கிருஷ்ணகிரி, நவ. 11 –
தமிழ்நாட்டில் சிறப்புத் தீவிர வாக்காளர் பட்டியல் சீராய்வு (S.I.R.) கொண்டு வந்துள்ள இந்தியத் தேர்தல் ஆணையத்தைக் கண்டித்து கிருஷ்ணகிரி கிழக்கு & மேற்கு மாவட்ட தி.மு.க. மற்றும் மதச்சார்பற்ற முற்போக்கு கூட்டணி கட்சிகளின் சார்பில் “மாபெரும் கண்டன ஆர்ப்பாட்டம்” இன்று நடைபெறுகிறது என்று மாவட்டச் செயலாளர்கள் தே. மதியழகன், எம்.எல்.ஏ. , ஒய் பிரகாஷ் எம்.எல்.ஏ. அறிக்கை வெளியிட்டுள்ளனர்.
அவர்களது அறிக்கை வருமாறு:
நாட்டில் உள்ள பெரும்பான்மையான அரசியல் கட்சிகள் SIR-க்கு தொடக்கம் முதலில் இருந்தே எதிர்ப்பு தெரிவித்தும், ஒன்றிய அரசின் கைப்பாவையாகவும், எதேச்சாதிகாரப் போக்குடனும் தேர்தல் ஆணையம் செயல் ல்பட்டு தமிழ்நாட்டில் சட்டப்பேரவை தேர்தல் நடைபெறுவதற்கு சில மாதங்களே உள்ள நிலையில் தி.மு.க. உள்ளிட்ட அனைத்துக் கட்சிகளும் எதிர்ப்பு தெரிவித்த போதிலும் இந்தியத் தேர்தல் ஆணையம் சிறப்புத் தீவிர வாக்காளர் பட்டியல் சீராய்வு (S.I.R) கொண்டு வந்துள்ளது.
சிறுபான்மையினர் வாக்குகள், பா.ஜ.க.வின் எதிர்ப்பு வாக்குகள் ஆகியவற்றைக் குறிவைத்து நீக்கும் நோக்கோடு - தகுதியுள்ள வாக்காளர்களை நீக்கி, தகுதியற்ற வாக்காளர்களைச் சேர்க்கும் சதித் திட்டத்தோடு ஒன்றிய பா.ஜ.க. அரசை தனக்குப் பாதுகாவலாக வைத்துக் கொண்டு தேர்தல் ஆணையம் இதனைச் செய்திட முயன்றிருப்பதோடு, பீகார் மாநிலத்தில் நடைபெற்ற குளறுபடிகள் எதையும் களையாமல் தமிழ்நாடு உள்ளிட்ட 12 மாநிலங்களில் S.I.R திட்டத்தைச் செயல்படுத்துவது மக்களின் வாக்குரிமையைப் பறிப்பதாகவும், ஜனநாயகத்தை அடியோடு குழி தோண்டி புதைப்ப தாகவும் உள்ளது. அத்துடன் தேர்தல் ஆணையத்தின் அவசரமே அதிக சந்தேகத்தை எழுப்புகிறது. சிறப்புத் தீவிர வாக்காளர் பட்டியல் சீராய்வு (S.I.R.) வின் மூலம் தமிழ்நாட்டில் உள்ள உண்மையான வாக்காளர்களின் பெயர்களைப் பட்டியலில் இருந்து நீக்க தேர்தல் ஆணையம் திட்டமிடு கிறது.
மதச்சார்பற்ற முற்போக்குக் கூட்டணி கட்சிகள் எதிர்ப்பார்த்தவாறே 04.11.2025.ஆம் தேதியிலிருந்து இன்று வரை களத்தில் S.I.R. பெரும்பாலான வாக்காளர்கள் நீக்கப்படும் அச்சத்தை உறுதிப்படுத்துகிறது. பெரும்பாலான இடங்களில் BLO க்கள் இன்று வரை கணக்கீட்டு படிவத்தை (Enumeration Form) தரத் துவங்கவில்லை. BLO க்களும், BLA - 2 க்களுக்கும் இடையே சரியான தகவல் தொடர்புகளை ஏற்படுத்தபடவில்லை. அவர்கள் ஒருங்கிணைக்கப்படவில்லை.
