#Title

நவ.27. துணை முதல்வர் உதயநிதி ஸ்டாலின் பிறந்த நாள்: ஆதி திராவிடர் நலக்குழு சார்பில் நல உதவிகள் வழங்கி சிறப்பாக கொண்டாடுவோம்! ஆதி திராவிடர் நலக்குழுக் கூட்டத்தில் தீர்மானம்! ஆ.கிருஷ்ணசாமி எம்.எல்.ஏ. அறிவிப்பு!

சென்னை, நவ.11–

தி.மு.க. ஆதிதிராவிடர் நலக்குழு மாநில நிர்வாகிகள் கூட்டம் நேற்று முன்தினம் (09–11–2025) காலை 10.30 மணி அளவில் சென்னை, அண்ணா அறிவாலயத்திலுள்ள கழக அலுவலகத்தில் தி.மு.க. ஆதிதிராவிடர் நலக்குழுத் தலைவர் மருதூர்ஏ.இராமலிங்கம் அவர்கள் தலைமையில், துணைத்தலைவர் மாண்புமிகு அமைச்சர் மா.மதிவேந்தன், இணைச் செயலாளர்கள் புஷ்பராஜ், முன்னாள் எம்.எல்.ஏ., வி.பி. இராஜன், திப்பம்பட்டி ஆறுச்சாமி, துணைச் செயலாளர்கள் பா. துரைசாமி, மு.பொன்தோஸ், மு. பரமானந்தம், சி. தசரதன், சா. இராசேந்திரன், மாரியப்பன் கென்னடி, முன்னாள் எம்.எல்.ஏ., கொ.ரமேஷ் ஆகியோர் முன்னிலையில் நடைபெற்ற இக்கூட்டத்தில் தி.மு.க. ஆதிதிராவிடர் நலக்குழுச் செயலாளர் ஆ.கிருஷ்ணசாமி, எம்.எல்.ஏ., அவர்கள் ஆதிதிராவிடர் நலக்குழுவின் ஆக்கப் பணிகள் குறித்து உரையாற்றினார்.

சென்னை வடக்கு, சென்னை வடகிழக்கு, சென்னை கிழக்கு, சென்னை மேற்கு, சென்னை தென்மேற்கு, சென்னை தெற்கு, திருவள்ளூர் கிழக்கு, திருவள்ளூர்மத்திய, திருவள்ளூர் மேற்கு,காஞ்சிபுரம் வடக்கு, காஞ்சிபுரம் தெற்கு, இராணிப்பேட்டை, வேலூர் ஆகிய மாவட்டங்களின் ஆதிதிராவிடர் நலக்குழு மாவட்ட அமைப்பாளர்கள் கலந்து கொண்டனர்.

இக்கூட்டத்தில் நிறை வேற்றப்பட்ட இரங்கல் தீர்மானம் வருமாறு:–

1. 23.10.2025 அன்று உடல்நலக் குறைவால் நம்மைவிட்டு மறைந்த சேந்தமங்கலம் சட்டமன்ற உறுப்பினர் கே.பொன்னுசாமி அவர்களுக்கு தி.மு.க ஆதிதிராவிடர் நலக்குழு ஆழந்த இரங்கலை தெரிவித்துக் கொள்கிறது.

கரூரில் நெரிசலில் சிக்கி உயிரிழந்த 41 நபர்களின் குடும்பங்களுக்கு தி.மு.க ஆதிதிராவிடர் நலக்குழு ஆழந்த இரங்கலை தெரிவித்துக் கொள்கிறது.

இவ்வாறு இரங்கல் தீர்மானம் நிறைவேற்றப் பட்டது.

இக்கூட்டத்தில் நிறை வேற்றப்பட்ட தீர்மா னங்கள் வருமாறு:–

2025 செப்டம்பர் 17 ஆம் நாள் கரூரில் நடைபெற்ற கழக முப்பெரும் விழாவில் ஆதிதிராவிடர் நலக்குழு தலைவர் திரு. மருதூர் இராமலிங்கம் அவர்களுக்கு பேராசிரியர் விருது வழங்கிய மாண்புமிகு தமிழ்நாடு முதலமைச்சர் கழக தலைவர் அவர்களுக்கு நன்றியை தெரி வித்துக் கொள்கிறோம்.

நவம்பர் 27–ல், பிறந்தநாள் காணும் நமது கழக இளைஞர் அணி செயலாளரும் தமிழ்நாடு துணை முதலமைச்சருமான திரு. உதயநிதி ஸ்டாலின் அவர்களின் பிறந்தநாள் விழாவைமுன்னிட்டு ஆதிதிராவிடர் நலக்குழு சார்பில் மாவட்ட, மாநகர, ஒன்றிய, நகர, பேரூர், பகுதி மற்றும் வார்டுகளில் கழக இருவண்ண கொடியேற்றி,இனிப்புகள் வழங்கி கொண்டாட வேண்டும், மேலும் ஆதிதிராவிடர் மக்கள் வசிக்கும் பகுதிகளில் பொதுக்கூட்டங்கள் நடத்தி, ஏழையெளி மக்களுக்கு நலத்திட்ட உதவிகள் வழங்க வேண்டும்.

