காஞ்சிபுரம், நவ. 11–
சிறப்பு தீவிர வாக்காளர் பட்டியல் சீராய்வை (SIR) ரத்து செய்ய வலியுறுத்தியும், இதனை செயல்படுத்தும் இந்தியத் தேர்தல் ஆணையத்தைக் கண்டித்தும் காஞ்சிபுரம் பேருந்து நிலையம் எதிரில் இன்று காலை 10 மணிக்கு, நடைபெறும் மாபெரும் கண்டன ஆர்ப்பாட்டம் குறித்து காஞ்சிபுரம் தெற்கு மாவட்டக் கழகச் செயலாளர் க.சுந்தர் எம்.எல்.ஏ. விடுத்துள்ள அறிக்கை வருமாறு:–
இந்திய நாட்டில் உள்ள பெரும்பான்மையான அரசியல் கட்சிகள் எஸ்.ஐ.ஆர். என்னும் சிறப்பு தீவிர வாக்காளர் பட்டியல் சீராய்வை தொடக்கம் முதலில் இருந்து எதிர்ப்பு தெரிவித்தும், ஒன்றிய அரசின் கைப்பாவையாகவும், எதேச்சாதிகாரப் போக்குடனும் இந்தியத் தலைமைத் தேர்தல் ஆணையம் செயல்பட்டு வருகிறது.
தற்போது தமிழ்நாட்டில் சட்டப் பேரவை தேர்தல் நடைபெறுவதற்கு சில மாதங்களே உள்ள நிலையில், அது மட்டுமல்லாமல் நவம்பர், டிசம்பர் மாதங்களில் வட கிழக்கு பருவ மழையின் தாக்கம் அதிகமாக இருக்கும். இச் சமயத்தில் தீவிர வாக்காளர் பட்டியல் சீராய்வை (SIR) கொண்டு வந்து தமிழ்நாட்டில் திணித்திருப்பது அதன் பலன் முழுமையாக பூர்த்தியாகாது என்பது மட்டுமல்லாமல் தகுதியான வாக்காளர்கள் இந்த SIR மூலம் சேர்த்திட இயலாமல் போய் விடும், அதன் காரணமாகவே தி.மு.க. உள்ளிட்ட அனைத்துக் கட்சிகளும் எதிர்ப்பு தெரிவித்த போதிலும், இந்தியத் தேர்தல் ஆணையம் சிறப்புத் தீவிர வாக்காளர் பட்டியல் சீராய்வை தற்போது கொண்டு வந்துள்ளது.
எடுத்தேன் கவிழ்த்தேன் என்கிற ரீதியில் இந்தியத் தலைமைத் தேர்தல் ஆணையத்தால், வாக்களர் சீராய்வு என்கிற பெயரில் இந்தியத் திருநாட்டு மக்களை பாடாய் படுத்தும் இந்தியத் தலைமைத் தேர்தல் ஆணையத்தைக் கண்டித்து தி.மு.க. உள்ளிட்ட அனைத்து கட்சிகளும் – மதச்சார்பற்ற முற்போக்கு கூட்டணி கட்சிகள் அனைத்தும் ஒன்றிணைந்து நவம்பர் 11 ஆம் தேதி அன்று காலை தமிழ்நாட்டில் அனைத்து மாவட்டத் தலை நகரங்களிலும் மாபெரும் கண்டன ஆர்ப்பாட்டம் நடத்தப்படும் என்று அனைத்துக் கட்சித் தலைவர்கள் சார்பில் அறிவிக்கப்பட்டுள்ளது.
மதச்சார்ப்பற் முற்போக்கு கூட்டணிக் கட்சித் தலைவர்களின் அறிவிப்பிற்கிணங்க, காஞ்சிபுரம் தெற்கு மாவட்டக் கழகம்– மதச்சார்பற்ற முற்போக்கு கூட்டணி கட்சிகள் சார்பில் மாபெரும் கண்டன ஆர்ப்பாட்டம் இன்று (11.11.2025–செவ்வாய்க்கிழமை) காலை 10 மணிக்கு, காஞ்சிபுரம் பேருந்து நிலையம் எதிரில் காஞ்சிபுரத்தில் நடைபெறுகின்றது.
