சென்னை, நவ.11–
மிகுந்த விழிப்போடு இருந்து SIR பணிகளில் தகவல் தொழில்நுட்ப அணியின் OTN–ACக்களையும் BDAக்களையும் கழக நிர்வாகிகள் முழுமையாகப் பயன்படுத்திக் கொள்வீர்! என கழகத் தகவல்தொழில்நுட்ப அணிச் செயலாளர் – அமைச்சர் முனைவர் டி.ஆர்.பி. ராஜா அறிக்கை விடுத்துள்ளார்.
அவரது அறிக்கை வருமாறு :–
அனைத்து மக்களின் வாக்குரிமையையும் பாரபட்சமின்றி பாதுகாத்து, ஜனநாயகத்தை நிலைநாட்டும் பணியில் நம் தலைவர் அவர்கள் தலைமையிலான திராவிட முன்னேற்றக் கழகம் மட்டுமே முழுமையாக ஈடுப்பட்டு வரும் நிலையில், பா.ஜ.க.–அ.தி.மு.க. கூட்டணியின் சதியை முறியடிக்கும் வகையில், SIR உள்ளிட்ட தேர்தல் களப் பணிகளில் உதவுவதற்காக தகவல் தொழில்நுட்ப அணியின் அதிகாரப்பூர்வ BDA பட்டியலை https://www.dmk.in/ta/resources/bda–list/ என்ற தி.மு.க. இணையதளப் பக்கத்தில் வெளியிடப்பட்டுள்ளது.
கழகத் தலைவர் அவர்கள் ஏற்கனவே நமக்கு வழங்கிய ஓரணியில் தமிழ்நாடு செயல்திட்டத்தின்போது, அதற்கான செயலி குறித்துபயிற்சியளிக்கவும்–பயன்படுத்தவும் தகவல் தொழில்நுட்ப அணி சார்பில் ஓரணியில் தமிழ்நாடு தொகுதி ஒருங்கிணைப்பாளர்கள் (OTN–AC) ஒவ்வொரு தொகுதிக்கும் நிய மிக்கப்பட்டு பணியாற்றினார்கள்.
SIR உள்ளிட்ட தேர்தல் களப் பணிகளிலும் OTN–ACகள் தங்களுக்கு உறுதுணையாக இருந்து, BDAக்க ளுக்கு உரிய பயிற்சியையும் ஆலோசனைகளையும் வழங்கி, விரைவாகவும் சரியாகவும் பணிகளை நிறைவேற்றிடத் துணை நிற்பார்கள். மாவட்டக் கழக செயலாளர்கள் ஆலோசனைபடி பகுதி ஒன்றியம் தோறும் பயிற்சி கூட்டங்கள் நடத்தவும் இவர்கள் உறுதுணையாக இருப்பார்கள்.
இந்தியக் குடிமக்களின் ஜனநாயகத்தைப் பாதுகாக்கப் போராடும் ஒரே தலைவரான நம் திராவிட நாயகன் மாண்புமிகு முதலமைச்சர் அவர்களின் கரங்களை வலுப்படுத்திட மாவட்டக் கழகச் செயலாளர்களும், ஒன்றிய–நகர–பேரூர் கழகச் செயலாளர்களும் தேர்தல் சார்ந்த கழகப் பணிகளில் நமது தகவல் தொழில் நுட்ப அணியை, குறிப்பாக OTN–ACகளை முழுமையாகப் பயன்படுத்திக் கொள்ள வேண்டுகிறேன்.
இவ்வாறு அவ்வறிக்கையில் – கழகத் தகவல் தொழில்நுட்ப அணிச் செயலாளர் – அமைச்சர் – முனைவர் டி.ஆர்.பி. ராஜா தெரிவித்துள்ளார்.