திருவள்ளூர் நவ.11:
பூவிருந்தவல்லி அடுத்த மலையம்பாக்கம் கிராமத்தில் பூவிருந்தவல்லி பெரிய பள்ளிவாசலுக்கு சொந்தமான இடத்தில் புதிய பள்ளிவாசல் கட்டடம் கட்டப்பட்டுள்ளது. இதன் திறப்பு விழா நிகழ்ச்சி நேற்று நடைபெற்றது.
இதில் பெரிய பள்ளிவாசல் தலைவர் முஹம்மது ஹனீப் கௌஸ் தலைமை தாங்கினார். செயலாளர் ராஜா உசேன், பொருளாளர் சேக் பரீத், நிர்வாகிகள் மகபூப் பாஷா, அப்துல் ரசாக், அப்துல்சலாம், சதக்கத்துல்லா, யூனுஸ் இப்ராஹிம், ஆதம்ஷா, கலிம்அகமது உள்ளிட்டோர் முன்னிலை வகித்தனர். துணைத் தலைவர் மாஹீன் அபுபக்கர் வரவேற்றார்.
இந்த நிகழ்ச்சியில் சிறுபான்மையினர் நலன் மற்றும் வெளிநாடு வாழ் தமிழர் நலத்துறை அமைச்சர் ஆவடி சா.மு. நாசர், முன்னாள் அமைச்சர் செஞ்சி மஸ்தான் எம்எல்ஏ ஆகியோர் சிறப்பு அழைப்பாளர்களாக கலந்து கொண்டு புதிய பள்ளிவாசல் கட்டடத்தை திறந்து வைத்தனர்.
இதில் அமைச்சர் நாசர் பேசும்போது,
இந்தியாவில் ஜாதி மதம் இனம் மொழி கலாச்சாரம் பண்பாடு என பல்வேறு வகையான மக்கள் இருந்தாலும் வேற்றுமையில் ஒற்றுமை என வாழ்ந்து வருகின்றனர். தற்போது நாடு முழுவதும் சிறுபான்மையினருக்கு அச்சுறுத்தலான சூழ்நிலை நிலவி வரும் நிலையில் தமிழ்நாடு அரசு சிறுபான்மையினருக்கு பாதுகாப்பாக உள்ளது. முதலமைச்சர் மு.க. ஸ்டாலின் தலைமையிலான திராவிட மாடல் ஆட்சியில் சிறுபான்மையினருக்கும் தாழ்த்தப்பட்ட, ஒடுக்கப்பட்ட மக்களுக்கும் ஏராளமான திட்டங்கள் செயல்படுத்தப்பட்டுள்ளன. சிறுபான்மையினருக்கு இந்த அரசாங்கம் எந்த அளவுக்கு பாதுகாப்பாக இருக்கிறதோ அதே அளவுக்கு சிறுபான்மையின மக்களும் இந்த அரசாங்கத்திற்கு ஆதரவு தர வேண்டும் என்றார்.
இந்த நிகழ்ச்சியில் தமிழ்நாடு வக்பு வாரிய முன்னாள் உறுப்பினர் நவாஸ், தலைமை செயற்குழு உறுப்பினர் நடுகுத்கைகே.ஜே .ரமேஷ்,ஆவடிமேயர்உதயகுமார்,நகரகழகசெயலாளர்ஜி.ஆர்திருமலை,நகரமன்றதலைவர்காஞ்சனாசுதாகர்,துணைத்தலைவர்க.ஸ்ரீதர்,மாநகரபொறுப்பாளர்சன்பிரகாஷ்,பகுதிகழகசெயலாளர்கள்ஜி.நாராயணபிரசாத்,பொன்விஜயன் பூந்தமல்லி பள்ளிவாசல் ஆலோசனைக் குழு உறுப்பினர் சேக்தாவூத், இமாம்கள் பூந்தமல்லி முஹம்மது இஸ்மாயில் பாகவி, பரணிபுத்தூர் முஹம்மது சலீம் சேட், மலையம்பாக்கம் முஹம்மது இம்ரான், மேப்பூர் தாஜுதீன் காஷிபி மற்றும் பல்வேறு பள்ளிவாசல்களின் நிர்வாகிகள், இஸ்லாமிய அமைப்புகளின் நிர்வாகிகள், நகர் மன்ற உறுப்பினர்கள் உள்பட ஏராளமானோர் கலந்து கொண்டனர்.