திருச்சி, நவ. 11 –

மூத்த குடி­மக்­க­ளின் நல்­வாழ்வை மேம்­ப­டுத்­திட ‘அன்­புச்சோலை முதியோர் மன­ம­கிழ் வள மையம்’ திட்­டத்தை முதல்­வர் மு.க.ஸ்டாலின் அவர்­கள் நேற்று திருச்­சி­யில் தொடங்கி வைத்தார்.

முத­ல­மைச்­சர் மு.க.ஸ்டாலின் அவர்­கள், அனைத்து மாவட்­டங்­க­ளி­லும் சுற்­றுப்­ப­ய­ணம் மேற்­கொண்டு கள ஆய்­வுப் பணி­களை மேற்­கொண்டு வரு­கி­றார்­. அந்த வகை­யில், நவம்­பர் திங்­கள் இரண்டு நாள் பய­ண­மாக புதுக்­கோட்டை, திருச்சி மாவட்­டங்­க­ளில் கள ஆய்வு மேற்­கொண்டுள்ளார்­.

முத­ல­மைச்­சர் மு.க.ஸ்டாலின் அவர்­கள் தமிழ்­நாட்­டைப்­பற்றி - தமிழ்­நாட்டு மக்­க­ளைப்­பற்றி -தமிழ்ச் சமு­தாய மக்­க­ளி­டையே நில­வும் அர­சி­யல், சமூக, பொரு­ளா­தார ஏற்­றத்­ தாழ்­வு­களை பண்­பாட்­டுக் கூறு­க­ளைப் பற்றி எல்­லாம் நன்­க­றிந்­த­வர்­கள்!

அத­னால்­தான், ஆட்­சிப் பொறுப்­பேற்ற நாள்­மு­தல் தமிழ்­நாட்டு மக்­க­ளின் ஒட்­டு­மொத்த முன்­னேற்­ற த்­திற்­கும் வழி­வ­குக்­கக்­கூ­டிய பல்­வேறு திட்­டங்­களை ஒவ்­வொரு நாளும் உரு­வாக்கி நிறை­வேற்றி வரு­கி­றார்­.

1 கோடியே 15 லட்சம் பெண்களுக்கு மகளிர் உரிமைத் தொகை!

குடும்­பப் பணி ஒன்றே கட­மை­யெ­னக் கொண்டு நாள்­தோ­றும் உழைத்­து­வ­ரும் மக­ளிர் மன­வெ­ழுச்சி கொள்­ளும் வகை­யில் கட்­ட­ண­மில்­லாப் பய­ணத்­திற்கு வழி­வ­குக்­கும் “விடி­யல் பய­ணத் திட்­டத்தை” அறி­மு­கப்­ப­டுத்தி; நாள்­தோ­றும் 52 இலட்­சத்­திற்கு மேற்­பட்ட மக­ளிர், மாண­வி­யர், மாற்­றுத்­­திற­னா­ளி­கள், திரு­நங்­கை­யர் பயன்­பெ­றச் செய்­துள்­ளார்­கள்.

பிறர் கையை எதிர்­பார்த்தே வாழ்ந்த இல்­லத்­த­ர­சி­க­ளின் சுய­ம­ரி­யா­தை­யைக் காத்­திட கலை­ஞர் மக­ளிர் உரி­மைத் திட்­டத்தை அறி­மு­கப்­­படுத்தி 1 கோடியே 15 இலட்­சம் பெண்­க­ளுக்கு மாதம் ரூ.1000 வழங்கி மற்ற மாநி­லங்­க­ளும் பின்­பற்­றச் செய்­துள்­ளார்­கள்.

“வாடிய பயி­ரைக் கண்­ட­போ­தெல்­லாம் வாடி­னேன்” என்ற வாக்­கிற்கு ஏற்ப ஒரு பள்ளி ஆய்­வின்­போது, சோர்ந்த முகத்­து­டன் இருந்த குழந்­தை­க­ளைக் கண்டு, வருந்தி வாடிய நெஞ்­சத்­தோடு அலு­வ­ல­கம் வந்து அதி­கா­ரி­க­ளு­டன் கலந்து ஆலோ­சித்து, ஏறத்­தாழ 20 இலட்­சத்து 59 ஆயி­ரம் குழந்­தை­கள் பயன்­பெ­றும் வகை­யில், “காலை உண­வுத் திட்­டத்­தைப்” பள்­ளி­க­ளில் நடை­மு­றைப்­ப­டுத்­திய முத­ல­மைச்­சர் அவர்­கள் பஞ்­சாப், தெலங்­கானா, புதுச்­சேரி மாநி­லங்­க­ளி­லும் கனடா, இங்­கி­லாந்து நாடு­க­ளி­லும் இத்­திட்­டத்­தின் தாக்­கத்தை ஏற்­ப­டுத்­தி­யுள்­ளார்­கள்.