சில இடங்களில் BLO க்கள் Enumeration Form-ஐ ஒரு நாளிலேயே பூர்த்தி செய்து தர வலியுறுத்துகிறார்கள்.
தேர்தல் ஆணையத்தின் இணைய தளத்தில் வெளியிடப்பட்டுள்ள 2002 / 2005 வாக்காளர் பட்டியல்கள் குழப்பம் விளை விப்ப தாகவும் அமைந்துள்ளன. எனவே இந்த S.I.R சீராய்வை தேர்தல் ஆணையம் உடனே கைவிடும்படி தேர்தல் ஆணையத்துக்கு வேண்டுகோள் விடுத்தும் அதனை செவிமடுக்காத ஒன்றிய பா.ஜ.க. அரசின் கைப்பாவையாக மாறி, எதேச்சாதிகாரப் போக்கில் இந்தியத் தேர்தல் ஆணையம், தமிழ்நாட்டில் சிறப்புத் தீவிர வாக்காளர் பட்டியல் சீராய்வு (S.I.R) கொண்டு வந்துள்ளதை கண்டித்து கழக இளைஞரணி செயலாளரும், துணை முதலமைச்சர் அவர்களது வழிகாட்டுதலோடு
கிருஷ்ணகிரி மாவட்டத்தைச் சேர்ந்த ‘மதசார்பற்ற முற்போக்கு கூட்டணி’ கட்சிகளின் சார்பில் இன்று (11-.11.-2025 – செவ்வாய்க் கிழமை) காலை 10-00 மணிக்கு கிருஷ்ணகிரி புதிய பேருந்து நிலையம் அருகில் உள்ள பேரறிஞர் அண்ணா சிலை எதிரே கிருஷ்ணகிரி கிழக்கு மாவட்டச் செயலாளரும், பர்கூர் தொகுதி சட்டமன்ற உறுப்பினருமான தே. மதியழகன் எம்.எல்.ஏ., தலைமையிலும், கிருஷ்ண கிரி மேற்கு மாவட்ட செயலாளரும், ஓசூர் தொகுதி சட்டமன்ற உறுப்பினருமான ஓய்.பிரகாஷ் எம்.எல்.ஏ. வின் முன்னிலை யிலும் மதச்சார்பற்ற முற்போக்குக் கூட்டணி கட்சிகளின் நிர்வாகிகளின் கண்டன உரையுடன் பிரம் மாண்ட மான கண்டன ஆர்ப்பாட்டம் நடைபெற உள்ளது.
இந்த கண்டன ஆர்ப்பாட்டத்தில் கிருஷ்ணகிரி கிழக்கு மாவட்டத்தைச் சேர்ந்த மூத்த முன்னோடி கள், முன்னாள் நாடாளுமன்ற, சட்டமன்ற உறுப்பினர்கள், மாநில, மாவட்ட நிர்வாகிகள், ஒன்றிய, நகர, பேரூர் கழக செயலாளர்கள், நிர்வாகிகள், அனைத்து அணிகளில் தலைவர், துணைத் தலைவர், அமைப்பாளர், துணை அமைப்பாளர்கள், வார்டு, வட்ட, கிளை கழக செயலாளர், BLA - 2, BLC உள்ளிட்ட வாக்குச்சாவடி முகவர்கள், ஒருங்கிணைப் பாளர்கள், கழகத் தோழர்கள் அனைவரும் பெரும் திரளாக கலந்து கொள்ள வேண்டும் என கேட்டுக் கொண்டுள்ளனர் .