ஆர்ப்பாட்டத்திற்கு நான் (காஞ்சிபுரம் தெற்கு மாவட்டக் கழகச் செயலாளர் க.சுந்தர் எம்.எல்.ஏ.) தலைமை வகிக்கிறேன். காஞ்சிபுரம் மாநகரச் செயலாளர் சி.கே.வி. தமிழ்ச்செல்வன் அனைவரையும் வரவேற்றுப் பேசுகிறார்.
இந்த கண்டன ஆர்ப்பாடத்தில் தமிழ்க வாழ்வுரிமைக் கட்சி நிறுவனத் தலைவர் த.வேல்முருகன் எம்.எல்.ஏ., மார்க்சிஸ்ட் கம்யூனிஸ்ட் கட்சி முன்னாள் மாநிலசெயலாளரும், மத்திய கட்டுப்பாட்டுக் குழுத் தலைவருமான தோழர் ஜி.ராமகிருஷ்ணன், ம.தி.மு.க. மாநில மகளிரணி செயலாளர் மல்லிகா தயாளன், சிறுவேடல் க.செல்வம் எம்.பி., சி.வி.எம்.பி.எழிலரசன் எம்.எல்.ஏ., மேயர் எம்.மகாலட்சுமி யுவராஜ், துணை மேயர் ஆர்.குமரகுருநாதன்,ஜெ.ராமகிருஷ்ணன், ராணி ரவிச்சந்திரன்,சாரதி மணிமாறன், எஸ்.டி.இசை ஆகியோர் கண்டன உரை நிகழ்த்துகின்றனர்.
மேலும் இந்த கண்டன ஆர்ப்பாட்டத்தில், ஜி.சுகுமாரன், தி.அன்பழகன், பெ.சுந்தரவரதன், வி.எஸ்.ராமகிருஷ்ணன், அப்துல்மாலிக், ச.இனியரசு, ஓ.எஸ்.தினகரன், கு.மலர்விழி, சன்பிராண்டு கே.ஆறுமுகம், எம்.எஸ்.சுகுமார், ஆர்.டி.அரசு, டி.ஆர்.நாராயணன், ஆர்.அப்பாதுரை, எஸ்.கே.பி. சீனிவாசன், எஸ்.சிகாமணி, வே.ஏழுமலை, கே.ராஜேந்திரன், எஸ்.டி.பிரேம்சந்த், எஸ்.உசேன், பி.சசிகுமார், எஸ்.எழிலரசி, கு.குமார், பி.எம்.குமார், பி.எம்.பாபு, பி.சேகர், கெ.ஞானசேகரன், டி.குமார், க.குமணன், ஏ.சரவணன், பி.எச்.சத்தியசாய்நாதன், ஜி.தம்பு, கே.கண்ணன், பொன்.சிவக்குமார், வி.கோகுலகண்ணன், ஏ.சிற்றரசு, எம்.எஸ்.பாபு, வி.ஏழுமலை, கே.எஸ்.ரா.கார்த்திகேயன், கே.திலகர், எஸ்.சந்துரு, சு.வெங்கடேசன், எம்.எஸ்.பாரிவள்ளல், என்.பாண்டியன், ஆ.சுந்தர மூர்த்தி, வி.டி.ஆர்.எழிலரசன், டி.மோகன்தாஸ், நித்யாசுகுமார், மலர்கொடிகுமார், ஆர்.கே.தேவேந்திரன், ஹேமலதாஞானசேகரன், சாந்திராமச்சந்திரன், இல்லாமல்லி, கோ.தசரதன், நந்தினி கரிகாலன், சம்யுக்தா ஐயனார் உள்படதி.மு.க.– கூட்டணிக் கட்சிகளின் நிர்வாகிகள் கலந்து கொண்டு கண்டன முழக்கமிடு கின்றனர். நிறைவாக 3 வது பகுதிக் கழகச் செயலாளர் அ.தசரதன் நன்றி கூறுகிறார்.
எனவே எஸ்.ஐ.ஆர்.ரைக் கண்டித்து இன்று நடைபெறும் மாபெரும் கண்டன ஆர்ப்பாட்டத்தில் காஞ்சிபுரம் தெற்கு மாவட்டக் கழகத்தினர் – கூட்டணிக் கட்சியினர் அனைவரும் திரளாக கலந்து கொள்ள வேண்டுமாய் கேட்டுக்கொள்கிறேன்.
இவ்வாறு மாவட்டக் கழகச் செயலாளர் க.சுந்தர் எம்.எல்.ஏ. அறிக்கையில் கேட்டுக் கொண்டுள்ளார்.