பள்­ளிப்­ப­டிப்பை முடித்த மக­ளிர் அனை­வ­ரும் உயர்­கல்­வி­யைத் தொடர்­வ­தில்லை என்­பதை அறிந்­த­வு­டன், அனை­வ­ரும் உயர்­கல்­வி­யைத் தொடர உத­வும் வகை­யில் “புது­மைப்­பெண் திட்­டம்” தந்து மாதம் 1000 ரூபாய் வழங்கி எல்­லோ­ரும் உயர்­கல்வி பெறச் செய்­துள்­ளார்­கள்.

தமிழ்ப் புதல்வன் திட்டம்!

மாண­வி­கள் மட்­டு­மல்­லா­மல் மாண­வர்­க­ளும் உயர் படிப்­பைத் தொடர அவர்­க­ளுக்­கும் மாதம் 1000 ரூபாய் தரும் “தமிழ்ப்­பு­தல்­வன்” திட்­டத்தை அறி­மு­கப்­ப­டுத்தி இரண்டு திட்­டங்­க­ளி­லும் 10 இலட்­சத்­திற்கு மேல் மாணவ, மாண­வி­யர் பயன்­பெ­றச் செய்­துள்­ளார்­கள்.

கல்­விக்­கும் வேலை­வாய்ப்­பிற்­கும் இடை­யே­யுள்ள வேறு­பா­டு­கள் கவ­னத்­திற்கு வரவே; அந்த வேறு­பாட்­டைக் களைந்து வேலை­வாய்ப்­பு­கள் கிடைத்­திட வழி­வ­குக்­கும் “நான் முதல்­வன்” திட்­டத்தை அறி­மு­கப்­ப­டுத்தி 41 இலட்­சம் இளை­ஞர்­க­ளுக்­கு­மேல் பயன்­பெ­றச் செய்­துள்­ளார்­கள்.

சாலை விபத்­து­க­ளில் உயி­ரி­ழப்­போர் எண்­ணிக்கை அறிந்து வேத­னைப்­பட்ட முத­ல­மைச்­சர் அவர்­கள் பாதிக்­கப்­ப­டு­வோ­ரின் உயிர்­களை உடனே காத்­திட, “இன்­னு­யிர் காப்­போம் - நம்­மைக் காக்­கும் 48” திட்­டத்தை அறி­மு­கப்­ப­டுத்தி ஆயி­ரக் கணக்­கான உயிர்­­களைக் காத்­துள்­ளார்­கள்.

செல­வில்­லா­மல் முழு­உ­டல் பரி­ சோ­த­னை­கள் செய்து மக்­க­ளின் நலன்­க­ளைக் காத்­திட “நலன் காக்­கும் ஸ்டாலின் திட்­டம்”. நடுத்­தர வய­து­டை­யோரை அதி­கம் பாதிக்­கும் இரத்த அழுத்­தம், சர்க்­கரை நோய் முத­லிய தொற்றா நோய்­கள் அவர்­க­ளைப் பற்­றா­மல் காத்­திட “வீடு­தேடி மருத்­து­வம் திட்­டம்”.

இல்­லம் தேடிக் கல்­வித் திட்­டம்!

கொரோனா காலம் முதல் தடை­பட்ட கல்­வி­யைக் குழந்­தை­கள் தொடர்ந்­திட “இல்­லம் தேடிக் கல்­வித் திட்­டம்” எனப் புதிய புதிய திட்­டங்­க­ளைச் செயல்­ படுத்­திப் பயன் விளைத்­துள்­ளார்­கள்.

தமிழ்­நாட்டு இளை­ஞர்­க­ளுக்கு வேலை­வாய்ப்­பு­கள் பெரு­கச் செய்­திட தொழில் வளர்ச்­சிக்கு வழி­வ­குக்­கும் புதிய புதிய சிப்­காட் தொழில் நிறு­வ­னங்­களை உரு­வாக்கி, “முத­லீட்­டா­ளர்­க­ளின் முதல் முக­வரி” எனத் தொழில் முத­லீட்டு மாநா­டு­கள் மூலம் தமிழ்­நாட்­டிற்கு முத­லீ­டு­களை ஈர்த்­துத் தொழில்­கள் பல வளர்க்­கி­றார்­கள்.

இப்­ப­டிப் புதிய புதிய திட்­டங்­க­ளைச் செயல்­ப­டுத்தி நாளொரு திட்­டம், பொழு­தொரு சாதனை என வளர்த்­து­வ­ரும் முத­ல­மைச்­சர் மு.க.ஸ்டாலின் அவர்­கள், மூத்த குடி­மக்­க­ளின் நல்­வாழ்வை மேம்­ப­டுத்­து­வற்­காக, வீடு­க­ளில் உள்ள முதி­ய­வர்­கள் மனம் சோர்­வ­டை­யா­மல் ஊக்­கம் பெற உத­வும் வகை­யில் தற்­போது உரு­வாக்­கி­யுள்ள புதிய திட்­டம் “அன்­புச்­சோலை திட்­டம்”.

