் விடுத்துள்ளார்