கரூரில் நெரிசலில் சிக்கி

பலியானவர்களுக்கு இரங்கல்!

கரூரில் நெரிசலில் சிக்கி உயிரிழந்த 41 நபர்களின் குடும்பங்களுக்கு தி.மு.க ஆதிதிராவிடர் நலக்குழு ஆழந்தஇரங்கலை தெரிவித்துக் கொள்கிறது. கரூரில் ஒரு நடிகரின் கட்சி நடத்தி பொதுக்கூட்டத்தில் ஏற்பட்ட நெரிசலில் 41 பேர் சிக்கி உயிரிழந்த செய்தி அறிந்த சில மணிநேரங்களில் போர்க்கால நடவடிக்கை எடுத்ததுடன், உயிரி ழந்தவர்களின் குடும்பத்திற்கு தலா பத்து லட்ச ரூபாய் நிவாரணநிதி அளிக்கப்படும் என்று அறிவித்ததோடு நில்லாமல், நள்ளிரவே கரூருக்குச் சென்று, ஆய்வு செய்ததுடன், உயிரிழந்த 40 பேரின் உடலுக்கு இறுதி அஞ்சலி செலுத்தி அவர்கள் குடும்பத்திற்கு ஆறுதல் சொல்லிய மாண்புமிகு தமிழ்நாடு முதலமைச்சர் கழகத் தலைவர் அவர்களுக்கு இக்கூட்டம் தனது பாராட்டுகளை தெரிவித்துக் கொள்கிறது.

கண்ணகி நகர்

வீராங்கணைக்கு பாராட்டு!

சென்னை, கண்ணகி நகர் குடியிருப்புப் பகுதியின் பிம்பத்தையே மாற்றியமைக்கும் ஒரு மகத்தான சாதனையை நிகழ்த்திக் காட்டியிருக்கிறார் 18 வயது கபடி வீராங்கனை கார்த்திகா. அண்மையில் பஹ்ரைனில் நடைபெற்ற 18 வயதுக்குட்பட்டோருக்கான ஆசிய இளைஞர் விளை யாட்டுப் போட்டிகளில் இந்திய மகளிர் கபடி அணியின் துணைத் தலைவராக தங்கம் வென்று, நமது முதலமைச்சர் அவர்களின் பொற்கரங்களால் 25 லட்சம் ரூபாய் பெற்று தமிழகத்திற்கும் இந்தியாவிற்கும் பெருமை சேர்த்தமைக்கு வாழ்த்துக்களை தி.மு.க ஆதிதிராவிடர் நலக்குழு தெரிவித்துக் கொள்கிறது. மேலும் பஹ்ரைனில் நடைபெற்ற 18 வயதுக்குட்பட்டோருக்கான ஆடவர் இந்திய கபடி போட்டியில் முத்தமிழ்அறிஞர் கலைஞர் அவர்கள் பிறந்த திருவாரூர் மாவட்டத்தை சார்ந்த அபினேஷ் என்ற வீரர் தங்கம் வென்று, நமது முதலமைச்சர் அவர்களின் பொற்கரங்களால் 25 லட்சம் ரூபாய் பெற்று தமிழகத்திற்கும் இந்தியாவிற்கும் பெருமை சேர்த்தமைக்குவாழ்த்துக்களை தி.மு.க ஆதிதிராவிடர் நலக்குழு தெரிவித்துக் கொள்கிறது.

சாதி பெயர்களை

நீக்கியதற்கு நன்றி!

தமிழ்நாட்டில் தெருக்களில் உள்ள சாதி பெயர்களை நீக்கிய மாண்புமிகு தமிழ்நாடு முதலமைச்சர் அவர்களுக்கு நன்றியை தி.மு.க ஆதிதிராவிடர் நலக்குழு தெரிவித்துக் கொள்கிறது.

(SIR) வாக்காளர் பட்டியல் சிறப்பு தீவிர சீராய்வு என்ற பெயரில் ஆதிதிராவிடர்கள் மற்றும் சிறுபான்மையினர் வாக்குகளை திருட நினைக்கும் ஒன்றிய பா.ஜ.க அரசுக்கு தி.மு.க ஆதிதிராவிடர் நலக்குழு கண்டனத்தை தெரிவித்துக் கொள்கிறது

தி.மு.க. ஆதிதிராவிடர் நலக்குழு மாவட்ட, மாநகர, ஒன்றிய, நகர, பகுதி, பேரூர் நிர்வாகிகள் மாண்புமிகு தமிழ்நாடு முதமைச்சர் கழகத் தலைவர் அவர்களின் உத்தரவின்படி, தத்தமது பகுதிகளில்உள்ள கழக

BLA–2களுடன் இணைந்துவாக்காளர் பட்டியல் சிறப்பு தீவிர திருத்தப் பணி(SIR)களில் ஈடுபட்டு ஒவ்வொரு வாக்காளரையும் சேர்த்திடும் பணிகளில் தங்களை முழுமையாக ஈடுபடுத்திட வேண்டுமென இக்கூட்டம் கேட்டுக் கொள்கிறது.

இவ்வாறு தீர்மானங்கள் நிறைவேற்றப்பட்டன