முத­ல­மைச்­சர் மு.க. ஸ்டாலின் அவர்­கள் மூத்த குடி­மக்­க­ளின் நல்­வாழ்வை மேம்­ப­டுத்­து­வ­தற்­காக, “அன்­புச்­சோலை - முதி­யோர் மன­ம­கிழ் வள மையம்” என்ற திட்­டத்தை திருச்சி மாந­க­ரில் நேற்று ( 10.11.2025 ) பகல் 12.30 மணி­ய­ள­வில் தொடங்கி வைத்தார்.

ஆத­ர­வற்ற மற்­றும் கைவி­டப்­பட்ட முதி­யோர்­க­ளுக்­காக முதி­யோர் இல்­லங்­கள், ஒருங்­கி­ணைந்த வளாக இல்­லங்­கள், நட­மா­டும் மருத்­துவ அல­கு­கள் மற்­றும் ஓய்­வூ­தி­யத் திட்­டங்­கள் உள்­ளிட்ட மூத்த குடி­மக்­க­ளுக்­கான பல்­வேறு நலத்­திட்­டங்­க­ளைத் திரா­விட மாடல் அரசு தீவி­ர­மா­கச் செயல்­ப­டுத்தி வரு­கி­றது. தற்­போது தொடங்­கப்­ப­டும் “அன்­புச்­சோலை - முதி­யோர் மன­ம­கிழ் வள மையங்­கள்” திட்­டம் மூத்த குடி­மக்­க­ளின் ஆரோக்­கி­ய­மான வளர்ச்­சி­யில் கவ­னம் செலுத்­தும் வகை­யில் சமூக மையங்­க­ளா­கச் செயல்­ப­டும்.

மதுரை, கோவை, திருச்சி, சேலம், திருப்­பூர், ஈரோடு, தூத்­துக்­குடி, வேலூர், தஞ்­சா­வூர், திண்­டுக்­கல் ஆகிய 10 மாந­க­ராட்­சி­க­ளில் தலா இரண்டு வீதம் 20 அன்­புச்­சோ­லை­கள், தொழில்­துறை மாவட்­டங்­க­ளான இரா­ணிப்­பேட்­டை­யி­லும் கிருஷ்­ண­கி­ரி­யி­லும் 2 அன்­புச்­சோ­லை­கள், பெரு­ந­கர சென்னை மாந­க­ராட்­சி­யில் தண்­டை­யார்­பேட்டை, சோழிங்­க­நல்­லூர், விரு­கம்­பாக்­கம் ஆகிய இடங்­க­ளில் 3 அன்­புச்­சோ­லை­கள் என மொத்­தம் 25 ‘’அன்­புச்­சோலை’’ மையங்­கள் ரூ.10 கோடி மதிப்­பீட்­டில் தொடங்­கப்­பட்டு பொழு­து­போக்கு அம்­சங்­கள், யோகா, நூல­கம் மற்­றும் தேவை­யான திறன் மேம்­பாடு சேவை­கள் வழங்­கப்­ப­டு­கின்­றன.

தமிழ்ப் பாரம்­ப­ரி­யத்­தைப் பிர­தி­ப­லிக்­ கும் அன்­புச்­சோ­லை­கள்

அன்­புச்­சோலை திட்­டம், முதி­யோர்­ கள் மதிக்­கும் தமிழ்ப் பாரம்­ப­ரி­யத்­தைப் பிர­தி­ப­லிக்­கி­றது. குடும்­பங்­கள் முதன்­மைப் பரா­ம­ரிப்­பா­ளர்­க­ளா­கத் தொடர்­வ­தற்கு அர­சாங்­கம் இத்­திட்­டத்­தின் மூலம் துணை­பு­ரி­கி­றது.

முத­ல­மைச்­சர் அவர்­கள் அன்­புச்­சோலை குறித்து கூறு­வது

முத­ல­மைச்­சர் அவர்­கள் “முதி­யோர்­கள்­தான் சமு­தா­யத்­தின் வழி­காட்­டும் சக்தி. இன்­றைய தமிழ்­நாட்டை உரு­வாக்க தங்­கள் வாழ்­நாளை அர்ப்­ப­ணித்­த­வர்­கள். அவர்­கள் கண்­ணி­யத்­து­ட­னும், பரா­ம­ரிப்­பு­ட­னும், மகிழ்ச்­சி­யு­ட­னும் வாழ்­வதை உறுதி செய்­வது எமது கடமை.

