சென்னை, நவ. 11 –
சென்னை தெற்கு மாவட்ட இளைஞர் அணி அமைப்பாளர் ஏ.எம்.வி.பிரபாகர்ராஜா எம்.எல்.ஏ. விடுத்துள்ள அறிக்கை வருமாறு:–
ஒன்றிய பா.ஜ.க. அரசின் கைப்பாவையாக செயல்படும் இந்திய தேர்தல் ஆணையத்தை கண்டித்து வாக்காளர் பட்டியல் சிறப்பு தீவிர சீராய்வு (S.I.R) யை எதிர்த்து மதச்சார்பற்ற முற்போக்கு கூட்டணி சார்பில் சென்னை தெற்கு மாவட்டக் கழக சார்பில் நடைபெறும் மாபெரும் கண்டன ஆர்ப்பாட்டத்தில் சென்னைதெற்கு மாவட்டத்துக்கு உட்பட்ட இளைஞர் அணி மாவட்ட துணை அமைப்பாளர்கள், பகுதி அமைப்பாளர்கள், பகுதி துணை அமைப்பாளர்கள், வட்ட அமைப்பாளர்கள், வட்ட துணை அமைப்பாளர்கள், பாக அமைப்பாளர்கள் என அனைத்து நிலை இளைஞர்களின் நிர்வாகிகள் அனைவரும் இன்று (11.11.2025 – செவ்வாய்க்கிழமை) காலை 9.30 மணிக்கு, சைதாப்பேட்டை, பொன்விழா வளைவு அருகில் வருகை தருமாறு கேட்டுக்கொள்கிறேன்.
இவ்வாறு சென்னை தெற்கு மாவட்ட இளைஞர் அணி அமைப்பாளர் ஏ.எம்.வி.பிரபாகர்ராஜா எம்.எல்.ஏ. தெரிவித்துள்ளார்.
இராயபுரம் சட்டமன்றத் தொகுதி 50வது வார்டுக்கு உட்பட்ட ஜி.எம்.பேட்டை பகுதியில், தொகுதி மேம்பாட்டு நிதியில் இருந்து கட்டப்பட்ட புதிய பூங்காவை ஐட்ரீம் இரா. மூர்த்தி திறந்து வைத்து, பார்வையிட்டார். பகுதி செயலாளர்கள் இரா. செந்தில் குமார், வ.பெ.சுரேஷ், வட்ட செயலாளர்கள் ஆர்.வி.கணேஷ், சுரேஷ்குமார் எம்.சி. மற்றும் மாவட்ட, பகுதி, வட்ட, கழக நிர்வாகிகள் உடனிருந்தனர்.