தமிழ்நாடு அமெச்சூர் கபடி கழகம் மற்றும் கிருஷ்ணகிரி மாவட்ட அமெச்சூர் கபடி கழகம் இணைந்து நடத்துகின்ற 51வது ஜூனியர் ஆண்கள் சாம்பியன்ஷிப் கபாடி போட்டி கிருஷ்ணகிரி மாவட்டம், போச்சம்பள்ளி, அரசு ஆண்கள் மேல்நிலைப்பள்ளி மைதானத்தில் துவங்கியது. இந்த கபாடி போட்டியில் தமிழகத்தின் சென்னை, வேலூர், கிருஷ்ணகிரி, தர்மபுரி, சேலம், கோவை, திருச்சி, நெல்லை உள்ளிட்ட பல்வேறு மாவட்டங்களில் இருந்து 20 க்கும் மேற்பட்ட அணிகள் பங்கேற்றுள்ளது. இந்த போட்டியினை கிருஷ்ணகிரி கிழக்கு மாவட்டச் செயலாளர் சட்டமன்ற உறுப்பினருமான தே.மதியழகன் தொடங்கி வைத்தார். இந்நிகழ்ச்சியில் மாவட்ட ஆட்சித் தலைவர் தினேஷ்குமார், மாவட்ட துணை செயலாளர் கோவிந்தசாமி, ஒன்றிய செயலாளர்கள் சாந்தமூர்த்தி, குண.வசந்தரசு உள்ளிட்ட பலர் இந்நிகழ்ச்சியில் கலந்து கொண்டனர் மேலும் இந்த கபாடி போட்டியில் சிறப்பு அழைப்பாளராக கபாடி போட்டியில் பங்கேற்று தங்கம் வென்று சாதனை படைத்த வெற்றியாளர்கள் தமிழ்நாட்டைச் சேர்ந்த கார்த்திகா, அபினேஷ் ஆகியோர் கலந்து கலந்து கொண்டனர்.