அன்­புச்­சோலை மையம் மூத்த குடி­மக்­கள் நலன் கருதி பல்­வேறு அம்­சங்­கள் கொண்டு, தமிழ்­நாடு அர­சின் நிதி­யு­த­வி­யு­டன் பக­லில் மட்­டும் இயங்­கும் மைய­மா­கச் செயல்­ப­டும். ஒவ்­வொரு மைய­மும் குறைந்­த­பட்­சம் 50 மூத்த குடி­மக்­கள் பயன்­பெ­றும் வகை­யில் போதிய இட­வ­சதி, போது­மான உட்­கட்­ட­மைப்பு வச­தி­க­ளைக் கொண்­டி­ருக்­கும். இந்­தப் பகல்­நே­ரப் பரா­ம­ரிப்பு மையங்­க­ளில், முதி­ய­வர்­கள் தோழமை மற்­றும் அர்த்­த­முள்ள செயல்­பா­டு­க­ளில் ஈடு­ப­ட­லாம். அன்­புச்­சோலை மையங்­க­ளுக்கு முதி­யோர்­கள் சென்­று­வர போக்­கு­வ­ரத்து வச­தி­யுள்ள இடங்­க­ளில்­தான் இம்­மை­யங்­கள் அமைக்­கப்­ப­டு­கின்­றன.

அன்­புச்­சோலை மையங்­க­ளுக்கு வருகை தரும் முதி­ய­வர்­க­ளுக்­குத் தன்­னார்­வத் தொண்டு நிறு­வ­னங்­க­ளின் ஆத­ர­வு­டன் மதிய உணவு மற்­றும் சிற்­றுண்டி வழங்­கப்­ப­டும். தகுதி வாய்ந்த பரா­ம­ரிப்­பா­ளர்­கள் மற்­றும் இயன்­முறை சிகிச்­சை­ யா­ளர்­கள் பணி­ய­மர்த்­தப்­பட்டு முதி­யோ­ரின் விரி­வான பரா­ம­ரிப்பு உறுதி செய்­யப்­ப­டும்.

அன்­புச்­சோலை மூல­மாக, முதி­யோர் குடும்­பப் பிணைப்­பைத் தொடர்ந்தே, பாது­காப்­பான சூழ­லில், அர்த்­த­முள்­ள­தாக பகல் நேரங்­க­ளைக் கழிக்க முடி­யும். இது, கரு­ணை­மிக்க மற்­றும் சமூக நீதி­யினை உள்­ள­டக்­கிய தமிழ்­நாட்­டிற்­கான எமது அர­சின் பார்­வை­யைப் பிர­தி­ப­லிக்­கி­றது என்று குறிப்­பிட்­டுள்­ளார்­கள்.

புதுக்­கோட்டை மாவட்­டத்­தில் நலத்­திட்ட உத­வி­கள் வழங்­கும் விழா

முத­ல­மைச்­சர் மு.க.ஸ்டாலின் அவர்­கள் இரண்டு நாள் பய­ண­மாக புதுக்­கோட்டை, திருச்சி ஆகிய மாவட்­டங்­க­ளில் கள ஆய்வு மேற்­கொண் டுள்ளார். முத­ல­மைச்­சர் அவர்­கள் புதுக்­கோட்டை மாவட்­டத்­தில் நேற்று (10.11.2025) திங்­கள்கிழமை காலை 11 மணி­ய­ள­வில் கீர­னூர் மூகாம்­பிகை பொறி­யி­யல் கல்­லூ­ரித் திட­லில் நடை­ பெ­ற்ற அரசு நலத்­திட்ட உத­வி­கள் வழங்­கும் விழா­வில் பங்­கேற்­றார்.

புதுக்­கோட்டை மாவட்­டத்­தில் கடந்த 4 ஆண்­டு­க­ளில் திரா­விட மாடல் அர­சின் சார்­பில் இது­வரை ரூ.11,481 கோடி மதிப்­பீட்­டில் 38,35,669 பய­னா­ளி­க­ளுக்கு நலத்­திட்ட உத­வி­களை வழங்­கி­யுள்­ளார்.

ரூ.2,800 கோடி­யில் 62,088 வளர்ச்­சித் திட்­டப் பணி­களை நிறை­ வேற்­றி­யுள்­ளார். முத­ல­மைச்­சர் அவர்­கள் நேற்று (10.11.2025 – திங்­கள் கிழமை) காலை 11 மணி­ய­ள­வில் நடை­பெ­ற்ற விழா­வில் 767 கோடி ரூபாய் மதிப்­பீட்­டில் புதிய பணி­க­ளுக்கு அடிக்­கல் நாட்­டு­தல், முடி­வுற்ற பணி­க­ளைத் தொடங்கி வைத்­தல் ஆகி­ய­வற்­று­டன் பய­னா­ளி­க­ளுக்கு அரசு நலத்­திட்ட உத­வி­­களை­யும் வழங்­கினார்.