நெய்வேலி, அக்.10–
கடலூர் மாவட்டம் நெய்வேலி சட்டமன்றத் தொகுதி, பண்ருட்டி ஒன்றியம், திருவாரூர் ஊராட்சி காமாட்சிபேட்டை பகுதியில் கெடிலம் ஆற்றில் தமிழ்நாடு அரசின் நீர்வளத் துறை சார்பில் 37 கோடி ரூபாய் மதிப்பீட்டில் தடுப்பணை அமைப்பதற்கான அடிக்கல் நாட்டு விழா தொழிலாளர் நலன் மற்றும் திறன் மேம்பாட்டுத் துறை அமைச்சர் சி.வெ. கணேசன் அவர்களின் தலைமையில் நெய்வேலி சட்டமன்ற உறுப்பினர் சபா.இராசேந்திரன் கடலூர் மாவட்ட ஆட்சியர் சி.பி.ஆதித்யா செந்தில்குமார் முன்னிலையில் நடைபெற்றது.
இத்தடுப்பணை, கெடிலம் ஆற்றின் வெள்ள அபாயத்தைத் தடுக்கவும், அருகிலுள்ள விவசாய நிலங்க ளுக்கு நீர் மேலாண்மை உறுதி செய்யவும் அமைக்கப்படுகிறது. இதன் மூலம், குடிநீர் விநியோகம் 30% உயரும் என்பதோடு, உள்ளூர் விவசாயிகளின் உற்பத்தித்திறன் 25%ஆல் அதிகரிக்கும் என நீர்வளத் துறை அதிகாரிகள் தெரிவித்தனர். இத்தகைய திட்டங்கள் வெள்ளத் தடுப்பு மற்றும் நீர் சேமிப்புக்கு மிக முக்கியமானவை.
நிகழ்ச்சியில் அமைச்சர் சி.வெ.கணேசன் பேசுகையில், “முதல்வர் துணை முதல்வர் அவர்களின் தலைமையில், தமிழ்நாட்டின் ஒவ்வொரு கிராமமும் நீர் வளத்தால் செழிக்கும். இத்தடுப்பணை போன்ற திட்டங்கள் மக்களின் வாழ்க்கைத் தரத்தை உயர்த்தி, விவசாயத்தைப் பாதுகாக்கும்” என்றார். நெய்வேலி சட்டமன்ற உறுப்பினர் சபா.இராசேந்திரன் பேசுகையில்’’என் தொகுதியின் மக்களின் நீண்டகால கோரிக்கையை நிறை
வேற்றியுள்ளது இது. உள்ளூர் விவசாயிகளின் நலனுக்காக தமிழ்நாடு அரசின் இத்தகைய திட்டங்கள் தொடரும்” எனவும் தமிழக அரசுக்கு தனது தொகுதி மக்களின் சார்பாக நன்றியையும் தெரிவித்தார்.
நிகழ்ச்சியில் பொது பணி துறை (PWD) செயற்பொறியாளர் பாலமுருகன், உதவி செயற்பொறியாளர் ரஜினிகாந்த், முன்னாள் பண்ருட்டி ஒன்றிய பெருந்தலைவர் சபா.பாலமுருகன், வட்ட வளர்ச்சி அலுவலர் (BDO) திருமதி. மீராகோமதி, பாபு, வட்டாட்சியர் பிரகாஷ், பண்ருட்டி வடக்கு ஒன்றிய செயலாளர் சந்தோஷ்குமார், குறிஞ்சிப் பாடி மேற்கு ஒன்றிய செயலாளர் குணசேகரன், மாவட்ட இளைஞர் அணி துணை அமைப்பாளர் ராஜேஷ், மாவட்ட மருத்துவர் அணி அமைப்பாளர் டாக்டர் ராஜேஷ், வழக்கறிஞர் ஜகஜீவன்ராம், ராமதேவன் முருகன், செழியன், பூபாலன், சாரங்கபாணி, மைனர் ராஜேந்திரன், மாசிலாமணி, செல்வம், இளைஞர் அணி துணை அமைப்பாளர் முருகன் பக்க வாசகம், பழனிவேல், சிகாமணி, ஞானவேல், ராமச்சந்திரன், செல்வராஜ், லட்சுமணன், தாமோதரன், ராபர்ட், தட்சிணாமூர்த்தி, வேலு, பாலமுருகன், குமாரவேல், பக்தவச்சலம், வேல்முருகன், சர்க்கரை சுரேஷ், விஜி, காளி சிவா, வெங்கடேசன், சுவாமிநாதன் உள்ளிட்ட உள்ளூர் தலைவர்கள், அதிகாரிகள் மற்றும் கிராம மக்கள் பெருந்திரளாகக் கலந்துகொண்டனர்.
விழுப்புரம் மாவட்டம் வல்லம் ஒன்றியம் தையூர் ஊராட்சியில் நடைபெற்ற ‘‘உங்களுடன் ஸ்டாலின்’’ திட்ட முகாமை முன்னாள் அமைச்சர் செஞ்சி மஸ்தான் எம்.எல்.ஏ. தொடங்கி வைத்துகர்ப்பிணி தாய்மார்களுக்கு ஊட்டச்சத்து பெட்டகத்துடன் கூடிய நலத்திட்ட உதவிகளை வழங்கினார். உடன் டாக்டர் மாசிலாமணி, டாக்டர் சேகர், செஞ்சி சிவா, அமுதா ரவிக்குமார், மொடையூர் துரை, இளம்வழுதி, வட்டார வளர்ச்சி அலுவலர்கள் ராமதாஸ், சிலம்புச் செல்வன் உள்ளனர்.